சென்னை - விஜயவாடா இடையே சிறப்பு ரெயில் நாளை முதல் இயக்கம்: தெற்கு ரெயில்வே அறிவிப்பு

ஞாயிற்றுக்கிழமை, 29 நவம்பர் 2020      தமிழகம்
Trains 2020 11 16

Source: provided

சென்னை : டிசம்பர் 1-ம் தேதி முதல் சென்னை-விஜயவாடா இடையே சிறப்பு ரெயில் இயக்கப்படுவதாக தெற்கு ரெயில்வே அறிவித்துள்ளது.

கொரோனா பரவலைத் தடுக்க மாா்ச் 25-ம் தேதி முதல் அமல்படுத்தப்பட்டிருந்த பொது முடக்கம் தற்போது தளா்வு செய்யப்பட்டுள்ள நிலையில் மாநிலத்தின் பல்வேறு பகுதிகளுக்கு சிறப்பு ரெயில்கள் இயக்கப்பட்டு வருகின்றன. அந்த வகையில் சென்னை-விஜயவாடா இடையே சிறப்பு ரெயில் டிசம்பர் மாதம் 1-ம் தேதி முதல் இயக்கப்படுவதக தெற்கு ரெயில்வே அறிவித்துள்ளது.  இது குறித்து தெற்கு ரெயில்வே வெளியிட்டுள்ள செய்திக்குறிப்பில் கூறப்பட்டிருப்பதாவது:-

விஜயவாடா-சென்னை எம்.ஜி.ஆர் சென்டிரல் (வண்டி எண்: 02711) இடையே அதிவிரைவு சிறப்பு ரெயில் வருகிற டிசம்பர் மாதம் 1-ம் தேதி முதல் தினசரி காலை 6.10 மணிக்கு விஜயவாடா ரெயில் நிலையத்தில் இருந்து இயக்கப்படும்.  மறுமார்க்கமாக சென்னை எம்.ஜி.ஆர் சென்டிரல்-விஜயவாடா (02712) இடையே அதிவிரைவு சிறப்பு ரெயில் வருகிற டிசம்பர் மாதம் 1-ம் தேதி முதல் தினசரி மதியம் 2.10 மணிக்கு சென்டிரல் ரெயில் நிலையத்தில் இருந்து இயக்கப்படும்.  இவ்வாறு அதில் கூறப்பட்டுள்ளது.

இதை ஷேர் செய்திடுங்கள்:

View all comments

வாசகர் கருத்து