உலக கோப்பை முதல் சுற்றிலேயே தென்ஆப்பிரிக்கா வெளியேறியதற்கு ஐ.பி.எல். போட்டிதான் காரணம் - தென் ஆப்பிரிக்கா கேப்டன் டு பிளிஸ்சிஸ் குற்றச்சாட்டு

திங்கட்கிழமை, 24 ஜூன் 2019      விளையாட்டு
Faf du Plessis Blames IPL 2019 06 24

லார்ட்ஸ் : உலக கோப்பையில் அரை இறுதிக்கு முன்னேற முடியாமல் முதல் சுற்றிலேயே வெளியேறியதற்கு ஐ.பி.எல். போட்டியே காரணம் என்று தென் ஆப்பிரிக்க கேப்டன் டு பிளிஸ்சிஸ் குற்றம் சாட்டியுள்ளார். மேலும், இம்ரான்தாகிர் சிறப்பாக பந்து வீசினார் என்றும் அவர் விதிவிலக்கானவர் என்றும் அவர் தெரிவித்துள்ளார்.

5-வது தோல்வி...

உலக கோப்பை போட்டியில் தென் ஆப்பிரிக்கா அணி பாகிஸ்தானிடம் வீழ்ந்து 5-வது தோல்வியை தழுவியது. லார்ட்ஸ் மைதானத்தில் நடந்த இந்த ஆட்டத்தில் முதலில் விளையாடிய பாகிஸ்தான் அணி நிர்ணயிக்கப்பட்ட 50 ஓவரில் 7 விக்கெட் இழப்புக்கு 308 ரன் குவித்தது.

ஹாரிஸ் சோகைல்...

ஹாரிஸ் சோகைல் 59 பந்தில் 89 ரன்னும் (9 பவுண்டரி, 3 சிக்சர்), பாபர் ஆசம் 69 ரன்னும் (7 பவுண்டரி), இமாம்-உல்-ஹக், பசர்ஜ மானதலா 44 ரன்னும் எடுத்தனர். நிகிடி 3 விக்கெட்டும், இம்ரான் தாகீர் 2 விக்கெட்டும், மர்கிராம், பெலுவாயோ தலா 1 விக்கெட்டும் எடுத்தனர்.

49 ரன்னில் தோல்வி...

பின்னர் விளையாடிய தென்ஆப்பிரிக்கா அணியால் 9 விக்கெட் இழப்புக்கு 259 ரன்களே எடுக்க முடிந்தது.இதனால் அந்த அணி 49 ரன்னில் தோற்றது. இதன் மூலம் தென் ஆப்பிரிக்கா 5-வது தோல்வியை தழுவி போட்டியில் இருந்து அதிகாரப்பூர்வமாக வெளியேற்றப்பட்டது.

டு பிளிஸ்சிஸ்...

கேப்டன் டு பிளிஸ்சிஸ் அதிகபட்சமாக 63 ரன்னும், குயிண்டன் டி காக் 47 ரன்னும்,பெகுலுவாயோ 46 ரன்னும் எடுத்தனர். வகாப் ரியாஸ், சதஸ்கான் தலா 3 விக்கெட்டும், முகமது அமீர் 2 விக்கெட்டும் சகீன் ஷா அப்ரிடி 1 விக்கெட்டும் கைப்பற்றினார்கள்.

கட்டுப்படுத்தவில்லை...

உலக கோப்பையில் அரை இறுதிக்கு முன்னேற முடியாமல் முதல் சுற்றிலேயே வெளியேறியதற்கு ஐ.பி.எல். போட்டியே காரணம் என்று தென் ஆப்பிரிக்க கேப்டன் டு பிளிஸ்சிஸ் குற்றம் சாட்டியுள்ளார். இது தொடர்பாக அவர் கூறியதாவது:- நாங்கள் சரியான கிரிக்கெட்டை வெளிப்படுத்தவில்லை. பாகிஸ்தான் அணியின் சிறப்பான தொடக்கத்தை கட்டுப்படுத்த முடியாமல் போய்விட்டது. தொடக்கத்திலேயே நாங்கள் விக்கெட்டுகளை இழந்து விட்டோம்.

விதிவிலக்கானவர்...

உலக கோப்பையில் நாங்கள் சரியாக ஆடவில்லை. எங்கள் தோல்வியை நியாயப்படுத்த முடியாது. இம்ரான்தாகிர் சிறப்பாக பந்து வீசினார். அவர் விதிவிலக்கானவர். மற்ற பந்து வீச்சாளர்கள் அவருக்கு துணை நிற்கவில்லை.

ஐ.பி.எல். போட்டியால்...

எங்கள் அணியின் வேகப்பந்து வீரர் ரபடாவை ஐ.பி.எல். போட்டியில் விளையாடாமல் இருக்க முயற்சி செய்தோம். அவர் ஐ.பி.எல். போட்டியில் ஆடாமல் இருந்தால் புத்துணர்வுடன் இருந்து இருப்பார். ஓய்வு இல்லாமல் இருந்தது பாதிப்பை ஏற்படுத்தியது. ஐ.பி.எல். போட்டியை விட உலக கோப்பை முக்கியமானது. தென் ஆப்பிரிக்கா வெளியேற்றத்துக்கு ஐ.பி.எல். போட்டி காரணமாக அமைந்துவிட்டது. இவ்வாறு அவர் கூறினார்.

மதுரை ரிங்ரோட்டுக்காக இருபோக சாகுபடி நிலங்களை அழிக்கத் துடிக்கும் தேசிய நெடுஞ்சாலைத் துறை

Aval Ladoo Recipes in Tamil | அவல் லட்டு | Sweets Recipe in Tamil

Star Hotel Chicken Shami Kabab Recipe in Tamil | சிக்கன் ஷாமி கபாப் | Chicken Recipes

Star Hotel Coriander Chicken Recipe in Tamil| | கொத்தமல்லி சிக்கன்| Kothamalli Chicken | Chicken Recipe

Fish Manchurian recipe in Tami l மீன் மஞ்சுரியன் l How to make fish manchrian in Tamil|Fish Recipes

Madurai Special Kari Dosa Recipe in Tamil | மதுரை மட்டன் கறி தோசை | Mutton Kari Dosa | Keema Dosa

இதை ஷேர் செய்திடுங்கள்:

View all comments

வாசகர் கருத்து