முக்கிய செய்திகள்
Idhayam Matrimony

மேகாலயா மாநிலத்தில் மரணம் அடைந்த திருமங்கலம் பகுதி ராணுவ வீரரின் உடல் ராணுவ மரியாதையுடன் தகனம்:

ஞாயிற்றுக்கிழமை, 26 மே 2019      மதுரை
Image Unavailable

திருமங்கலம். -மதுரை மாவட்டம் திருமங்கலம் அருகேயுள்ள சிவரக்கோட்டை கிராமத்தைச் சேர்ந்த ராணுவ வீரர் மேகாலயா மாநிலத்தில் மரணமடைந்தார். இதை தொடர்ந்து அவருடைய உடல் சொந்த ஊருக்கு கொண்டு வரப்பட்டு முழு ராணுவ மரியாதையுடன்  தகனம் செய்யப்பட்டது.
 .திருமங்கலம் அருகேயுள்ள சிவரக்கோட்டை கிராமத்தைச் சேர்ந்த திருவேங்கடம் மகன் மாரீஸ்வரன்(31).இவர் கடந்த 2008ம் ஆண்டு ராணுவத்தில் சேர்ந்தார். கடந்த 12 ஆண்டுகளாக ராணுவத்தில் பணியாற்றிய இவர் தற்போது மேகாலயா மாநிலம் ஷில்லாங் பகுதியில் பணியாற்றி வந்தார். கடந்த 15 மாதங்களுக்கு முன்பு இவருக்கு திருமணமாகி அபிநயா என்ற மனைவி உள்ளார். சம்பவத்தன்று இவர் பணியில் இருந்த போது கடந்த 24ம் தேதி திடீரென அவருக்கு மூச்சு திணறல் ஏற்பட்டுள்ளது .உடனடியாக அவரை அங்குள்ள மருத்துவமனைக்கு அழைத்துச் சென்று பரிசோதனை செய்த போது அவர் இறந்து விட்டார் என்று தெரிந்தது. இதை தொடர்ந்து அவருடைய குடும்பத்திற்கு தகவல் கொடுக்கப்பட்டது. இதனைத் தொடர்ந்து விமானம் மூலம் மதுரை வந்த இவருடைய உடல் சொந்த ஊரான சிவரக்கோட்டைக்கு வந்தடைந்தது. அப்போது ராணுவ தீரரின் உடலுக்கு உறவினர்களும் கிராம மக்களும் அஞ்சலி செலுத்தினர்.
இதையடுத்து  ராணுவ வீரர் மாரீஸ்வரன் உடல் முழு ராணுவ மரியாதையுடன் தகனம் செய்யப்பட்டது.உடல் தகனம் செய்யப்பட்ட போது பெண்கள் ஆண்கள் அனைவரும் சுடுகாட்டிற்கு திரண்டு வந்து அஞ்சலி செலுத்தினர்.
மேலும் இவருடைய உறவினர்கள் கூறுகையில் மாரீஸ்வரன் குடும்பத்திற்கு அரசு வேலை வழங்க வேண்டும் என்றும் கோரிக்கை வைத்துள்ளனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 weeks 18 hours ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 weeks 18 hours ago ஆவாரம்பூவின் மருத்துவ பலன்கள் 3 weeks 18 hours ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 6 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 1 day ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.