அமெரிக்க வெளியுறவு மந்திரி அடுத்த மாதம் வருகை

புதுடெல்லி, ஏப்.28 - அமெரிக்க வெளியுறவுத்துறை மந்திரி ஹிலாரி கிளிண்டன் அடுத்த மாதம் 7 ம் தேதி இந்தியா வருகிறார். அமெரிக்கா-சீனா இடையிலான உறவை மேம்படுத்த அமெரிக்க வெளியுறவுத்துறை மந்திரி ஹிலாரி கிளிண்டன் அடுத்த மாதம் 3 ஆம் தேதி சீனா வருகிறார். அங்கு அவர் இரு நாடுகளுக்கும் இடையேயான 4 வது சுற்று பேச்சுவார்த்தையில் கலந்துகொள்கிறார். இரண்டு நாட்கள் சீனாவில் தங்கும் ஹிலாரி, அதன்பிறகு வங்கதேசம் வர உள்ளார். வங்கதேச பயணத்திற்கு பிறகு அவர் மே மாதம் 7 ம் தேதி மேற்குவங்க முதல்வர் மம்தா பானர்ஜியை சந்தித்து பேசுகிறார். பிறகு அம்மாநில கவர்னர் எம்.கே.நாராயணனுடனும் பேச்சுவார்த்தை நடத்துகிறார். மறுநாள் 8 ம் தேதி டெல்லி செல்லும் ஹிலாரி, வெளியுறவுத்துறை அமைச்சர் எஸ்.எம்.கிருஷ்ணாவை சந்தித்து பேசுகிறார். பிறகு பிரதமர் மன்மோகன்சிங்கையும் ஹிலாரி சந்திக்க ஏற்பாடுகள் நடந்து வருகின்றன. அதேநாளில் சிங்கப்பூர் வெளியுறவு மந்திரி சண்முகம் பிரதமர் மன்மோகன்சிங்கை சந்தித்து பேசவுள்ளார் என்பது குறிப்பிடத்தக்கது.