சம்பல் செல்ல ராகுலுக்கு அனுமதி மறுப்பு: மக்களவையில் இருந்து காங்கிரஸ் வெளிநடப்பு

புதுடெல்லி : உத்தரப் பிரதேசத்தின் சம்பல் மாவட்டத்திற்குள் நுழைய ராகுல் காந்திக்கு அனுமதி மறுக்கப்பட்டதைக் கண்டித்து மக்களவையிலிருந்து காங்கிரஸ் காங்கிரஸ் வெளிநடப்பு செய்தனர்.

உத்தரப் பிரதேச மாநிலம், சம்பல் பகுதியில் மசூதி ஆய்வின்போது நடந்த வன்முறை விவகாரத்தை எழுப்பி, நாடாளுமன்றத்தின் இரு அவைகளிலும் எதிர்க்கட்சிகள் முழக்கமிட்டு வருகின்றனர். இந்த நிலையில், வன்முறையால் பாதிக்கப்பட்ட சம்பல் மாவட்டத்துக்கு மக்களவையின் எதிர்க்கட்சி தலைவர் ராகுலும், வயநாடு எம்பியான பிரியங்காவும் சம்பலுக்கு நேற்று காலை புறப்பட்டுச் சென்றனர். ஆனால், தில்லி எல்லையிலேயே அவர்கள் தடுத்து நிறுத்தப்பட்டனர்.

இதனைக் கண்டித்து மக்களவையில் எதிர்க்கட்சியினர் முழக்கமிட்ட நிலையில், அவையிலிருந்து வெளிநடப்பு செய்துள்ளனர். முன்னதாக நேற்று முன்தினம் அதானி குற்றப்பத்திரிக்கை தொடர்பாகவும், சம்பல் விவகாரம் தொடர்பாகவும் காங்கிரஸ் மற்றும் கூட்டணிக் கட்சிகள் வெளிநடப்பு செய்த நிலையில், நேற்றும் வெளிநடப்பு செய்துள்ளனர்.