முக்கிய செய்திகள்
Idhayam Matrimony

ஒலிம்பிக் போட்டியில் பதக்கம் வென்ற நீரஜ் சோப்ரா - பஜ்ரங் புனியாவுக்கு ஜனாதிபதி - பிரதமர் மோடி வாழ்த்து

சனிக்கிழமை, 7 ஆகஸ்ட் 2021      விளையாட்டு
Image Unavailable

டோக்கியோ ஒலிம்பிக் போட்டியில் பதக்கம் வென்ற ஈட்டி எறிதலில் தங்கம் வென்ற நீரஜ் சோப்ரா மற்றும் மல்யுத்தத்தில் வெண்கலம் வென்ற பஜ்ரங் புனியாவுக்கு ஜனாதிபதி மற்றும் பிரதமர் மோடி வாழ்த்து தெரிவித்துள்ளனர்.

சொந்த ஊரில்...

டோக்கியோ ஒலிம்பிக்கில் இந்திய வீரர் நீரஜ் சோப்ரா (வயது 23) சிறந்த பங்காற்றி உள்ளார்.  இதுபற்றி அவரது தந்தை சதீஷ் குமார் செய்தியாளர்களிடம் நேற்று கூறும்போது, எங்களுடைய நம்பிக்கைகளை அவர் நிறைவேற்றுவார்.  எங்களது கிராமத்தில் போதிய வசதிகள் இல்லாத சூழலில் ஸ்டேடியத்திற்கு பேருந்தில் சென்றடைந்து பயிற்சிகளை மேற்கொள்வார் என உணர்ச்சி பெருக்குடன் கூறியுள்ளார். அரியானாவின் பானிபட் நகரில் நீரஜ் சோப்ராவின் குடும்பத்தினர் மற்றும் அண்டை வீட்டுக்காரர்கள் ஈட்டி எறிதல் இறுதி போட்டியை கண்டு, களித்து மகிழ்ச்சி ஆரவாரம் செய்தனர். 

கொண்டாட்டம்...

நீரஜ் சோப்ரா டாப் 8ல் முதல் இடத்திற்கு வந்தார். பிறகு இறுதி போட்டியில் தங்க பதக்கம் வென்று அசத்தியுள்ளார். இதனை அடுத்து இந்தியாவுக்கு டோக்கியோ ஒலிம்பிக்கில் முதல் தங்கம் கிடைத்து உள்ளது. தற்போது இந்த வெற்றியை நாடே கொண்டாடி வருகிறது. பானிபட்டில் நீரஜ் சோப்ராவின் வீட்டிற்கு வெளியே ஏராளமானோர் திரண்டு இனிப்பு வழங்கி வெற்றியை கொண்டாடினர். தங்க மகன் நீரஜ் சோப்ராவுக்கு வாழ்த்துகள் குவிந்தவண்ணம் உள்ளன.  

ஜனாதிபதி வாழ்த்து...

இதனை அவரது சொந்த ஊர் மக்கள் உற்சாகமுடன் கொண்டாடி வருகின்றனர். அவருக்கு ஜனாதிபதி ராம்நாத் கோவிந்த் தெரிவித்துள்ள வாழ்த்து செய்தியில், ஈட்டி எறிதலில் பெற்ற உங்களுடைய தங்க பதக்கம், தடைகளை உடைத்து வரலாறு படைத்து உள்ளது. உங்களுடைய முதல் ஒலிம்பிக் போட்டியிலேயே நாட்டுக்கு தங்க பதக்கம் வென்று தந்துள்ளீர்கள்.  உங்களுடைய தடம் இளைஞர்களுக்கு ஊக்கம் ஏற்படுத்தும்.  இந்தியா மகிழ்ச்சி அடைகிறது.  என்னுடைய மனப்பூர்வ வாழ்த்துகள் என்று தெரிவித்து உள்ளார்.

பஜ்ரங் புனியாவிற்கு...

மல்யுத்த போட்டியில் வெண்கலம் வென்ற பஜ்ரங் புனியாவிற்கான வாழ்த்து செய்தியில், இந்திய மல்யுத்த போட்டியில் ஒரு சிறப்பு தருணம். டோக்கியோ ஒலிம்பிக்கில் வெண்கல பதக்கம் வென்றதற்காக பஜ்ரங் பூனியாவுக்கு வாழ்த்துகள். பல ஆண்டுகளாக களைப்பில்லா முயற்சிகள், நிலைத்தன்மை மற்றும் உறுதி தன்மை ஆகியவற்றுடன் தனித்தன்மைமிக்க மல்யுத்த வீரராக நீங்கள் உங்களை தனித்துவப்படுத்தி உள்ளீர்கள்.  ஒவ்வோர் இந்தியனும் உங்களது வெற்றியின் மகிழ்ச்சியை பகிர்ந்து கொள்கின்றனர் என தெரிவித்து உள்ளார். 

பிரதமர் வாழ்த்து

பிரதமர் மோடியும் பூனியாவுக்கு வாழ்த்து தெரிவித்து கொண்டதுடன், ஒவ்வொரு இந்தியனையும் பெருமை மற்றும் மகிழ்ச்சி அடைய செய்துள்ளீர்கள் என தெரிவித்து உள்ளார். பஜ்ரங் பூனியாவிடம் தொலைபேசி வழியே பேசிய பிரதமர் மோடி, வெண்கலம் வென்றதற்கு தனது வாழ்த்துகளையும் தெரிவித்து கொண்டார்.

சோப்ராவுக்கான...

‘இன்று நீரஜ் சோப்ரா சாதித்தது என்றென்றும் நினைவில் இருக்கும். இளம் வீரர் நீரஜ் மிகச்சிறப்பாக செயல்பட்டுள்ளார். அவர் ஆர்வத்துடன் விளையாடி, ஈடு இணையற்ற திறமையைக் காட்டியிருக்கிறார். தங்கம் வென்ற அவருக்கு வாழ்த்துக்கள்!’ என பிரதமர் மோடி டுவீட் செய்துள்ளார். 

ராணுவ வீரர்கள்...

நீரஜ் சோப்ரா இந்திய ராணுவத்தில் பணி புரிந்துவருவதால், அவரது சாதனையை ராணுவ வீரர்கள் உற்சாகமாக கொண்டாடி வருகின்றனர். ஜம்மு காஷ்மீரில் பாதுகாப்பு பணியில் ஈடுபட்டுள்ள சிஆர்பிஎப் வீரர்கள், தேசியக் கொடிகளை அசைத்தும் வாழ்த்து கோஷங்கள் எழுப்பியும் கொண்டாடினர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து