பிரதமரை மக்களே தேர்வு செய்ய வேண்டும்: ஹஸாரே

கோண்டா, ஜூலை.30 - நமது நாட்டின் பிரதமரை மக்களே நேரடியாக தேர்வு செய்ய வேண்டும் என்று சமூர சேவகர் அன்னா ஹஸாரே யோசனை தெரிவித்துள்ளார். அவரது ஜன தந்திர யாத்திரையின் ஒரு பகுதியாக உத்தரபிரதேசத்தில் சுற்றுப்பயணம் செய்துவரும் அவர் கோண்டா நகரில் நிருபர்களிடம் கூறியதாவது:

 நமது நாட்டின் பிரதமரை மக்களே நேரடியாக தேர்வு செய்ய வேண்டும். இல்லாவிட்டால் நாட்டுக்கு எந்த நன்மையும் ஏற்படாது. 5  ரூபாய்க்கும், 12 ரூபாய்க்கும் சாப்பாடு கிடைக்கும் என்று சில அமைச்சர்கள் கூறியிருப்பது கொடூரமான நகைச்சுவை. மக்களுக்கு 5 ரூபாய்க்கு சாப்பாடு கிடைக்கும் பட்சத்தில் பல்வேறு  இலவச சலுகைகளைப் பெறும் எம்.பி.க்களின் மாதச் சம்பளம் ஏன் 80 ஆயிரம் ரூபாயாக இருக்க வேண்டும்?. 

எந்த அரசியல் கட்சியுமே வலுவான ஊழல் தடுப்புச் சட்டம் கொண்டுவரத் தயாராக இல்லை என்று ஹஸாரே கூறினார்.