வரும் 22-ம் தேதி அமெரிக்கா செல்கிறார் பிரதமர் மோடி: ஜோ பைடனை சந்தித்து பேசுகிறார்

modi-2021-09-10

வரும் 22-ம் தேதி டெல்லியில் இருந்து தனி விமானம் மூலம் பிரதமர் நரேந்திர மோடி அமெரிக்கா செல்கிறார். 

கடந்த 2014-ம் ஆண்டு இந்தியப் பிரதமராக மோடி பதவியேற்றார். அந்த ஆண்டின் ஜுன் 15 முதல் 2019-ம் ஆண்டு வரையில் பிரதமர் மோடி 96 நாடுகளுக்கு பயணம் மேற்கொண்டுள்ளார். அதில், 2014-ம் ஆண்டு 9 நாடுகளுக்கு பயணம் மேற்கொண்ட மோடி 2015-ம் ஆண்டு 23 நாடுகளுக்கும், 2016-ம் ஆண்டு 17 நாடுகளுக்கும் அடுத்த ஆண்டுகளில் 14 நாடுகளுக்கும் பயணம் மேற்கொண்டார்.

கடந்த, 2017-ம் ஆண்டு 14 வெளிநாட்டு பயணங்களும், 2018-ம் ஆண்டு 23 வெளிநாட்டு பயணங்களும், 2019-ம் ஆண்டு 15 வெளிநாட்டு பயணங்களும் மேற்கொண்டுள்ளார். ஒரு முறை 35 நாடுகளுக்கும், இரண்டு முறை 15 நாடுகளுக்கும், மூன்று முறை 2 நாடுகளுக்கும், நான்கு முறை 4 நாடுகளுக்கும், ஐந்து முறை 3 நாடுகளுக்கும், 6 முறை ஒரு நாட்டிற்கு பயணம் மேற்கொண்டுள்ளார். 2020-ம் ஆண்டு பிரதமருக்கு வெளிநாடு பயணம் இல்லாத ஆண்டாக மாறியுள்ளது.

 

இந்நிலையில் வரும் 22-ம் தேதி டெல்லியில் இருந்து தனி விமானம் மூலம் பிரதமர் நரேந்திர மோடி அமெரிக்கா செல்கிறார் என அதிகாரப்பூர்வமாக அறிவிக்கப்பட்டுள்ளது. அமெரிக்கா செல்லும் பிரதமர் மோடி வரும் 23-ம் தேதி அதிபர் ஜோ பைடனை சந்தித்து பேசுகிறார். ஆப்கானிஸ்தான் நிலவரம், சீனாவுடனான எல்லை பிரச்னை உள்ளிட்ட விவகாரம் குறித்து ஆலோசிக்கிறார். தொடர்ந்து 24-ம் தேதி  ஜப்பான், ஆஸ்திரேலிய நாட்டு தலைவர்களையும் ரதமர் நரேந்திர மோடி சந்தித்து பேசுகிறார்.

இதை ஷேர் செய்திடுங்கள்:

வீடியோ

View all comments

வாசகர் கருத்து