நிலைக்குழு கூட்டங்களை எம்.பி.க்கள் புறக்கணிப்பதா? - வெங்கையா நாயுடு

திங்கட்கிழமை, 18 நவம்பர் 2019      இந்தியா
Venkaiah naidu 2019 08 07

புதுடெல்லி : நாடாளுமன்ற நிலைக்குழு கூட்டங்களில் எம்.பி.க்கள் பங்கேற்காததற்கு வெங்கையா நாயுடு கவலை தெரிவித்துள்ளார். 

நாடாளுமன்ற மாநிலங்களவையின் 250-வது கூட்டத்தொடர் நேற்று தொடங்கியது. இதையொட்டி, மாநிலங்களவையில் இடம்பெற்றுள்ள கட்சிகளின் தலைவர்கள் கூட்டம் நேற்று டெல்லியில் நடைபெற்றது. அதில், மாநிலங்களவை தலைவர் வெங்கையா நாயுடு பங்கேற்றார். 

கூட்டத்தில் அவர் பேசியதாவது:-

துறைரீதியான நாடாளுமன்ற நிலைக்குழுக்கள், பிரச்சினைகளை விரிவாக ஆராய்வதற்கான உறுதியான அமைப்பாகும். ஆனால், அத்தகைய நிலைக்குழு கூட்டங்களில் சமீபகாலமாக எம்.பி.க்கள் பங்கேற்காமல் தவிர்ப்பதாக வெளியாகும் தகவல்கள் கவலை அளிக்கிறது.

எம்.பி.க்கள் தவறாமல் பங்கேற்க வேண்டும். அவர்கள் பங்கேற்பதை அவர்களுடைய கட்சி தலைவர்கள் உறுதி செய்ய வேண்டும். அப்போதுதான், நிலைக்குழுக்கள் தங்கள் கடமையை சரியாக செய்ய முடியும். அந்த குழுக்களின் தரம் தாழ அனுமதிக்கக்கூடாது.

இதுபோல், நாடாளுமன்ற டி.வி. சேனல்களை மேலும் திறம்பட செயல்பட வைப்பது குறித்த ஆராய ஒரு கமிட்டியை நான் அமைத்துள்ளேன். கடந்த 67 ஆண்டுகளில், மாநிலங்களவை எவ்வளவோ சாதனைகளை செய்துள்ளது. இன்னும் போக வேண்டிய தூரம் நிறைய உள்ளது.மாநிலங்களவையின் 250-வது கூட்டத்தொடரை கொண்டாடும்வகையில்,   250 ரூபாய் வெள்ளி நாணயமும், ஒரு அஞ்சல் தலையும் வெளியிடப்படும்.இந்திய அரசியலில் மாநிலங்களவையின் பங்கு குறித்து விவாதம் நடத்தப்படும். அரசியல் சட்டம் ஏற்கப்பட்டதன் 70-வது ஆண்டுவிழாவை குறிக்கும்வகையில், நாடாளுமன்ற கூட்டு கூட்டம் 26-ந் தேதி நடைபெறும். இவ்வாறு வெங்கையா நாயுடு பேசினார்.

17.12.2019 to 14.01.2020 Markali Monthly Rasipalan | 2019 டிசம்பர் மாத ராசிபலன்

Sathu Maavu | Health mix | BABY FOOD for 7 Months old | குழந்தைகளுக்கு சத்து மாவு

KFC Style Fried Chicken Recipe in Tamil | KFC Style Fried Chicken at Home | English Subtitles

Apple Halwa Recipe in Tamil | ஆப்பிள் அல்வா | Halwa Recipe in Tamil | Sweet Recipe

Star Hotel Tandoori Chicken Recipe in Tamil | தந்தூரி சிக்கன் | Chicken Recipe

இதை ஷேர் செய்திடுங்கள்:

View all comments

வாசகர் கருத்து