முக்கிய செய்திகள்
Idhayam Matrimony

தாய்லாந்தில் 21 பேரை சுட்டு கொலை செய்த ராணுவ வீரர் சுட்டுக் கொலை

ஞாயிற்றுக்கிழமை, 9 பெப்ரவரி 2020      உலகம்
Image Unavailable

பாங்காங் : தாய்லாந்து நாட்டில் துப்பாக்கிச்சூடு நடத்தி 21 பேரை கொன்ற ராணுவ வீரரை பாதுகாப்பு படையினர் சுட்டுக் கொன்றுள்ளனர்.

தாய்லாந்து தலைநகர் பாங்காங்கில் இருந்து 250 கிலோ மீட்டர் தொலைவில் வடக்கு பகுதியில் நகோன் ராட்சசிமா என்ற நகரம் உள்ளது.இங்குள்ள பிரபல வணிக வளாகம் முன்பு நேற்று முன்தினம் மாலை காரில் வாலிபர் ஒருவர் வந்து இறங்கினார். அவர் திடீரென வணிக வளாகத்திற்குள் புகுந்து அங்கு இருந்தவர்களை எந்திரத் துப்பாக்கியால் கண்மூடித்தனமாக சுட்டார். இதை எதிர்பாராத மக்கள் அலறியடித்தபடி வணிக வளாகத்தில் இருந்து ஓடினர். எனினும் வாலிபர் சுட்டதில் குண்டுகள் உடலில் பாய்ந்து பலர் சம்பவ இடத்திலேயே பரிதாபமாக உயிரிழந்தனர்.சம்பவ இடத்துக்கு போலீசார் மற்றும் ராணுவ கமாண்டோக்கள் விரைந்து சென்றனர். அதற்குள் வணிக வளாகத்தில் இருந்த சிலரை அந்த வாலிபர் பிணைக் கைதிகளாக பிடித்து வைத்திருந்தார். இதைத்தொடர்ந்து பிணைக் கைதிகளாக பிடிக்கப்பட்டவர்களை மீட்கவும், துப்பாக்கிச்சூடு நடத்தியவரை பிடிக்கவும் துப்பாக்கியால் துல்லியமாக சுடக்கூடிய வீரர்கள் வணிக வளாகத்துக்கு வரவழைக்கப்பட்டனர். அவர்கள் வணிக வளாகத்தை சுற்றி வளைத்தனர். முதற்கட்டமாக தரைத் தளத்தை தங்களின் கட்டுப்பாட்டுக்குள் கொண்டு வந்தனர். எனினும் அவர் வணிக வளாகத்தின் ஒரு புறத்தில் மறைவாக பதுங்கி இருந்தான்.24 மணி நேர தேடுதல் வேட்டைக்குப் பிறகு அந்த வாலிபரை நேற்று அதிகாலை ராணுவ வீரர்கள் சுட்டுக்கொன்றனர். அவர் பிணைக் கைதிகளாக பிடித்து வைத்திருந்தவர்கள் மீட்கப்பட்டனர். போலீஸ் விசாரணையில் துப்பாக்கி சூடு நடத்தியவர் ராணுவத்தில் மேஜராக பணியாற்றிய ஜாக்ரபந்த் தொம்மா என்பது தெரிய வந்தது. இவர் ராணுவ மையத்தின் தளவாடப் பகுதியில் இருந்து ஆயுதங்களை திருடி உள்ளார்.அப்போது தடுக்க முயன்ற சக ராணுவ வீரர் உள்ளிட்ட 3 பேரை சுட்டுக்கொண்றுள்ளார். அதன்பிறகு தான் வணிக வளாகத்திற்குள் புகுந்து துப்பாக்கிச்சூடு நடத்தி உள்ளார். இவரது தாக்குதலில் மொத்தம் 21 பேர் பரிதாபமாக உயிரிழந்துள்ளனர். 42 பேர் படுகாயத்துடன் ஆஸ்பத்திரியில் சிகிச்சை பெற்று வருகின்றனர். இதில் சிலரது நிலைமை கவலைக்கிடமாக இருப்பதால் உயிரிழப்புகள் அதிகரிக்கக் கூடும் என அஞ்சப்படுகிறது. ஜாக்ரபந்த் தொம்மா துப்பாக்கிச்சூட்டில் ஈடுபடுவதற்கு முன்பு தனது பேஸ்புக் பக்கத்தில் வணிக வளாகம் முன்பு தன்னைத் தானே புகைப்படம் மற்றும் வீடியோ எடுத்து வெளியிட்டுள்ளார்.அதற்கு முன்பு பேஸ்புக் பக்கத்தில் அனைவருக்கும் மரணம் தவிர்க்க முடியாதது என்று பதிவிட்டுள்ளார். வணிக வளாகத்தில் துப்பாக்கி சூடு நடத்தியதையும் பேஸ்புக்கில் நேரலையாக ஒளிபரப்பி உள்ளார். அப்போது நான் இதை கைவிட வேண்டுமா? என்று கேள்வி எழுப்பி உள்ளார். இதையறிந்த ராணுவ அதிகாரிகள் பேஸ்புக் நிர்வாகத்துக்கு புகார் செய்து அவரது பேஸ்புக் கணக்கை உடனடியாக முடக்கி உள்ளார். அவர் எதற்காக துப்பாக்கிச்சூடு நடத்தினார்? என்று விசாரணை நடந்து வருகிறது. அவர் மனநலம் பாதிக்கப்பட்டவர் போல காணப்பட்டதாக பாதுகாப்பு அமைச்சக அதிகாரிகள் தெரிவித்தனர். இந்த தாக்குதலில் பலியானவர்களை அடையாளம் காணும் பணி நடைபெற்று வருகிறது. இதில் வெளிநாட்டை சேர்ந்த சுற்றுலா பயணிகள் யாரேனும் உயிரிழந்துள்ளனரா? என்ற தகவல் இதுவரை வெளியாக வில்லை.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 weeks 5 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 weeks 5 days ago ஆவாரம்பூவின் மருத்துவ பலன்கள் 3 weeks 5 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.