பாகிஸ்தானில் தற்கொலைப் படை தாக்குதல்: 38 பேர் பலி

குவெட்டா,ஆக.10 - பாகிஸ்தானில் நடந்த சவ ஊர்வலத்தில் தீவிரவாதிதள் நடத்திய தற்கொலைப் படை தாக்குதலில் 38 பேர் உடல் சிதறி உயிரிழந்தனர். ரம்ஜான் நோன்பு தொடங்கியதிலிருந்தே பாகிஸ்தானில் நோன்பை சீர்குலைக்கும் வகையில் தீவிரவாதிகள் தொடர்ந்து தற்கொலைப் படை தாக்குதல் நடத்தி வருகின்றனர். ரம்ஜானை முன்னிட்டு சிறப்பு தொழுகைகளும், பிரார்த்தனைகளும் பல்வேறு இடங்களில் நடைபெற்றன.

பழங்குடியினர் அதிகம் வசிக்கும் பலுசிஸ்தான் மாகாணத்தில் குவெட்டா நகர் அருகே சவ ஊர்வலம் நடைபெற்றது. போலீஸ் தலைமையகம் அருகே சென்றபோது தீவிரவாதிகள் தற்கொலைப்படை தாக்குதல் நடத்தினர். இதில் உள்ளூர் இமாம் மகன் உள்பட 38 பேர் உடல் சிதறி உயிரிழந்தனர். 50 பேர் காயமடைந்தனர்.