பார்லி.யில் மத்திய அரசு மீது அ.தி.மு.க. குற்றச்சாட்டு

புதன் கிழமை, 18 ஜனவரி 2017      இந்தியா
Parliament(C) 21

 

புதுடெல்லி,மார்ச்.8 - இலங்கை தமிழர் பிரச்சினை உள்பட முக்கியமான பிரச்சினைகளை மத்திய அரசு திறம்பட கையாளவில்லை என்று அ.தி.மு.க. கடுமையாக குற்றஞ்சாட்டியுள்ளது. ஜனாதிபதி உரைக்கு நன்றி தெரிவிக்கும் உரை மீது நடந்த விவாதத்தில் ராஜ்யசபை அ.தி.மு.க.குழுத்தலைவர் மைத்ரேயன் கலந்துகொண்டு பேசினார். அப்போது அவர் பேசுகையில் மத்திய அரசை கடுமையாக தாக்கி பேசினார். இலங்கை தமிழர்கள் பிரச்சினை மற்றும் தீவிரவாதம் போன்ற பிரச்சினைகளை மத்திய அரசு திறம்பட கையாளவில்லை. ஜனாதிபதி உரையில் இவைகள் இடம் பெறவில்லை என்று தி.மு.க. மற்றும் காங்கிரஸ் கட்சிகள் மீதும் மைத்ரேயன் குற்றஞ்சாட்டினார். இலங்கைக்கு எதிராக ஜெனீவாவில் நடைபெறும் ஐக்கிய நாடுகள் மனித உரிமை கமிஷனில் அமெரிக்கா தீர்மானம் கொண்டு வருகிறது. இந்த தீர்மானத்தை இந்திய அரசு ஆதரிக்க வேண்டும். கடந்த முறை மாதிரி போதுமான ஆதாரம் இல்லாமல் தாக்கல் செய்ய முடியாத சூழ்நிலை ஏற்பட்டுவிடக்கூடாது என்று மைத்ரேயன் கூறினார். இலங்கையில் நடைபெறவிருக்கும் காமன்வெல்த் நாடுகள் உச்சி மாநாட்டிலும் இந்தியா கலந்துகொள்ளாமல் புறக்கணிக்க வேண்டும். இலங்கையில் கடந்த 2009-ம் ஆண்டு போர் முடிந்தபோது இலங்கை தமிழர்கள் 40 ஆயிரம் பேர் கொல்லப்பட்டனர். அப்போதும் மத்தியில் தி.மு.க.-காங்கிரஸ் கூட்டணி அரசுதான் இருந்தது. அப்பாவி தமிழர்கள் படுகொலை செய்யப்படுவதை இந்த இரண்டு கட்சிகள் எதுவும் செய்யவில்லை என்றும் மைத்ரேயன் குற்றஞ்சாட்டினார்.

வலது கம்யூனிஸ்ட் கட்சி தலைவர் டி.ராஜா பேசுகையில் தமிழர்கள் பிரச்சினையில் அமெரிக்காவுக்கு இந்தியா எதையும் விட்டுக்கொடுக்ககாமல் இலங்கைக்கு எதிரான தீர்மானத்தை ஆதரிக்க வேண்டும் என்றார். இலங்கையில் நடந்த போரானது இந்தியாவின் உதவியுடன்தான் நடந்தது. ஜனாதிபதி உரையில் மக்களை ஊக்குவித்து உற்சாகப்படுத்தும் எதுவும் இல்லை.


தெலுங்குதேச கட்சி உறுப்பினர் தேவேந்தர் கவுத் பேசுகையில் ஜனாதிபதி உரையில் மத்திய அரசின் குறிக்கோள் குறித்து எதுவும் கூறவில்லை. ஐக்கிய முற்போக்கு கூட்டணி அரசால் இதுவரை ரூ6.5 லட்சம் கோடி வரை ஊழல் நடந்துள்ளது என்றும் தீவிரவாதிகளின் புகழிடமாக ஐதராபாத் இருக்கிறது என்றும் அங்கு அடிக்கடி தீவிரவாத தாக்குதல் நடக்கிறது என்றும் கவுத் மேலும் கூறினார்.

சில சுவாரிஸ்யமான தகவல்கள்

உலகின் குண்டு பெண்

எகிப்தை சேர்ந்த எமான் என்ற 40 வயது பெண் பக்கவாதத்தாலும், உடல் பருமனாலும் படுத்த படுக்கை ஆனார். படுக்கையிலேயே 25 ஆண்டுகள் கழிந்த நிலையில், அவரது உடல் எடை தற்போது 500 கிலோவை தொட்டுள்ளது. உலகிலேயே குண்டான பெண்ணான இவருக்கு, மும்பையை சேர்ந்த டாக்டர் முப்பஷால், உடல் பருமனை குறைக்கும் அறுவை சிகிச்சையை இலவசமாக மேற்கொள்ளவுள்ளார்.ஆனால் அரை டன் எடை கொண்ட இவரை ஏற்றிவர தனியார் விமான நிறுவனங்கள் கைவிரித்துவிட்டன. இவரை இந்தியா அழைத்து வர ஏற்பாடு செய்யப்பட்டு வரும் நிலையில்,  இவருக்கு அறுவை சிகிச்சை செய்யும் வகையில் ரூ.2 கோடி செலவில் மருத்துவமனையில் பிரத்யேக அறையை உருவாக்கி வருகின்றனர். இந்த அறையில், டாக்டர்கள் அறை, கண்காணிப்பாளர் அறை, 2 கழிவறைகள், வீடியோ கான்பரன்சிங் அறை ஆகியவை இடம் பெறுகின்றன.

எச்சரிக்கை எச்சரிக்கை

அமெரிக்காவில் தயாராகியுள்ள ஐபோன் வடிவிலான ஸ்மார்ட்போன் வடிவ துப்பாக்கியில் 9 மி.மீ. அளவு கொண்ட குண்டுகளைப் பயன்படுத்த முடியும். இணையதளம் ஒன்றில் விற்பனைக்கு வர உள்ள இந்த நவீன துப்பாக்கியை ஆன்லைனில் 12,000-த்துக்கும் மேற்பட்டோர் முன்பதிவு செய்துள்ளனர் என்பது ஆச்சரியமான தகவல்.

ஆனந்த கண்ணீர்

பிரபலமான எமோஜி எது என்று கண்டுபிடிக்க, உலகம் முழுவதும் உள்ள 212 நாடுகளைச் சேர்ந்த 40 லட்சம் ஸ்மார்ட்போன்களில் உள்ள 427 மில்லியன் குறுஞ்செய்திகள் ஆய்வுக்கு உட்படுத்தப்பட்டது. அதில், ஆனந்த கண்ணீருடன் இருக்கும் முகம் போன்ற எமோஜி உலகில் அதிகம் பேர் பயன்படுத்திய பாப்புலரான எமோஜியாகத் தேர்வு செய்யப்பட்டது.

நெருப்புடா

கடல் மட்டத்தில் இருந்து 4 ஆயிரத்து 190 அடி உயரத்தில் அமைந்திருக்கிறது, ஹவாய் தீவுகளில் உள்ள  கிலயூயே எரிமலை. இந்த எரிமலையில் ஹலெமா என்ற எரிமலைக் குழம்பு ஏரி மூன்று லட்சம் ஆண்டுகளுக்கு முன் உருவானதாகக் கருதப்படுகிறது. இந்த எரிமலை, லாவா குழம்பைக் கக்கியபடி, பரவுவதால்தான் இதற்கு கிலயூயே என்ற பெயர் வைக்கப்பட்டிருக்கிறது.

பூமிக்கடியில் நகரம்

இங்கிலாந்தின் பர்லிங்டன் நகரம், 35 ஏக்கர் பரப்பளவைக் கொண்டது. 1950 களின் இறுதியில் பூமிக்கடியில் உருவாக்கப்பட்டது. அமெரிக்காவிற்கும் சோவியத் யூனியனிற்கும் பனிப்போர் நிலவி வந்த காலத்தில், அணுகுண்டு தாக்குதலில் இருந்து அரசு உயரதிகாரிகள், ஊழியர்களைக் காப்பதற்காகவே இந்த நகரம் உருவாக்கப்பட்டது.

விரைவில் அறிமுகம்

உலகின் முன்னணி வீடியோ பகிரும் தளமாக விளங்கிவரும் ‘யூடியூப்’ நிறுவனம் வீடியோக்களின் இடையே விளம்பரங்களையும் காட்சிப்படுத்தி வருகின்றது. இந்த விளம்பரங்கள் மூலம் வீடியோக்களை அப்லோடு செய்பவர்களும் வருமானத்தைப் பெற வசதி செய்யப்பட்டுள்ளது.இதேபோன்றதொரு வசதியினை பேஸ்புக் நிறுவனம் விரைவில் வழங்கவுள்ளது.

உலகை ஆளும்

செல்போன் போன்ற கையடக்கக் கருவிகளில், தொடுதிரையைத் தாங்கி வெளியான முதல் செல்போன் என்ற பெருமையுடன் ஸ்டீவ் ஜாப்ஸால் ஆப்பிள் ஐபோன் 2007ம் ஆண்டு அறிமுகமானது. ஒரே ஒரு ஸ்மார்ட்போன் மூலம் உலகையே மாற்ற முடியும் என்று பத்தே ஆண்டுகளில் ஆப்பிள் நிறுவனம் நிரூபித்துள்ளது

கொசுக்கு எதிரி கொசு

கொசுக்கள் மூலம் பரவும் ஜிகா வைரசுக்கு எதிரான போரட்டத்தில் கொசுக்களையே களமிறக்க முடியும் என்று ஆய்வாளர்கள் கண்டுபிடித்துள்ளனர். உலகை அச்சுறுத்திவரும் ஜிகா வைரசுக்கு மருந்து கண்டுபிடிக்க விஞ்ஞானிகள் மற்றும் மருத்துவர்கள் குழு தீவிர ஆய்வில் ஈடுபட்டுள்ளனர்.இந்தநிலையில், மரபணு மாற்றம் செய்யப்பட்ட கொசுக்கள் மூலம் ஜிகா, மலேரியா உள்ளிட்ட கொசுக்கள் மூலம் பரவும் நோய்களைத் தடுக்க முடியும் என்று அமெரிக்க மறுத்துவர்கள் மற்றும் விஞ்ஞானிகள் அடங்கிய குழுவினர் ஆய்வு மூலம் கண்டறிந்துள்ளனர். கொசுக்களின் மரபணுக்களை மாற்றி அவற்றை வெளிவிடுவதன் மூலம், ஜிகா மற்றும் மலேரியா உள்ளிட்ட நோய்களைப் பரப்பும் கொசுக்களின் உற்பத்தியைத் தடுக்க முடியும் என்றும் அவர்கள் தெரிவித்துள்ளனர்.

கர்பிணிகள் அச்சம்

பியா...பெண்களுக்கு கர்ப்பம் குறித்த பயத்தை ஏற்படுத்தும் நோய்தான் டோகோபோபியா. இந்த நோயானது இரண்டு வகையாக பார்க்கப்படுகிறது. முதல் வகையானது கர்ப்பம் குறித்த எந்த முன் அனுபவமும் இல்லாமல் குழந்தை பிறப்பு குறித்து பிறர் கூறுவது கேட்டு அவர்களுக்கு ஏற்படும் அச்சம். இரண்டாவது வகை முந்தைய கால கர்ப்ப காலத்தின் போது தனக்கு ஏற்பட்ட அனுபவத்தின் காரணமாக ஏற்படும் அச்சம். இந்த நோயினால் பாதிக்கப்பட்ட பெண்களுக்கு அவர்களது உறவினர்கள், நண்பர்கள் உறுதுணையாக இருக்க வேண்டும். அவர்களது பயத்தை போக்கி அவர்களுக்கு தன்னம்பிக்கை ஏற்படுத்த வேண்டும் என்று மருத்துவர்கள் தெரிவிக்கின்றனர்.

பூமிக்கு ஆபத்து

‘பிளாணட் எக்ஸ்- தி 2017 அரைவல்’ என்ற பெயரில் டேவிட் மேட் எனும் எழுத்தாளர் எழுதியுள்ள புத்தகத்தில் சூரியனைப் போன்றதொரு கோள் பூமியை நோக்கி பயணித்து வருகிறது. நிபிரு என்று அழைக்கப்படும் அந்த நெருப்புக் கோள் பூமியின் தென்துருவம் மீது வரும் அக்டோபரில் மோதும். இதனால் பூமி முழுமையாக அழியும் என்று எழுதியுள்ளார்.

நம்மீது பிரியம்

 விலங்குகளைப் போன்ற தடிமனான ரோமங்கள் மனிதர்களுக்கு கிடையாது. இதனால்தான், அவைகள் நம்மை கடிப்பதாக ஆராய்ச்சியாளர்கள் தெரிவிக்கின்றனர். மனிதர்களுக்கு நோயின் அச்சுறுத்தலைக் கூட்டுவது பெண் கொசுக்கள் தான் என்றும்,ஆண் கொசுக்கள் மனிதர்களை கடிப்பதில்லை என்றும் தெரிய வந்துள்ளது.

புதிய டெக்னாலஜி

ஹோண்டா நிறுவனம் புதிய செல்ஃப் பேலன்ஸிங் பைக் ஒன்றை அறிமுகப்படுத்தியுள்ளது. இந்த வகை பைக்குகளை பயன்படுத்தும் போது ஓட்டுனர் காலை கீழே ஊன்றுவதற்கான அவசியமே இருக்காது. இதற்காக ரைடர் அசிஸ்ட் டெக்னாலாஜி மூலம் ரோபாடிக் கான்செப்டடை இனைத்து ஹோண்டா நிறுவனம் உருவாகியுள்ளது.