முக்கிய செய்திகள்
Idhayam Matrimony

வாக்காளர் பட்டியல் சரிப்பார்த்தல் பணியில் முழுமையாக அ.தி.மு.க.வினர் ஈடுபட வேண்டும் இ.பி.எஸ் - ஓ.பி.எஸ் வலியுறுத்தல்

புதன்கிழமை, 4 செப்டம்பர் 2019      தமிழகம்
Image Unavailable

வாக்காளர் பட்டியல் சரிப்பார்த்தல் பணியில் அமைச்சர்கள் முதல் அ.தி.மு.க. தொண்டர்கள் அனைவரும் முழுமையாக ஈடுபடுத்தி கொள்ள வேண்டும் என்று முதல்வர் எடப்பாடி பழனிசாமி, துணை முதல்வர் ஓ. பன்னீர் செல்வம் ஆகியோர் கேட்டுக்கொண்டுள்ளனர்.

இது குறித்து அ.தி.மு.க. ஒருங்கிணைப்பாளரும், துணை முதல்வருமான ஓ. பன்னீர்செல்வம், இணை ஒருங்கிணைப்பாளரும், முதல்வருமான எடப்பாடி பழனிசாமி ஆகியோர் விடுத்துள்ள முக்கிய அறிவிப்பு வருமாறு:-

புகைப்பட வாக்காளர் பட்டியலில் சிறப்பு சுருக்கமுறைத் திருத்தம் செய்யும் வகையில் இந்தியத் தேர்தல் ஆணையம் வாக்காளர் சரிபார்க்கும் புதிய நடைமுறையை உருவாக்கி உள்ளது. இந்தத் திட்டம் கடந்த 1-ம் தேதி தொடங்கப்பட்டு 30-ம் தேதி வரை நடைபெற உள்ளது. இக்காலக்கட்டத்தில் வழங்கப்படும் திருத்தங்கள் மேற்கொள்ளப்பட்டு அதன் பின்னர், 15-ம் தேதி வரைவு வாக்காளர் பட்டியல் வெளியிடப்பட உள்ளது.

வாக்காளர் சரிபார்த்தல் திட்டப் பணியில், வாக்காளர் உதவி தொலைபேசி எண். 1950, கைபேசி செயலி, தேசிய வாக்காளர் சேவை போர்ட்டல், பொது சேவை மையங்கள், வாக்காளர் உதவி மையங்கள் ஆகியவற்றின் மூலம் வாக்காளர்கள் தங்கள் விபரங்களை திருத்தம் செய்வதற்கும், சரிபார்ப்பதற்கும் பயன்படுத்திக் கொள்ளலாம். இந்த முறையில் பெயர் சேர்த்தல் மற்றும் திருத்தம் செய்யும் போது, உரிய ஆவணங்களை பதிவேற்றம் செய்ய வேண்டும். ஒருவேளை நேரடியாக வாக்குச் சாவடி அலுவலர்கள், வாக்காளர் பட்டியல் அலுவலர்களிடம் மனுக்களை வழங்கினால், பாஸ்போர்ட், ஆதார், ஓட்டுனர் உரிமம், குடும்ப அட்டை உள்ளிட்ட தேர்தல் ஆணையத்தால் அங்கீகரிக்கப்பட்ட பிறப்புச் சான்றிதழ், பள்ளிகளில் இருந்து வழங்கப்பட்ட பிறந்த தேதிக்கான சான்றிதழ், பிறந்த தேதி குறிப்பிடப்பட்டுள்ள 10-ம் வகுப்பு, 8 அல்லது 5-ம் வகுப்பு மதிப்பெண் சான்றிதழ்கள், வங்கிக் கணக்குப் புத்தகம், கிசான் புத்தகம், அஞ்சலக கணக்குப் புத்தகம் உள்ளிட்ட அடையாள ஆவணங்களின் நகலை வழங்கிட வேண்டும்.

தமிழகத்தில் செயல்பட்டு வரும் பொது சேவை மையங்கள், அரசு கேபிள் டி.வி.-யின் இ-சேவை மையங்கள், அரசு கேபிள் டி.வி.யின் கூடுதல் மையங்கள், வாக்காளர் உதவி மையங்கள் மற்றும் வாக்காளர் பட்டியல் சரிபார்க்கும் அதிகாரிகள் அலுவலகங்களில் அமைக்கப்பட்டுள்ள உதவி மையங்கள் முதலானவற்றில், வாக்காளர் சேர்த்தல் மற்றும் திருத்தம் செய்தல் உள்ளிட்ட பணிகளை மேற்கொள்ளலாம். மேலும், வாக்காளர்கள் தாங்களே, கைபேசி செயலி மூலம், பெயர், பிறந்த தேதி, முகவரி திருத்தம், பெயர் சேர்த்தல், நீக்கல், முகவரி மாற்றம் உள்ளிட்டவற்றை மேற்கொள்ளலாம்.

மிகவும் முக்கியத்துவம் வாய்ந்த இப்பணியில், அ.தி.மு.க. நிர்வாகிகள் அமைச்சர்கள் , மாவட்ட செயலாளர்கள், எம்.பி.க்கள், எம்.எல்.ஏ.க்கள், முன்னாள் அமைச்சர்கள், முன்னாள் எம்.பி.க்கள், எம்.எல்.ஏ.க்கள், மாவட்டம் / ஒன்றியம் / நகரம் / பேரூராட்சி / பகுதி / ஊராட்சி / கிளை / வார்டு மற்றும் வட்டக் கழகச் செயலாளர்கள் உள்ளிட்ட பல்வேறு நிலைகளில் செயல்பட்டு வரும் அனைத்து நிர்வாகிகளும், கூட்டுறவு அமைப்புகளின் பிரதிநிதிகளும், உள்ளாட்சி அமைப்புகளின் முன்னாள் பிரதிநிதிகளும், அ.தி.மு.க.வினரும் குறிப்பாக, அந்தந்த வாக்குச் சாவடிகளுக்கென்று நியமிக்கப்பட்டுள்ள வாக்குச் சாவடி நிலை முகவர்களும் தனிக் கவனம் செலுத்தி 30-ம் தேதி வரை நடைபெற உள்ள வாக்காளர் சரிபார்த்தல் பணிகளில் ஒவ்வொருவரும் தங்களை முழுமையாக ஈடுபடுத்திக் கொள்ளுமாறு கேட்டுக்கொள்கிறோம். இது சம்பந்தமாக, கட்சி நிர்வாகிகள் அனைவரும் தாங்கள் மேற்கொண்ட பணிகள் குறித்த விபரங்களை, சம்பந்தப்பட்ட மாவட்டஅ.தி.மு.க. செயலாளர்கள் மூலம் தலைமைக் கழகத்திற்கு தெரிவிக்குமாறும் அன்போடு கேட்டுக் கொள்கிறோம். இவ்வாறு அந்த செய்திக்குறி்ப்பில் தெரிவிக்கப்பட்டுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து