கிருஷ்ணகிரி அணையில் இருந்து இன்று முதல் நீர் திறக்க அரசு உத்தரவு

சென்னை : கிருஷ்ணகிரி அணையில் இருந்து இன்று முதல் 120 நாட்களுக்கு நீர் திறக்க அரசு உத்தரவிட்டுள்ளது. 

இது குறித்து நீர்வளத்துறை கூடுதல் தலைமை செயலாளர் விடுத்துள்ள செய்திக்குறிப்பில் கூறப்பட்டுள்ளதாவது,

கிருஷ்ணகிரி மாவட்டம், கிருஷ்ணகிரி வட்டம்  கிருஷ்ணகிரி அணையின் வலது மற்றும் இடதுபுற பிரதானக் கால்வாய்களில்  2022 - 2023 ஆம் ஆண்டிற்கு முதல் போக பாசனத்திற்கு 06.07.2022 முதல் 02.11.2022 வரை 120 நாட்களுக்கு கிருஷ்ணகிரி அணையிலிருந்து தண்ணீர் திறந்துவிட அரசு ஆணையிட்டுள்ளது.

இதனால் கிருஷ்ணகிரி மாவட்டத்தில் 9012 ஏக்கர் நிலங்கள் பாசன வசதி பெறும். இவ்வாறு அந்த செய்திக்குறிப்பில் கூறப்பட்டுள்ளது.