மருத்துவ காப்பீட்டு: மறு வாழ்வு கிடைத்ததாக வாலிபர் கண்ணீர்

வியாழக்கிழமை, 7 மார்ச் 2013      தமிழகம்
Image Unavailable

 

சென்னை, மார்ச்.8 - ஒரு பைசா கூட செலவில்லாமல் கழுத்தில் ஏற்பட்ட புற்றுநோய்க்கு வாலிபர் ஒருவருக்கு அறுவை சிகிச்சை செய்யப்பட்டது. அவர் முதல்வரை பாராட்டியுள்ளார். முதல்வர் மருத்துவ காப்பீட்டு திட்டத்தால் தனக்கு மறு வாழ்வு கிடைத்ததாக வாலிபர் கண்ணீர் மல்க நன்றி தெரிவித்துள்ளார்.

உலகில் எவருக்கும் வந்திடாத கழுத்து புற்று நோய் கட்டியை தமிழக முதல்வரின் மருத்துவ காப்பீடு திட்டத்தில்  செட்டி நாடு மருத்துவமனை மருத்துவர்கள் வாலிபருக்கு  ஏழு மணி நேரம் அறுவை சிகிச்சை செய்து உயிர் பிழைக்க வைத்துள்ளனர்.


இது தொடர்பாக, அம்மருத் துவமனையின் தலைமை செயல் அதிகாரி  வெங்கட பனிதர் மற்றும் மருத்துவ பேராசிரியர்கள்  வி.ஜி.ரமேஷ், கார்த்திகேயன், மருத்துவர்கள் கோபால கிருஷ்ணன், அருண் தியாகராஜன், அனந்த ராமகிருஷ்ணன் ஆகியோர் செய்தியாளர்களிடம் கூறியதாவது:

சென்னை கேளம்பாக்கத்தைச் சேர்ந்த, 24 வயது வாலிபர் கார்த்திக்  எங்கள் மருத்துவமனைக்கு வந்தார். அவரது கழுத்தின் இடது புறத்தில் கட்டி ஒன்று இருந்தது. இந்த கட்டி எதனால் வந்தது என்பது குறித்து ஆய்வு செய்தோம்.அது, முதுகு தண்டுவடம், நரம்பின் உட்பகுதியில் வரக்கூடிய புற்று நோய் கட்டி என்பது தெரியவந்தது. இது போன்ற  புற்று நோய் கட்டி,  கழுத்துப்பகுதியில், உலகத்தில்  வேறு எவருக்கும் வந்தது இல்லை என்பதையும்  அறிந்தோம்.

இந்த வாலிபருக்கு இரண்டு கட்டமாக அறுவை சிகிச்சை செய்தோம். முதலில், முதுகு தண்டுவடத்தை அழுத்தம் செய்து, அதனால், உடல் முழுவதும் மரத்துப்போகச் செய்திருந்த நிலையை மாற்றினோம். அதன் பின்னர், கழுத்துப்பகுதியில் உணவு, மூச்சுக்குழாய், மூளைக்குப் போகும் ரத்தக்குழாய்களை ஆக்கிரமித்து இருந்த கட்டி அகற்றப்பட்டது. அந்த வாலிபருக்கு, அறுவை சிகிச்சை ஏழு மணி நேரம் நடந்தது. தொடர் சிகிச்சையாக ரேடியோ தெரபி தரப்படுகிறது.

தமிழக முதலமைச்சரின் மருத்துவ காப்பீடு திட்டத்தில் அறுவை சிகிச்சை நடந்ததால், வாலிபரின் குடும்பத்தாருக்கு எவ்வித பண செலவுகளும் ஏற்படவில்லை.  எங்கள் மருத்துவமனையில் உள்ள அதி நவீன தொழில் நுட்ப கருவிகள்  இருந்ததால், சவால் நிறைந்த புற்று நோய் கட்டி அகற்றப்பட்டு, அந்த வாலிபரின் உயிரை காப்பாற்ற முடிந்தது.இவ்வாறு அவர்கள் கூறினார்கள்.

முதல்வரின் மருத்துவ காப்பீடு திட்டத்தால் பயனடைந்த வாலிபர் கார்த்திக் கூறியதாவது: எனது பெற்றோர் கூலி வேலை செய்து வருகிறார்கள். எனக்கு வந்திருப்பது புற்று நோய் கட்டி என்பதை மருத்துவர்கள் தெரிவித்ததும் அதிர்ச்சியடைந்தோம். உலகத்தில் இதுபோன்றதொரு கட்டி யாருக்கும் வந்தது இல்லை என்றும் மருத்துவர்கள் தெரிவித்தார்கள். அதனால், இனி உயிர்பிழைக்க மாட்டேன் என்று தான் நினைத்தேன். ஆனால், தமிழக முதல்வரின் மருத்துவ காப்பீடு திட்டத்தால், ஒரு பைசா கூட செலவு இல்லாமல், எனக்கு அறுவை சிகிச்சை முடிந்து மறு வாழ்வு பெற்றுள்ளேன். இதற்கெல்லாம் காரணமாக இருந்த, தமிழக முதல்வர் ஜெயலலிதா மற்றும் மருத்துவர்களுக்கு நன்றியை  தெரிவித்துக் கொள்கிறேன்.இவ்வாறு கார்த்திக் கூறினார்.

இதை ஷேர் செய்திடுங்கள்:

சில சுவாரிஸ்யமான தகவல்கள்

இதயத்திற்கு நல்லது

முந்திரியில், மோனோசாச்சுரேட்டட் கொழுப்பு அமிலங்கள் உள்ளதால், கெட்ட கொழுப்பைக் குறைத்து நல்ல கொழுப்பின் அளவை அதிகரிக்கச் செய்வதால் இதயத்திற்கு நல்லது. ரத்தக் குழாய்களில் கொழுப்பு படிந்து மாரடைப்பு, பக்கவாதம் போன்ற பாதிப்புகள் ஏற்படாமல் இது தடுக்கிறது. இதில் மாங்கனீஸ், பொட்டாசியம், தாமிரம், இரும்பு, மக்னீசியம், துத்தநாகம் உள்ளிட்ட தாது உப்புக்கள் நிறைவாக உள்ளன.

இருதயம் கவனம்

வருடாந்திர மருத்துவ பரிசோதனை செய்வது, அன்றாட உணவில்  உப்பின் அளவினை சற்று குறைத்து எடுத்து கொள்ளுதல். கைவீசி நடத்தல், படிகட்டு ஏறி இறங்குதல்,  டி.வி. பார்க்கும் பொழுது ஜாக் செய்வது,  வீடு பெருக்கி துடைப்பது,   குழந்தைகளுடன் பார்க்கிற்கு சென்று விளையாடுதல், இரவு உணவுக்குப் பிறகு சிறிது நடத்தல் போன்ற எளிய பயிற்சிகள் இருதயத்தை தீங்கு ஏற்படாமல் பாதுகாக்கும்.

மழை காலமும் உணவும்

மழைக்காலத்தில் விட்டமின் சி நிறைந்த பேரிக்காய், மாதுளை, மிளகு சாப்பிடுவதால் நோய் எதிர்ப்பு மண்டலம் பலப்படும். கிருமிகளை அழித்துவிடும். பூண்டு உடலுக்கு சூட்டை தரும். இஞ்சி வயிற்றுப் போக்கு, அஜீரணம் ஆகிய்வற்றை தடுக்கும். அதிக நார்சத்து கொண்ட ஆப்பிள் மலச்சிக்கலை தடுக்கும். ஹீமோகுளோபினை அதிகரிக்கச் செய்யும்.

விருச்சிகாசனம்

விருச்சிகாசனத்தை தொடர்ந்து செய்து வந்தால் நரம்புத் தளர்ச்சி குணமாகும். கை, கால்கள் வலிமையடையும். மூளைக்கு இரத்த ஓட்டம் அதிகரிக்கிறது. அனைத்துச் சுரப்பிகளும் சீராக இயங்க உதவுகிறது. இதனால் கண் பார்வை கூர்மையடையும். தொடர்ந்து செய்து வந்தால் இழந்த சக்தியை மீட்க முடியும். மேலும், உடலின் சோர்வை போக்க முடியும்.

கொழுப்பை தடுக்கும்

1. மூளை செயல்பாடு அதிகரிக்கும் மற்றும் நீங்கள் சுறுசுறுப்பாக உணர்வீர்கள்.2. கொழுப்பு எரிப்பதை அதிகரிக்கிறது மற்றும் உடல் திறன் அதிகரிக்கிறது.3. இதில் இருக்கும் ஆக்சிஜெனேற்றத்தடுப்பான் (antioxidant) பல்வேறு வகையான புற்றுநோய் ஆபத்தை குறைக்கிறது.4. இருதய நோய் வருவதை குறைக்கலாம். 5. நீரிழிவு நோய் வரும் ஆபத்தை குறைக்கலாம்.

புதிய அப்டேட்

சமூக வலைதளங்களில் பதிவு செய்யப்படும் கருத்துகளுக்கு நமது உணர்வுகளை தெரிவிக்கும் விதத்தில் ரியாக்‌ஷன் பட்டன்கள் உள்ளன.  பேஸ்புக்கில் கடந்த ஆண்டில் மட்டும் 300 பில்லியன் தடவை இதை பயன்படுத்தியுள்ளனர். லைக் பட்டன்கள் மட்டுமே இதுவரை இருந்த நிலையில், பேஸ்புக் மெசஞ்சர் ஆப்பில் டிஸ்லைக் பட்டன் விரைவில் வரவுள்ளது.

எண்ணெய் குளியல்

ஒரு நிகழ்வு நடப்பதற்கு முன்பாக அது நடந்துவிட்டதாக நினைத்துப் பயப்படுவது. நரம்பு மண்டலத்தின் செயல்பாட்டால் ஏற்படுகிறது. இதற்கு தலையில் க்ஷீரபலா எண்ணெய், பலா அஸ்வகந்தா எண்ணெய் போன்றவற்றைத் தேய்ப்பதால் நரம்பு மண்டலத்தின் துரித நிலை குறைக்கப்படுகிறது. இந்த எண்ணெய் குளியல் பதற்றத்தைக் குறைப்பதற்கு ஒரு சிறந்த மருந்து.

தண்ணீர் பற்றாக்குறையால்....

ரத்தச் சுற்றோட்டத்தில் ரத்தம் உறைந்து விடுவதுதான் மாரடைப்புக்கு முக்கியக் காரணம். ரத்தத்தில் பைப்ரினோஜன் எனும் ரத்த உறைவுப் பொருள் உள்ளது. ரத்தம் திரவ நிலையில் இருந்தால் மட்டுமே பைப்ரினோஜன் தன் வேலையைச் சரியாகச் செய்யும். உடலில் தண்ணீரின் அளவு குறைந்து, அது திடமாகிவிட்டால், ரத்தக் குழாய்க்குள்ளேயே ரத்தம் உறைவதற்கு பைப்ரினோஜன் ஏற்பாடு செய்துவிடும். இதனால் மாரடைப்பு ஏற்படுகிறது. ஒருவர் தேவைக்குத் தண்ணீர் அருந்தாவிட்டால், முதலில் இதயத்தைச் சுற்றியுள்ள கொலாட்டிரல்ஸ் எனும் மிக நுண்ணிய ரத்தக்குழாய்கள் மூடிக்கொள்ளும். அதாவது, இதயத் தசைகளுக்கு ரத்த வினியோகம் செய்யும் முதன்மை ரத்தக் குழாய்களான கரோனரி தமனிகளில் அடைப்பு உண்டாகி, மாரடைப்பு ஏற்படும்போது, இவை தான் இதயத்தசைகளுக்கு ரத்தம் கொடுக்கின்றன. இதன் மூலம் மாரடைப்பு தள்ளிப்போகவோ மாரடைப்பின் கடுமை குறையவோ வாய்ப்பு உள்ளது.

வயது தடையில்லை

ஹெலன் வேன் விங்கிள் என்ற 87 வயதான மூதாட்டி, ‘பாடி விங்கிள்’ என்ற பெயரில் ஃபேஸ்புக், ட்விட்டர் போன்ற சமூக வலைத்தளங்களில் மிகவும் பிரபலமானவர்.இவர் கணக்கு தொடங்கிய மிகக் குறுகிய காலத்திலேயே இன்ஸ்டாகிராமில் 2 மில்லியன் பாலோவர்ஸ், ட்விட்டரில் 2 லட்சத்து 20 ஆயிரம் பாலோவர்ஸும் உள்ளனர். நடிகை கர்தாஷியன் உடன் இவர் சேர்ந்து இருக்கும் போட்டோவிற்கு 88.3K லைக்குகள் கிடைத்ததாம்.

நன்மைகள் பல

பெரிய திரை கொண்டுள்ள ஸ்மார்ட்போன்களில் அதிக தகவல்களை ஒரே ஸ்வைப் மூலம் பார்க்க முடியும். இதோடு புகைப்படம், வீடியோ மற்றும் கேம் உள்ளிட்டவற்றை சிறப்பாக கையாளலாம். ஆண்ட்ராய்டு இயங்குதளம் கொண்ட சாதனம் எனில் ஸ்ப்லிட் ஸ்கிரீன் அம்சம் மூலம் ஒரே சமயத்தில் இரண்டு செயலிகளை இயக்க முடியும்.

புதுவித அழைப்பிதழ்

மக்களிடமும் டிஜிட்டல் பண பரிவர்த்தனையை ஊக்குவிக்கும் விதமாக திருமண அழைப்பிதழை ஏடிஎம் கார்டு வடிவில் தற்போது அச்சடிக்கின்றனர். இந்த ஏ.டி.எம் கார்டு வடிவிலான திருமண அழைப்பிதழ்கள் எளிய வகையில் அனைவரும் புரிந்து கொள்ளும் விதத்தில் மணமக்களின் பெயர்கள், கல்யாண தேதி, இடம் ஆகிய விவரங்கள் மட்டும் இடம்பெற்றுள்ளது.

கீரை வகைகள்

கோடைக்காலத்தில் வல்லாரைக்கீரை, பசலைக்கீரை, வெந்தயக்கீரை, சக்கரவர்த்திக்கீரை, கரிசலாங்கன்னிக்கீரை, மனத்தக்காளிக்கீரை, தண்டுக்கீரை, அகத்திக்கீரை ஆகியவற்றையும் மழை மற்றும் பனிக்காலத்தில் கற்பூரவல்லி, அரைக்கீரை, முசுமுசுக்கை, தூதுவளை, புதினா போன்ற கீரைகளை இரவு நேரத்தில் உணவில் சேர்க்கக்கூடாது. அப்படி சேர்த்தால் பிரச்சனைதான்.