ஆக்கிரமிப்புக்கு மத்தியிலும் இந்தியா இறையாண்மையை பாதுகாக்க உறுதியாக உள்ளது: ராஜ்நாத் சிங்

ஆக்கிரமிப்புக்கு மத்தியிலும் இந்தியா தனது இறையாண்மையைப் பாதுகாக்க உறுதியாக உள்ளது என்று மத்திய பாதுகாப்பு அமைச்சர் ராஜ்நாத் சிங் கூறினார்.

சீனாவுடனான எல்லை மோதலுக்கு மத்தியில், பாதுகாப்பு துறை அமைச்சர் ராஜ்நாத் சிங் நேற்று கூறியதாவது, 

ஒருதலைப்பட்சம் மற்றும் ஆக்கிரமிப்புக்கு எதிராக இந்தியா தனது இறையாண்மையையும் பிராந்திய ஒருமைப்பாட்டையும் பாதுகாக்க உறுதியாக உள்ளது என்று தெரிவித்தார். கிழக்கு லடாக் பகுதியில் மோதலை தவிர்க்க இரு நாடுகளுக்கும் இடையிலான எட்டாவது  சுற்று இராணுவ பேச்சுவார்த்தைக்கு முன்னதாக அவரது இந்த கருத்துக்கள் வந்துள்ளன. அடுத்த சுற்று கார்ப்ஸ் - கமாண்டர் - நிலை பேச்சுவார்த்தைகள் சுஷுல் துறையில் இன்று வெள்ளிக்கிழமை நடைபெறுகிறது. எல்லை பதற்றங்களைத் தணிக்கும் முயற்சியில் இந்திய மற்றும் சீன ராணுவத் தளபதிகள் அக்டோபர் 12-ம் தேதி ஏழாவது முறை பேசுவார்த்தையை நடத்தி இருந்தனர். தேசிய பாதுகாப்பு கல்லூரியின் வைர விழா உரையின் போது  மத்திய அமைச்சர் ராஜ்நாத் சிங் கூறியதாவது:-

இந்தியா அமைதியை விரும்பும் நாடு, ஆனால் அதன் எல்லைகளில் சவால்களை எதிர்கொண்டுள்ளது.வேறுபாடுகள் சர்ச்சையாக மாறாது என்று நாங்கள் நம்புகிறோம். உரையாடலின் மூலம் வேறுபாடுகளை அமைதியான முறையில் தீர்ப்பதற்கு நாங்கள் முக்கியத்துவம் கொடுக்கிறோம். எங்கள் எல்லைகளில் அமைதி மற்றும் அமைதிக்காக இந்தியா கையெழுத்திட்ட பல்வேறு ஒப்பந்தங்கள் மற்றும் நெறிமுறைகளை நாங்கள் மதிக்கிறோம் என கூறினார்.