முக்கிய செய்திகள்
Idhayam Matrimony

ஆட்சி அமைக்க பா.ஜ தயக்கம்: டெல்லியில் ஜனாதிபதி ஆட்சி?

திங்கட்கிழமை, 9 டிசம்பர் 2013      இந்தியா
Image Unavailable

 

புதுடெல்லி,டிச.10 - டெல்லியில் சட்டசபை தேர்தலில் யாருக்கும் தனி மெஜாரிட்டி கிடைக்கவில்லை. இதையடுத்து அங்கு ஆட்சி அமைக்க பாரதிய ஜனதா தயக்கம் காட்டி வருகிறது. இப்படி அங்கு குழுப்பம் நீடிப்பதால் அம்மாநிலத்தில் ஜனாதிபதி ஆட்சி அமுல்படுத்தப்படலாம் என்று எதிர்பார்க்கப்படுகிறது. 

நடந்து முடிந்த 5 மாநில சட்டசபை தேர்தலில் ம.பி.,ராஜஸ்தான், சத்தீஷ்கர் மாநிலங்களில் பா.ஜ.க. அமோக வெற்றிபெற்று ஆட்சி அமைக்க உள்ளது. மிசோரம் மாநிலத்தில் காங்கிரஸ் வெற்றி பெற்றுள்ளது. ஆனால் டெல்லியில்தான் குழப்பம் நீடிக்கிறது. இங்கு 70 தொகுதிகளுக்கு நடந்த தேர்தலில் பா.ஜ.க. மற்றும் அகாலி கூட்டணி 32 இடங்களில் மட்டுமே வெற்றிபெற்றுள்ளது. புதியதாக களம் இறங்கிய கெஜ்ரிவால் கட்சி 28 இடங்களை கைப்பற்றி காங்கிரஸ்,பா.ஜ.க.வுக்கு அதிர்ச்சியை கொடுத்துவிட்டது. ஒரு இடத்தில் சுயேட்சையும் இன்னொரு இடத்தில் ஐக்கிய ஜனதாதளமும் வெற்றிபெற்றுள்ளன. ஆனால் காங்கிரசுக்கு வெறும் 8 இடங்கள் மட்டுமே கிடைத்து படுதோல்வி அடைந்துள்ளது. இதையடுத்து நேற்றுமுன்தினம் 3 முறை முதல்வராக இருந்த ஷீலா தீட்ஷித் ராஜினாமா செய்துவிட்டார். இந்த மாநிலத்தில் எந்தக்கட்சிக்கும் மெஜாரிட்டி கிடைக்காததை தொடர்ந்து அங்கு ஆட்சி அமைப்பதில் சிக்கல் ஏற்பட்டுள்ளது. 28 இடங்களில் வெற்றிபெற்ற கெஜ்ரிவால் கட்சி எதிர்க்கட்சி வரிசையில் அமரப்போவதாக கூறிவிட்டது. மேலும் மறுதேர்தலை சந்திக்க தயாராக இருப்பதாக அறிவித்துவிட்டது. அதிக இடங்களில் வெற்றிபெற்ற கட்சி என்ற அடிப்படையில் பாரதிய ஜனதாவை ஆட்சி அமைக்க கவர்னர் அழைப்பு விடுப்பார் என எதிர்பார்க்கப்படுகிறது. 32 இடங்களை மட்டுமே பிடித்துள்ள பா.ஜ.க.வுக்கு ஒரு சுயேட்சை ஆதரவு தெரிவித்துள்ளார். இதனால் அதன் பலம் 33 ஆக உயர்ந்துள்ளது. இருந்தாலும் பெரும்பான்மைக்கு மொத்தம் 36 இடங்கள் தேவை. அதாவது இன்னும் 3 இடங்கள் தேவை. ஐக்கிய ஜனதாதளத்தை சேர்ந்த முஸ்லீம் உறுப்பினர் பா.ஜ.க.வுக்கு ஆதரவு கொடுக்கமாட்டார் என தெரிகிறது. எனவே மிச்சம் உள்ள இரண்டு கட்சிகளை உடைத்தால்தான் நம்பிக்கை வாக்கெடுப்பில் வெற்றிபெற முடியும். ஆனால் அந்த நடவடிக்கையில் இறங்க பா.ஜ.க. விரும்பவில்லையாம். குதிரை பேரம் நடத்த விருப்பம் இல்லை என்று அக்கட்சியின் முதல்வர் வேட்பாளர் ஹர்ச வர்த்தன் கூறிவிட்டார். இதனால் கவர்னரே அழைத்தாலும் அதை பா.ஜ.க. ஏற்குமா? என்பது சந்தேகம். எனவே ஆட்சி அமைக்க யாரும் முன் வராத நிலையில் டெல்லியில் ஜனாதிபதி ஆட்சி அமுலாவதற்குத்தான் வாய்ப்புகள் ஏராளம் உள்ளன. அநேகமாக பாராளுமன்ற தேர்தலுடன் டெல்லி சட்டசபைக்கு மீண்டும் தேர்தல் நடக்கலாம். 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago