இலங்கைக்கு எதிராக உறுதியான நடவடிக்கை எடுக்க கடிதம்

வியாழக்கிழமை, 7 மார்ச் 2013      இந்தியா
Image Unavailable

 

சென்னை, மார்ச்.8 - தமிழக மீனவர்கள் மீது அராஜகங்கள் நடத்தும் இலங்கை அரசுக்கு எதிராக உறுதியான நடவடிக்கை எடுக்க வேண்டும் என்று முதல்வர் ஜெயலலிதா பிரதமருக்கு கடிதம் எழுதியுள்ளார். அவர் எழுதியுள்ள கடிதத்தில் கூறியிருப்பதாவது:- 

தமிழ்நாடு மற்றும் புதுச்சேரி மீனவர்கள் மீது இலங்கை கடற்படை அதிகாரி துப்பாக்கிச்சூடு நடத்திய தீவிரமான வருத்தத்திற்குரிய நிகழ்ச்சி குறித்து உங்கள் கவனத்திற்கு கொண்டு வர விரும்புகிறேன். காரைக்காலில் இருந்து 10 பேரும், நாகப்பட்டினத்தில் இருந்து 4 பேரும் மொத்தம் 14 பேர் இரண்டு இயந்திர படகுகளில் மார்ச் 2-ம் தேதி பல நாட்கள் மீன் பிடிப்பதற்காக பயணம் செய்தார்கள். தமிழ்நாட்டின் கோடியக்கரை பகுதியில் தென்கிழக்கு கடலில் அவர்கள் மீன் பிடிக்கும் பணியில் ஈடுபட்டிருந்தபோது அங்கிருந்த இலங்கை கடற்படை அதிகாரி மார்ச் 6-ம் தேதி இரவில் அவர்களுடைய படகுகள் மீது துப்பாக்கியால் சுட்டார். அதில் புதுச்சேரி, காரைக்கால் மாவட்டத்தை சேர்ந்த செண்பகம் என்ற மீனவர் படுகாயத்திற்கு ஆளானார். மற்ற மீனவர்கள் தங்களுடைய படகுகளில் காயம்பட்ட மீனவரை கரைக்கு கொண்டு வந்து நாகப்பட்டினம் மாவட்ட அரசு மருத்துவமனையில் தற்போது சேர்க்கப்பட்டுள்ளார். 


அப்பாவி தமிழ்நாட்டின் மீனவர்கள் மீது இலங்கை கடற்படையினர் மீண்டும் அராஜகங்களை ஆரம்பித்திருக்கிறார்கள் என்பதை பெருங்கவலையுடன் உங்களிடம் சுட்டிக் காட்ட விரும்புகிறேன். தூத்துக்குடியை சேர்ந்த 16 மீனவர்கள் மன்னார் வளைகுடாவில் மீன் பிடித்தபோது இலங்கை கடற்படையினரால் கைது செய்யப்பட்டு அந்நாட்டு நீதிமன்ற காவலில் உள்ளார்கள் என்பதை நீங்கள் முன்பே அறிவீர்கள். இதற்கு மேலாக தற்போது இலங்கை கடற்படை துப்பாக்கிச்சூடு நடத்திய நிகழ்ச்சி அமைதியாக வாழ்வாதாரத்திற்காக மீன் பிடிக்கும் தமிழக மீனவர்கள் மத்தியில் குழப்பத்தையும், அச்சத்தையும், பதட்டத்தையும் உண்டாக்குவதே நோக்கமாக தெரிகிறது. 

இலங்கை தமிழர்களுக்கு எதிராக இலங்கை அரசு நடத்திய அராஜகங்கள் குறித்தும் சர்வதேச அரங்கில் இலங்கை அரசின் மனித உரிமை மீறல்கள் குறித்தும் உறுதியான நடவடிக்கை எடுக்க வேண்டுமெனவும் இந்திய நாடாளுமன்றத்தில் தமிழக உறுப்பினர்கள் நடத்திய மாபெரும் கிளர்ச்சியே மேற்படி தாக்குதலுக்கு காரணம் என்ற கண்ணோட்டத்தில் பார்க்கப்படுகிறது. 

இந்திய அரசு சர்வதேச அரங்கில் இலங்கை அரசின் அராஜகங்களை எதிர்த்து  குரல் எழுப்பக் கூடாது என்பதற்காகவே மீனவர்களை கைது செய்வதும், தாக்குதல் நடத்துவதும் நிகழ்த்தப்படுகிறது என்று தெரிகிறது. இது முற்றிலும் ஏற்புடையது அல்ல. 

இந்திய அரசு அமைதியான பார்வையாளராக இருக்கக் கூடாது. பல நூற்றாண்டு காலமாக மரபு வழியாக மீன் பிடிக்கும் பகுதிகளில் இந்திய மீனவர்கள் மீன் பிடிப்பதை இலங்கை அரசு தடுக்கக் கூடாது என்று வலியுறுத்த வேண்டும். 

இந்த நிகழ்வுகளை பொறுத்த வரையில் அவசர உறுதியான நடவடிக்கையை இந்திய அரசு எடுக்க வேண்டுமென்று நான் கேட்டுக் கொள்கிறேன். 

இவ்வாறு முதல்வர் ஜெயலலிதா பிரதமருக்கு எழுதியுள்ள கடிதத்தில் கூறியுள்ளார்.

இதை ஷேர் செய்திடுங்கள்:

சில சுவாரிஸ்யமான தகவல்கள்

சிரிப்பால் அளந்தவர்

சார்லி சாப்ளின், ஒரே வருடத்தில் 12 ஹாலிவுட் படங்கள் நடித்து சாதனை புரிந்தவர், நடிப்பு மட்டுமின்றி, இயக்குநர், இசையமைப்பாளர், திரைக்கதை எழுத்தாளர், திரைப்படத் தொகுப்பாளர், தயாரிப்பாளர் என பன் முகம் கொண்டவர்.

நோய்களை தடுக்க ...

குறிப்பிட்ட நேரத்தில் தூங்க செல்ல வேண்டும். காஃபி போன்ற கேஃபைன் இருக்கும் உணவுப் பொருட்களை குறைத்தல், டிவி, செல்ஃபோன், கணினியை அணைத்துவிடுதல்,  இரவில் அதிகம் உணவை தவிர்த்தல், தினசரி உடற்பயிற்சி, தூங்கும் முன் குளிர்பானம் குடிப்பதை தவித்தல், அமைதியான சூழல் நல்ல தூக்கத்தை கொடுக்கும்

குடியமர்த்தப்பட்ட தமிழர்கள்

கடந்த 1860-ம் ஆண்டு கால கட்டத்தில் தென் ஆப்பிரிக்காவில் இந்தியர்கள் குறிப்பாக தமிழர்கள் அதிக அளவில் குடியமர்த்தப்பட்டனர். அந்நாட்டில் விளையும் கரும்பு, பருத்தி போன்ற வேளாண் பணிகளுக்காக தமிழகர்கள் அங்கு குடியமர்த்தப்பட்டனர். உலக நாடுகளில் வெளிநாட்டு மக்களை முதலில் குடியமர்த்திய முதல் நாடு தென் ஆப்பிரிக்காதான். தென் ஆப்பிரிக்காவில் கடந்த 150 ஆண்டுகளுக்கு முன்னர் இந்திய மாநிலத்தவர்கள் குடியமர்த்தப்பட்ட போது இந்தியா ஒப்பீனியன் என்ற பத்திரிகை வெளியிடப்பட்டது. அந்த பத்திரிகை தமிழில் வெளியிடப்பட்டது என்பது குறிப்பிடத்தக்கது.

அதிசய தம்பதிகள்

கொலம்பியா, மெடிலின் என்ற பகுதியைச் சேர்ந்த தம்பதிகளான மரியா கார்சியா மற்றும் மிகுல் ரெஸ்ட்ரீபோ இருவரும் கடந்த 22 வருடங்களுக்கு முன்னர், போதைப் பழக்கத்திற்கு அடிமையாகியிருந்தனர். பிளாட்பாரங்களில் தங்கியிருக்கும் போது ஒருவருக்கொருவர் ஆறுதலாக இருந்து வந்ததால், சேர்ந்து வாழ முடிவெடுத்து,  பயனில்லாத பாதாளச் சாக்கடையில் தங்களுக்கான இல்லத்தை உருவாக்கி குடியேறினர். பாதாளச் சாக்கடையில் 22 வருடங்களாக வசிக்கும் இவர்கள், தங்களுக்கு துணையாக ஒரு நாயையும் வளர்த்து வருகிறார்கள். இந்த இல்லத்தில் மின்சார வசதியைப் பெற்று, டி.வி உள்ளிட்ட சாதனங்களையும் பயன்படுத்தி வருவதுதான் ஆச்சரியம்.

அறிவோம் சிறுநீரகம்

சிறுநீர் பாதையில் அழற்சி என்பது மருத்துவ துறையில் பொதுவாக காணப்படும் ஒரு குறியீடு. மூத்திரம் வரும் பாதையிலும், சில நேரம் மூத்திர பையிலும் அழற்சி ஏற்படலாம். இதற்கு சிஸ்டைடிஸ் என்று பெயர். இந்த அழற்சி கிருமி தொற்று மேலே சென்று சிறுநீரகத்தை தாக்கும் போது அது செயலிழக்க வாய்ப்பு அதிகம்.

யூதர்களின் அடையாளம்

இஸ்ரேலில் உள்ள யூதர் வழிபாட்டுத் தலத்தின் நுழைவாயிலில் கி.பி. 300-ஆம் ஆண்டு முதல் கி.பி. 500-ஆம் ஆண்டு வரையிலான காலகட்டத்தில் யூத மத அடையாளமான ‘பத்து கட்டளைகள்’ செதுக்கப்பட்ட கல்வெட்டு 8.5 லட்சம் டாலர்களுக்கு அமெரிக்காவில் ஏலம் போனது. இக்கல்வெட்டை ஏலம் எடுத்தவர் அருங்காட்சியகம் வைக்கவுள்ளார்.

அழிவை நோக்கி....

பூமியில் அடுத்த 1000 ஆண்டுகள் மட்டுமே மனித இனத்தால் வாழ முடியும். இந்த கால இடைவெளிக்குள் ஏற்படும் மிகப்பெரிய இயற்கைப் பேரிடரால் மனித இனம் முற்றிலுமாக அழிந்துவிடும் என்று  ஐன்ஸ்டீனுக்குப் பிறகு மூளை செயல்பாடு அதிகம் கொண்டவராகக் கருதப்படும் பிரபல விஞ்ஞானி ஸ்டீபன் ஹாக்கிங்.எச்சரிக்கை விடுத்திருக்கிறார்.

சிவப்பு செவ்வாய்

சூரியனில் இருந்து 4-வதாக இருக்கும் செவ்வாய் கிரகத்தில் ஏற்படும் புயலால் மேற்பரப்பில் இருக்கும் சிவப்பு மாசை வளிமண்டலத்தில் நிரப்பிவிடும்.அங்கு, ஈர்ப்பு விசை குறைவு காரணமாக, இந்த மாசுத் துகள்கள் நீண்ட நாட்களுக்கு அப்படியே பரவியிருக்கும். இதனாலேயே செவ்வாய் கோள் சிவப்பு நிறத்தில் காட்சியளிக்கிறது.

வானில் அதிசயம்

சூரிய குடும்பத்தில் உள்ள நெப்டியூன் கோளுக்கு அருகில் உள்ள குயிர்பெர் மண்டலத்தில், 1,500 கிலோ மீட்டர் பரப்பளவு கொண்ட, குள்ளமான கிரகம் ஒன்று உள்ளது. இதற்கு ‘2007 OR10’ என்று விஞ்ஞானிகள் பெயரிட்டுள்ளனர். இந்த குள்ள கிரகத்தில் 400 கிலோமீட்டர் பரப்பளவில் நிலா ஒன்று இருப்பதை நாசா விஞ்ஞானிகள் கண்டுபிடித்துள்ளனர்.

காற்று விற்பனைக்கு...

சுவிட்சர்லாந்தில், ஆல்ப்ஸ் மலைக்காற்றைப் பாட்டிலில் அடைத்து, விற்பனை செய்து வருகிறார் ஜான் கிரீன் என்பவர். அரை லிட்டர் முதல் 3 லிட்டர் பாட்டில்களில் விற்பனைச் செய்யப்படுகிறது. இந்தக்காற்றின் ஒரு லிட்டர் பாட்டிலின் விலை 167 டாலர். இந்திய மதிப்பில் ரூ.11163 ஆகும்.

புதுவித அழைப்பிதழ்

மக்களிடமும் டிஜிட்டல் பண பரிவர்த்தனையை ஊக்குவிக்கும் விதமாக திருமண அழைப்பிதழை ஏடிஎம் கார்டு வடிவில் தற்போது அச்சடிக்கின்றனர். இந்த ஏ.டி.எம் கார்டு வடிவிலான திருமண அழைப்பிதழ்கள் எளிய வகையில் அனைவரும் புரிந்து கொள்ளும் விதத்தில் மணமக்களின் பெயர்கள், கல்யாண தேதி, இடம் ஆகிய விவரங்கள் மட்டும் இடம்பெற்றுள்ளது.

புதிய கடிகாரம்

ஒரு நொடியை பில்லியனால் வகுத்தால் என்ன எண் கிடைக்குமோ அந்த நேரத்தைக் கூட அளவிடும் கடிகாரத்தை நாசா விஞ்ஞானிகள் உருவாக்கியுள்ளனர். இது லேசர் பீம்களோடு இணைக்கப்பட்டு விண்கலத்துக்கும், கோள்களின் தரை பரப்புக்கும் உள்ள தொலைவைக் கண்டறிய உதவும் என்றும், ஒளியின் வேகத்தில் நகரும் பொருளின் தூரத்தை அறிய உதவும் என்றும் விஞ்ஞானிகள் கூறியுள்ளனர்.