முக்கிய செய்திகள்
Idhayam Matrimony

40 அடியை எட்டும் பேச்சிப்பாறை அணை- விவசாயிகள் மகிழ்ச்சி

திங்கட்கிழமை, 4 நவம்பர் 2019      தமிழகம்
Image Unavailable

 நாகர்கோவில் : தொடர் மழை காரணமாக 2 ஆண்டுகளுக்கு பிறகு பேச்சிப்பாறை அணை நீர்மட்டம் 40 அடியை எட்டும் நிலையில் உள்ளது. இது விவசாயிகளை மகிழ்ச்சியில் ஆழ்த்தி உள்ளது.

குமரி மாவட்டத்தில் வடகிழக்கு பருவமழை பெய்து வருகிறது. அதே சமயம் கியார் புயல், மகா புயல் காரணமாக இந்த மழை கனமழையாக தீவிரம் அடைந்தது.

குமரி மாவட்டத்தின் அணைப்பகுதிகளிலும் மழை பெய்து வருகிறது. இதன் காரணமாக பிரதான அணைகளான பேச்சிப்பாறை, பெருஞ்சாணி அணைகளுக்கு நீர்வரத்து அதிகரித்து உள்ளது. மற்ற அணைகளான சிற்றாறு-1, சிற்றாறு-2, பொய்கை அணை, மாம்பழத்துறையாறு அணைகளுக்கும் தண்ணீர் அதிக அளவு வந்து கொண்டிருக்கிறது. 

பிரதான அணையின் முன் பகுதியில் சாய்வு அணை அமைத்து பலப்படுத்துவது, கூடுதலாக 8 மறுகால் மதகுகள் அமைப்பது, பிரதான மதகுகளை நவீனப்படுத்துவது, அணையின் உள்பகுதி சுவரில் ரசாயனம் கலந்த சிமெண்ட் கலவையை பூசி பலப்படுத்துதல் போன்ற பணிகள் நடந்து வருகிறது. இதுவரை 95 சதவீத பணிகள் நிறைவடைந்து உள்ளது.

இந்த பணிகள் காரணமாக கடந்த 2 ஆண்டுகளாக பேச்சிப்பாறை அணையில் 15 அடிக்கு மேல் தண்ணீர் தேக்கமுடியாத நிலை இருந்து வந்தது. தற்போது சீரமைப்பு பணிகள் பெரும்பாலும் நிறைவடைந்துவிட்டதால் தற்போதைய மழையை பயன்படுத்தி கூடுதல் தண்ணீர் தேக்க முடிவு செய்யப்பட்டது.

இதனால் பேச்சிப்பாறை அணையில் 40 அடியை எட்டும் நிலையில் நீர்மட்டம் உள்ளது. இது விவசாயிகளை மகிழ்ச்சியில் ஆழ்த்தி உள்ளது. பேச்சிப்பாறை அணைக்கு 526 கனஅடி தண்ணீர் வந்துகொண்டிருக் கிறது. அணையில் இருந்து தண்ணீர் எதுவும் வெளி யேற்றப்படவில்லை.

77 அடி கொள்ளளவு கொண்ட பெருஞ்சாணி அணையில் 72 அடி தண்ணீர் உள்ளது. அணைக்கு 688 கனஅடி தண்ணீர் வருகிறது. அணையில் இருந்து 500 கனஅடி தண்ணீர் வெளியேற்றப்படுகிறது. 18 அடி கொள்ளளவு கொண்ட சிற்றாறு-1 அணையில் 16.10 அடி தண்ணீர் உள்ளது. அணைக்கு வரும் 136 கனஅடி தண்ணீர் அப்படியே வெளியேற்றப்படுகிறது. 18 அடி கொள்ளளவு கொண்ட சிற்றாறு-2 அணையில் 16.20 அடி தண்ணீர் உள்ளது. 42.65 கனஅடி தண்ணீர் வந்துகொண்டிருக்கிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து