வெள்ளகுதிர திரை விமர்சனம்

சாலை வசதியே இல்லாத உறவினர் வீட்டில் தங்கும் நாயகன் ஹரிஷ் ஓரி அங்கு கிடைக்கும் ஒருவித போதை பொருளை வைத்து பணம் சம்பாதிக்க முயற்சிக்கிறார். அதே நேரம் அந்த நிலத்தை அபகரிக்க துடிக்கும் ஊர் தலைவரின் திட்டத்தை முறியடிக்க ஓரியின் மனைவி அபிராமி போஸ். களம் இறங்குகிறார். இந்த கணவன்-மனைவியின் செயல்களால் அந்த மலை கிராம மக்களின் வாழ்க்கையில் எத்தகைய மாற்றங்கள் ஏற்பட்டது என்பது தான் வெள்ளக்குதிர படம் சொல்ல வரும் கதை. கதையின் நாயகனாக நடித்திருக்கும் ஹரிஷ் ஓரி, கதாபாத்திரத்திற்கு பொருத்தமாக அதே நேரம் நேர்த்தியான நடிப்பைக் கொடுத்திருக்கிறார். அபிராமி போஸ், கிராமத்து பெண்ணாக வலம் வந்து கதைக்களத்திற்கு பலம் சேர்த்திருக்கிறார். பரத் ஆசிகவனின் பின்னணி இசை அருமை. எந்தவித விளக்குகளையும் பயன்படுத்தாமல் காட்சிகளை தரமாக ஒளிப்பதிவு செய்திருக்கும் ராம் தேவைப் நிச்சயம் பாராட்டலாம். எழுதி இயக்கியிருக்கும் சரண்ராஜ் செந்தில்குமார், அடிப்படை வசதிகள் இல்லாத மலை கிராம மக்கள் பிரச்சனைகளை பற்றி மட்டும் பேசாமல், சொல்ல வந்த கருத்தை திறம்பட சொல்லி அதில் வெற்றியும் பெற்றிருக்கிறார். மொத்தத்தில் ‘வெள்ளகுதிர’ வெற்றிக் குதிரை.