முக்கிய செய்திகள்
Idhayam Matrimony

ஐ.சி.சி. டெஸ்ட் தரவரிசை பட்டியல்: முதல் இடத்தில் இருந்து 3-வது இடத்திற்கு சறுக்கிய இந்தியா ஆஸ்திரேலியா-முதல் இடம்,

வியாழக்கிழமை, 20 ஜனவரி 2022      விளையாட்டு
Image Unavailable

Source: provided

துபாய்: ஐ.சி.சி. டெஸ்ட் தரவரிசை பட்டியலில் இந்திய அணி முதல் இடத்தில் இருந்து 3-வது இடத்திற்கு தள்ளப்பட்டு உள்ளது. 3-வது இடத்தில் இருந்த ஆஸ்திரேலிய அணி மீண்டும் முதலிடத்திற்கு முன்னேறியுள்ளது.

மீண்டும் முதலிடம்...

சர்வதேச கிரிக்கெட் கவுன்சில் (ஐசிசி) இன்று வெளியிட்ட அணிகளுக்கான டெஸ்ட் தரவரிசைப் பட்டியலில் இந்திய அணி முதலாவது இடத்திலிருந்து 3-வது இடத்துக்குச் சரிந்துள்ளது. மூன்றாவது இடத்திலிருந்த ஆஸ்திரேலிய அணி முதல் இடத்துக்கு முன்னேறியுள்ளது.

3-வது முறையாக...

இங்கிலாந்துக்கு எதிரான ஆஷஸ் டெஸ்ட் தொடரை 4-0 என்ற கணக்கில் ஆஸ்திரேலிய அணி அபாரமாகக் கைப்பற்றியது. இதன் மூலம் 3-வது முறையாகக் கோப்பையை ஆஸி.அணி தக்கவைத்தது. பிரிஸ்பேன், மெல்போர்ன்ஸ், ஹோபர்ட், அடிலெய்ட் ஆகிய இடங்களில் நடந்த போட்டிகளில் இங்கிலாந்தை வீழ்த்தியது ஆஸ்திரேலிய அணி.

119 புள்ளிகளுடன்...

இந்த வெற்றியால் தரவரிசையில் 119 புள்ளிகளுடன் கம்மின்ஸ் தலைமையிலான ஆஸ்திரேலிய அணி முதலிடத்தைப் பிடித்தது. அதுமட்டுமல்லாமல் டெஸ்ட் சாம்பியன்ஷிப்புக்கான தரவரிசையிலும் ஆஸ்திரேலிய அணி 2-வது இடத்தைப் பிடித்துள்ளது.

தென் ஆப்பிரிக்காவிடம்...

நியூஸிலாந்துக்கு எதிரான டெஸ்ட் தொடரை 1-0 என்ற கணக்கில் கைப்பற்றி 116 புள்ளிகளுடன் இந்திய அணி முதலிடத்தைத் தக்கவைத்திருந்தது. அதன்பின் செஞ்சூரியனில் நடந்த தென் ஆப்பிரிக்காவுக்கு எதிரான முதல் டெஸ்ட் போட்டியில் வென்று தொடர்ந்து முதலிடத்தில் இருந்தது. ஆனால், ஜோகன்னஸ்பர்க், கேப்டவுனில் நடந்த 2-வது மற்றும் 3-வது டெஸ்ட் போட்டியில் தென் ஆப்பிரிக்காவிடம் அடைந்த தோல்வியால், முதலிடத்திலிருந்து 3-வது இடத்துக்கு இந்திய அணி சரிந்தது.

2-வது இடத்தில் நியூசி...

வங்கதேசத்துக்கு எதிரான டெஸ்ட் தொடரை 1-1 என்ற கணக்கில் சமன் செய்ததையடுத்து, உலக டெஸ்ட் சாம்பியன் நியூஸிலாந்து அணி 117 புள்ளிகளுடன் தொடர்ந்து 2-வது இடத்தில் நீடிக்கிறது. தென் ஆப்பிரிக்கப் பயணத்தை முடித்துக்கொண்டு இந்திய அணி தாயகம் திரும்பியவுடன் இலங்கை அணியுடன் 2 டெஸ்ட் போட்டிகளில் விளையாட உள்ளது. இந்தத் தொடரைக் கைப்பற்றினால், மீண்டும் முதலிடத்தைப் பிடிக்க வாய்ப்புள்ளது. பாகிஸ்தான் அணி ஒரு இடம் சறுக்கி 6-வது இடத்தில் உள்ளது. இலங்கை, மே.இ.தீவுகள், வங்கதேசம், ஜிம்பாப்வே அணிகள் முறையே 7 முதல் 10 இடங்களில் உள்ளன.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 6 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து