ஜூன் 20ல் வெளியாகும் சென்னை சிட்டி கேங்ஸ்டர்ஸ்

பிடிஜி யுனிவர்சல் பிரைவேட் லிமிடெட் தயாரிக்கும் முதலாவது திரைப்படம் ’சென்னை சிட்டி கேங்ஸ்டர்ஸ்’. இத்திரைப்படத்தில் வைபவ், அதுல்யா ரவி, மணிகண்டா ராஜேஷ், ஆனந்த்ராஜ், இளவரசு, ஜான் விஜய், ரெடின் கிங்ஸ்லி, உள்ளிட்ட பலர் நடித்துள்ளனர். இப்படம் வரும் 20 ஆம் தேதி வெளியாகவுள்ளது. இதனையொட்டி பத்திரிக்கையாளர் சந்திப்பு சென்னையில் சமீபத்தில் நடைபெற்றது. அப்போது படத்தின் கதாநாயகன் வைபவ் பேசுகையில், இப்படத்தின் தயாரிப்பாளர் பாபி பாலச்சந்திரன் அமெரிக்காவில் ஒரு முக்கியமான தொழிலதிபர், அவரது தொண்டு நிறுவனம் சார்பில் பல நல்ல விஷயங்களை செய்து வருகிறார். “இத்திரைப்படத்தை பற்றி சொல்ல வேண்டுமென்றால் ஒரு கலகலப்பான திரைப்படம். இயக்குநர்கள் விக்ரம் ராஜேஷ்வர் மற்றும் அருண் கேஷவ் ஆகிய இருவரும் இத்திரைப்படத்தை சிறப்பாக கொடுத்துள்ளார்கள் என்றார்.