முக்கிய செய்திகள்
Idhayam Matrimony

முரண்பட்ட தகவல்களை கூறுகிறது தமிழக அரசு: விக்னேஷ் மரண வழக்கை சி.பி.ஐ. விசாரிக்க வேண்டும்: இ.பி.எஸ்.

வெள்ளிக்கிழமை, 6 மே 2022      தமிழகம்
EPS-2022-04-14

Source: provided

சென்னை : சென்னையில் விசாரணைக்கைதி விக்னேஷ் மரணம் தொடர்பாக முதல்வர் சட்டபேரவையில் குறிப்பிட்ட செய்தியும், தற்போது விக்னேஷின் உடற்கூராய்வு அறிக்கையில் வெளியாகியுள்ள செய்தியும் முரண்பட்ட காரணத்தால், இந்த வழக்கை சி.பி.ஐ. விசாரணைக்கு மாற்ற வலியுறுத்தி, சட்டப்பேரவையிலிருந்து வெளிநடப்பு செய்வதாக எதிர்க்கட்சித் தலைவர் எடப்பாடி பழனிசாமி கூறியுள்ளார்.

தமிழக சட்டப்பேரவையில் தமிழகத்தின் சட்டம் ஒழுங்குநிலை குறித்து அ.தி.மு.க. சார்பில் கவன ஈர்ப்பு தீர்மானம் கொண்டு வரப்பட்டது. இதற்கு தமிழக முதல்வர் பதிலளித்துப் பேசினார். இதையடுத்து அ.தி.மு.க. சட்டமன்ற உறுப்பினர்கள் சட்டப்பேரவையிலிருந்து வெளிநடப்பு செய்தனர். பின்னர், எதிர்க்கட்சித் தலைவர் எடப்பாடி பழனிசாமி செய்தியாளர்களை சந்தித்தார். அப்போது அவர்  கூறியதாவது, 

பட்டினப்பாக்கத்தைச் சேர்ந்த விக்னேஷ், திருவல்லிக்கேணியைச் சேர்ந்த சுரேஷ் ஆகிய இருவரையும், விசாரணைக்காக தலைமைச் செயலக குடியிருப்பு காவல் நிலையத்திற்கு அழைத்துச் சென்றுள்ளனர். காவல் நிலையத்தில் விக்னேஷ் மர்மமான முறையில் மரணம் அடைந்துள்ளார். இந்த மர்ம மரணம் குறித்து சட்டப்பேரவையில் நான் சிறப்பு கவன ஈர்ப்பு தீர்மானம் கொண்டு வந்தேன். அதற்கு முதல்வரும் பதிலளித்தார். 

முதல்வர் பதிலளிக்கும் போது, மர்மமான முறையில் விக்னேஷ் இறந்ததாகவும், இதுதொடர்பாக விசாரணை நடைபெற்று வருவதாகவும் தெரிவித்தார். சிறப்பு கவன ஈர்ப்பு தீர்மானம் கொண்டு வந்த நாளன்று முதல்வர் அளித்தப் பதிலில், 19.4.2022 அன்று விக்னேஷ் மற்றும் சுரேசுக்கு காலை உணவு வழங்கப்பட்டதாகவும், விக்னேஷ் சாப்பிட்ட பின்னர், வாந்தியெடுத்து வலிப்பு வந்தவுடன் அருகில் இருந்த தனியார் மருத்துவமனையில் சிகிச்சைக்காக சேர்க்கப்பட்டதாகவும், மேல் சிகிச்சைக்காக அரசு கீழ்ப்பாக்கம் மருத்துவமனையில் சேர்க்கப்பட்டதாகவும் கூறினார். அங்கு மருத்துவர்கள் பரிசோதனையின்போது, விக்னேஷ் இறந்து விட்டதாக தெரிவித்தார்.

ஆனால், தற்போது விக்னேஷின் உடற்கூராய்வு அறிக்கை வெளிவந்துள்ளது. அதில் விக்னேஷ் கடுமையாக தாக்கப்பட்டதாகவும், அந்த தாக்குதலில் தலையில் பலத்த காயம் ஏற்பட்டதாகவும், முகத்தின் தாடைப்பகுதி, தோள்பட்டை, இடதுதொடை பகுதியின் மேல்பகுதி முதல் கீழ் முட்டிவரை என 13 இடங்களில் ரத்தக்காயம் ஏற்பட்டுள்ளதாகவும், ரத்த கசிவு ஏற்பட்டுள்ளதாகவும், வலதுகால் எலும்பு முறிவு மற்றும் பாதங்களில் காயங்கள் ஏற்பட்டுள்ளதாகவும் கூறப்பட்டுள்ளது. 

எனவே முதல்வர் சட்டமன்றத்தில் விக்னேஷ் மரணம் தொடர்பாக குறிப்பிட்ட செய்தியும், தற்போது விக்னேஷின் உடற்கூராய்வு அறிக்கையில் வெளியாகியுள்ள செய்தியும் முரண்பட்ட காரணத்தால், இந்த வழக்கு நேர்மையாக முறையாக விசாரிக்க வேண்டும் என்றால் வழக்கை சி.பி.ஐ. விசாரிக்க வேண்டும் என முதல்வரிடம் கோரிக்கை வைத்தோம். ஆனால், முதல்வர் எங்களது கோரிக்கையை ஏற்காமல், சி.பி.சி.ஐ.டி. விசாரணைக்கு உத்தரவிட்டுள்ளதாகக் கூறியுள்ளார். ஆனால் சி.பி.ஐ.யிடம் இந்த வழக்கை ஒப்படைத்தால்தான் வழக்கு முறையாக நடைபெறும். இந்த வழக்கை தமிழக போலீஸாரே விசாரித்தால், இந்த விசாரணை நியாயமான முறையாக நடைபெறாது. நியாயம் கிடைக்காது.

சி.பி.ஐ. விசாரணைக்கு உத்தரவிடக் கோரி வெளிநடப்பு செய்துள்ளோம் என்று அவர் கூறினார். மேலும், தருமபுரம் ஆதீனத்தை பழிவாங்கும் நோக்குடன் பட்டிணப் பிரவேச நிகழச்சிக்கு தடை விதிக்கப்பட்டுள்ளது. ஆன்மிக நிகழ்ச்சிக்கு தடை விதிப்பதை ஏற்றுக்கொள்ள முடியாது. எனவே அந்த நிகழ்ச்சிக்கு விதிக்கப்பட்ட தடையை நீக்க வேண்டும் என்று அவர் கூறினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 2 weeks 5 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 2 weeks 5 days ago ஆவாரம்பூவின் மருத்துவ பலன்கள் 2 weeks 5 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 1 week ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 3 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 4 weeks ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.