புதுடெல்லி : தேர்தல் பணியில் ஈடுபடும் ஆசிரியர்களை அக்டோபர் 17-ம் தேதி முதல் இடமாற்றம் செய்ய தடை விதித்து இந்திய தேர்தல் ஆணையம் உத்தரவிட்டுள்ளது.

அடுத்தாண்டு மக்களவைத் தேர்தல் நடைபெறவுள்ள நிலையில், அதற்கான முன்னேற்பாடுகளை தேர்தல் ஆணையம் செய்ய தொடங்கியுள்ளது. இதையொட்டி அக்டோபர் 17-ம் தேதி முதல் அடுத்தாண்டு ஜனவரி 1-ம் தேதி வரை வாக்காளர் பட்டியல் பணி நடைபெறவுள்ளது. 

இதனால், வாக்காளர் பட்டியல் பணியில் ஈடுபடவுள்ள ஆசிரியர்களை ஜனவரி 1-ம் தேதி வரை இடமாற்றம் செய்ய தேர்தல் ஆணையம் தடை விதித்துள்ளது.  மேலும், காலியாக உள்ள மாவட்ட தேர்தல் அலுவலர் உள்ளிட்ட பணியிடங்களை உடனடியாக நிரப்பவும் மாநில அரசுகளுக்கு உத்தரவு பிறப்பிக்கப்பட்டுள்ளது.