முக்கிய செய்திகள்
Idhayam Matrimony

எம்.எல்.ஏ.க்களின் கடிதம் மீது எந்த முடிவும் எடுக்கக் கூடாது: கர்நாடக சபாநாயகருக்கு சுப்ரீம்கோர்ட் தடை

வெள்ளிக்கிழமை, 12 ஜூலை 2019      இந்தியா
Image Unavailable

கர்நாடக எம்.எல்.ஏ.க்கள் அளித்த ராஜினாமா கடிதங்கள் மீது சபாநாயகர் எந்த முடிவும் எடுக்கக் கூடாது என்று சுப்ரீம் கோர்ட் தடை விதித்து உத்தரவிட்டது.

கர்நாடகத்தில் முதல்வர் குமாரசாமி தலைமையில் காங்கிரஸ் -ஜனதாதளம் (எஸ்) கூட்டணி அரசு நடந்து வருகிறது. இந்த கூட்டணி ஆட்சி அமைந்ததில் இருந்தே அதிருப்தி எம்.எல்.ஏ.க்கள் தொடர்ந்து அச்சுறுத்தலாகவே இருந்து வந்தனர். அவர்களை கட்சித் தலைமை சமாதானம் செய்து வந்தது. இருப்பினும் ஆட்சியை கவிழ்ப்பதில் அவர்கள் தீவிரமாக இருந்தனர். ஆளும் கூட்டணி கட்சிகளில் இருந்து 16 எம்.எல்.ஏ.க்கள் தங்களுடைய எம்.எல்.ஏ. பதவியை ராஜினாமா செய்துள்ளனர். இதனால் கூட்டணி அரசு கடும் நெருக்கடியில் உள்ளது. ராஜினாமா கடிதங்களை சபாநாயகர் அங்கீகரித்தால், இந்த கூட்டணி அரசு தானாகவே கவிழ்ந்து விடும்.

இதனிடையே அதிருப்தி எம்.எல்.ஏ.க்கள் தாக்கல் செய்த மனுவை விசாரித்த சுப்ரீம் கோர்ட், ராஜினாமா விஷயத்தில் சபாநாயகரை முடிவு எடுக்கும்படி அறிவுறுத்தியது. அத்துடன் அதிருப்தி எம்.எல்.ஏ.க்கள் அனைவரும் சபாநாயகரை சந்திக்கும்படி அறிவுறுத்தியது. அதன்படி அதிருப்தி எம்.எல்.ஏ.க்கள் நேற்று முன்தினம் சபாநாயகரை சந்தித்தனர். ஆனால், சபாநாயகரோ ராஜினாமா கடிதங்களை உடனடியாக ஏற்க முடியாது என திட்டவட்டமாக கூறி விட்டார். முழுமையாக விசாரணை நடத்தி அந்த விசாரணையின் அடிப்படையில்தான் அடுத்தக்கட்ட நடவடிக்கை எடுப்பதாகவும் சபாநாயகர் தெரிவித்தார். சுப்ரீம் கோர்ட்  உத்தரவுக்கு எதிராக சபாநாயகர் மனு ஒன்றையும் தாக்கல் செய்தார்.

இந்த நிலையில் இந்த வழக்கில் தன்னையும் இணைக்கும்படி கர்நாடக இளைஞர் காங்கிரஸ் தலைவர் அனில் சாக்கோ ஜோசப் நேற்று சுப்ரீம் கோர்ட்டில் மனு தாக்கல் செய்தார். அவரது மனுவை ஏற்றுக் கொண்ட நீதிபதிகள், அதிருப்தி எம்.எல்.ஏ.க்கள் வழக்குடன் சேர்த்து விசாரிப்பதாக கூறினர். இதே போல் அதிருப்தி எம்.எல்.ஏ.க்களுக்கு எதிராக காங்கிரஸ் கட்சி உறுப்பினர்கள் சுப்ரீம் கோர்ட்டில் முறையிட்டுள்ளனர். அவர்கள் தாக்கல் செய்துள்ள மனுவில், கர்நாடகா அதிருப்தி எம்.எல்.ஏ.க்களின் மனுக்களை விசாரிக்கக் கூடாது என கூறியுள்ளனர்.

அதிருப்தி எம்.எல்.ஏ.க்கள் மீது சட்டப்படி நடவடிக்கை எடுக்க முடியாது. ஆனால் தார்மீக அடிப்படையில் இதுபோன்ற வழக்குகளை விசாரிக்காமல் இருக்கலாம். மக்களின் கருத்தை கேட்காமல் ராஜினாமா செய்யும் எம்.எல்.ஏ.க்களை ஊக்குவிக்கும் வகையில் இதுபோன்ற மனுக்களை விசாரிக்க கூடாது என அவர்கள் கோரிக்கை வைத்தனர். 

இந்த பரப்பான சூழ்நிலையில், கர்நாடக விவகாரம் தொடர்பான இந்த வழக்குகள் நேற்று விசாரணைக்கு எடுத்துக் கொள்ளப்பட்டன. அப்போது, அதிருப்தி எம்.எல்.ஏ.க்கள் தரப்பில் மூத்த வழக்கறிஞர் முகுல் ரோகத்கியும், சபாநாயகர் தரப்பில் அபிஷேக் சிங்வியும் வாதாடினர். இரு தரப்பினருக்குமிடையே காரசாரமான வாதம் நடைபெற்றது. அரசியலமைப்பு சட்ட விதிகள் பற்றி விளக்கி கூறிய அபிஷேக் சிங்வி, அரசியலமைப்பு பதவியை சபாநாயகர் வகிப்பதாக கூறினார். சபாநாயகர் சட்டமன்றத்தின் மிக மூத்த உறுப்பினர், அவருக்கு அரசியலமைப்பு சட்டம் தெரியும். அவரை இழிவுபடுத்தும் வகையில் இதுபோன்று வழக்கு தொடரக் கூடாது என்றார். அப்போது குறுக்கிட்ட தலைமை நீதிபதி ரஞ்சன் கோகாய், சுப்ரீம் கோர்ட் தீர்ப்பை எதிர்க்கும் அதிகாரம் சபாநாயகருக்கு இருக்கிறதா? என கேள்வி எழுப்பினார். ராஜினாமா கடிதங்களை ஏற்றுக் கொள்வதற்கு சபாநாயகருக்கு தைரியம் இல்லை என அதிருப்தி எம்.எல்.ஏ.க்கள் தரப்பு வழக்கறிஞர் குறிப்பிட்டார். இரு தரப்பு வாதங்களையும் கேட்ட நீதிபதிகள், கர்நாடக எம்.எல்.ஏ.க்கள் அளித்த ராஜினாமா கடிதங்கள் மீது சபாநாயகர் எந்த முடிவும் எடுக்கக் கூடாது என தடை விதித்து உத்தரவிட்டனர். ராஜினாமா கடிதம் கொடுத்த எம்.எல்.ஏ.க்களை தகுதி நீக்கம் செய்யக் கூடாது. ராஜினாமாவை ஏற்பது பற்றியோ, நிராகரிப்பது பற்றியோ எந்த முடிவும் எடுக்கக் கூடாது. தற்போதைய நிலையை நீடிக்க வேண்டும். இது அரசியல் சாசன விவகாரம் என்பதால் விரிவான விசாரணை நடத்த வேண்டி உள்ளது என நீதிபதிகள் கூறினர். இந்த வழக்கின் விசாரணையை 16-ம் தேதிக்கு நீதிபதிகள் ஒத்திவைத்தனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து