முக்கிய செய்திகள்
Idhayam Matrimony

திமுக தலைவர் பதவி கருத்து: குஷ்பு மீது செருப்பு வீச்சு

வியாழக்கிழமை, 7 பெப்ரவரி 2013      அரசியல்
Image Unavailable

 

திருச்சி. பிப்.8 - சமீபத்தில் வெளிவந்த ஒருவார பத்திரிகை ஒன்றில் திமுக ஆதரவு நடிகையான குஷ்பு திமுகவுக்கு மு.க.ஸ்டாலின் அடுத்த தலைவராக வருவது குறித்து கேள்வி ஒன்றுக்கு பதில் அளித்திருந்தார். அந்த பதிலில் நடிகை குஷ்பு திமுகவுக்கு அடுத்த தலைவர் ஸ்டாலின்தான் என்று நாமே ஒரு முடிவுக்கு வந்துவிடக்கூடாது. மேலும் திமுகவுக்கு அடுத்த தலைவர் தளபதியாகத்தான் இருக்க வேண்டும் என்ற அவசியமில்லை. அது கட்சியில் யாராகவும் இருக்கலாம். கட்சியின் நலனுக்கு யார் பொறுத்தமாக இருப்பார்களோ அவர்களை உட்கட்சி தேர்தல் நடத்திதான் தலைமை பதவிக்கு தேர்ந்தெடுப்பார்கள் என்று கூறியிருந்தார். 

இந்த நிலையில் நடிகை குஷ்புவுக்கு திமுக ஆதரவு மற்றொரு நடிகரான வாகை சந்திர சேகர் கண்டனம் தெரிவித்து ஒரு நாளிதழில் பேட்டிளித்துள்ளார். அதில் மு.க.ஸ்டாலின் பற்றி நடிகை குஷ்பு சொன்ன கருத்துக்கள் அதிர்ச்சி அளித்துள்ளன. மு.க.ஸ்டாலின் பற்றியோ திமுகவை பற்றியோ பேச குஷ்புவுக்கு அருகதை இல்லை என்று கூறியதாக தெரிகிறது. நடிகை குஷ்பு முரண்பாடாக இரட்டை நாக்கு வைத்து பேசுகிறார். அவர் பேச்சுக்கள் கட்சி கட்டுப்பாட்டை மீறுவதாக உள்ளது. கருத்து சுதந்திரம் என்ற பெயரில் குஷ்பு கட்சிக்கு கேடு செய்கிறார். ஸ்டாலின் தலைவராக வரக்கூடாது என்பது குஷ்புவின் கருத்தாக உள்ளது. எனவே அவர் மன்னிப்புகேட்க வேண்டும் என்று நடிகை வாகை சந்திர சேகர் கூறியுள்ளார். 

இதற்கிடையே நடிகை குஷ்புவின் எதிரான கருத்தை கண்டித்து திமுகவினரிடையே கடும் அதிருப்தியை ஏற்படுத்தி உள்ளது. அதைத்தொடர்ந்து சென்னை பட்டினபாக்கத்தில் உள்ள நடிகை குஷ்புவின் வீட்டில் கல்வீச்சு நடந்ததாக தெரிகிறது. கல்வீசியவர்கள் குஷ்புவுக்கு எதிராக கோஷமிட்டதாக கூறப்படுகிறது. இதுதவிர அவரது வீட்டில் நின்று கொண்டிருந்த கார் மீது கற்கள் வீசப்பட்டது. 

நேற்று காலை நடிகை குஷ்பு திருச்சியில் திமுக எம்.பி. திருச்சி சிவா இல்ல திருமண விழாவில் கலந்து கொண்டு மணமக்களை வாழ்த்தி பேசினார். அப்பொழுது அவர் பேச்சை திமுகவினர் ரசிக்கவில்லை. மாறாக குஷ்பு மீது கடும் கோபத்தில் இருந்தனர். இதனிடையே சென்னை வீட்டில் சிலர் கல்வீசி தாக்கியதை அறிந்த நடிகை குஷ்பு திருமண விழாவை முடித்துக்கொண்டு அவசர அவசரமாக தான் தங்கியிருந்த திருச்சி மத்திய பேருந்து நிலையம் அருகில் உள்ள பெமினா ஓட்டலுக்கு திரும்பினார். அப்பொழுது அங்கு தயாராக இருந்த திமுகவினர் சிலர் குஷ்பு ஓட்டலுக்கு வந்த கார் மீது செருப்புகளை வீசியதாக கூறப்படுகிறது. இதனால் அதிர்ச்சியடைந்த நடிகை குஷ்பு, தான் தங்கியிருந்த ஓட்டல் அறையை காலி செய்து விட்டு சென்னை செல்ல கார் மூலம் திருச்சி விமான நிலையம் சென்றார். அங்கும் சிலர் குஷ்பை கண்டித்து கோஷமிட்டதாக கூறப்படுகிறது. பின்னர் அவர் விமானம் ஏறி சென்னை சென்று விட்டார். 

திருச்சி ஓட்டல் வாசலில் நடிகை குஷ்பு கார் மீது செருப்பு வீசியவர்கள் கரை வேஷ்டி கட்டிய திமுகவினர்தான் என்று கூறப்படுகிறது. மேலும் இந்த செயலில் ஈடுபட்டவர்கள் மு.க.ஸ்டாலின் உத்தரவின்படிதான் இந்த செயலில் ஈடுபட்டிருக்க கூடும் என திமுக வட்டாரத்தில் கூறப்படுகிறது. 

ஏற்கெனவே நடிகை குஷ்பு திருமணத்திற்கு முன்பு பெண்கள் உறவு வைத்துக்கொள்ளலாம். இதில் தவறு ஏதுமில்லை என்று கருத்து கூறியிருந்தார். இதற்கு தமிழகம் முழுவதும் கடும் கண்டனம் எழுந்தது. குறிப்பாக பெண்கள் சங்கம் நடிகை குஷ்புவை கண்டித்து பல்வேறு இடங்களில் போராட்டங்களை நடத்தினர். அதைத்தொடர்ந்து குஷ்பு தனது பேச்சை வாபஸ் வாங்கிக்கொண்டார். இப்பொழுது மீண்டும் அவர் திமுக தலைமை மீது பேசிய கருத்துக்கள் அவரது சொந்தக்கட்சியான திமுக தலைவர்கள், நிர்வாகிகள், தொண்டர்கள், ஆகியோரிடையே கடும் எதிர்ப்பை காட்ட வேண்டிய சூழ்நிலை எழுந்துள்ளது என்பது குறிப்பிடத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago