முக்கிய செய்திகள்
Idhayam Matrimony

முன்னாள் எம்.எல்.ஏ. மரணம்: இ.பி.எஸ். - ஓ.பி.எஸ். இரங்கல்

சனிக்கிழமை, 26 செப்டம்பர் 2020      தமிழகம்
Image Unavailable

Source: provided

சென்னை : திருவண்ணாமலை மாவட்டம் பெரணமல்லூர் தொகுதி முன்னாள் எம்.எல்.ஏ. அரிக்குமார் மறைவுக்கு அ.தி.மு.க ஒருங்கிணைப்பாளர்களான முதல்வர் எடப்பாடி பழனிசாமி, துணை முதல்வர் ஓ. பன்னீர் செல்வம் ஆகியோர் இரங்கல் தெரிவித்துள்ளனர். 

இது குறித்து அவர்கள் வெளியிட்டுள்ள இரங்கல் செய்தியில் கூறப்பட்டிருப்பதாவது, 

திருவண்ணாமலை தெற்கு மாவட்டம், பெரணமல்லூர் தொகுதி முன்னாள் சட்டமன்ற உறுப்பினர் ஆர். அரிக்குமார் மாரடைப்பால் மரணமடைந்து விட்டார் என்ற செய்தி கேட்டு மிகுந்த வருத்தமுற்றோம்.

ஆரம்ப கால கட்சியின் உடன்பிறப்பு அரிக்குமார், எம்.ஜி.ஆர். அம்மா ஆகியோர் மீதும், கட்சியின் மீதும் மிகுந்த விசுவாசம் கொண்டு கட்சி பணிகளையும், மக்கள் பணிகளையும் திறம்பட ஆற்றியவர். 1984-ம் ஆண்டு கட்சியின் சார்பில் பெரணமல்லூர் தொகுதியில் அரிக்குமார் போட்டியிட்டு வெற்றி பெற்று மக்கள் பணியாற்றியவர்.

தொடர்ச்சியாக பல ஆண்டுகள் சேத்துப்பட்டு ஒன்றிய செயலாளராக கட்சி பணிகளை ஆற்றியவர். அன்பு சகோதரர் அரிக்குமாரை இழந்து வாடும் அவரது குடும்பத்தினருக்கு எங்களது ஆழ்ந்த இரங்கலையும், அனுதாபத்தையும் தெரிவித்து கொள்வதுடன் அன்னாரது ஆன்மா இறைவன் திருவடி நிழலில் அமைதி பெற எல்லாம் வல்ல இறைவனை பிரார்த்திக்கிறோம்.

இவ்வாறு அந்த இரங்கல் செய்தியில் கட்சியின் ஒருங்கிணைப்பாளர்களான முதல்வர் எடப்பாடி பழனிசாமி, துணை முதல்வர் ஓ. பன்னீர் செல்வம் ஆகியோர் தெரிவித்துள்ளனர். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

View all comments

வாசகர் கருத்து