முக்கிய செய்திகள்
Idhayam Matrimony

விடுவிக்கப்பட்ட தமிழக - இலங்கை மீனவர்கள் ஒப்படைப்பு

வியாழக்கிழமை, 16 ஜனவரி 2014      தமிழகம்
Image Unavailable

 

புதுடெல்லி, ஜன, 17 - விடுதலை செய்யப்பட்ட இலங்கை, தமிழக மீனவர்கள் சர்வதேச கடல் எல்லையில் இன்று அவரவர் நாட்டு கடற்படையிடம் ஒப்படைக்கப்படுகிறார்கள்.

இலங்கை சிறையிலிருந்து 52 தமிழக மீனவர்களையும், தமிழகத்திலிருந்து விடுவிக்கப்பட்ட 52 இலங்கை மீனவர்களும் கடந்த திங்கட்கிழமை பரஸ்பரம் விடுதலை செய்யப்பட்டனர்.

புதன்கிழமை சர்வதேச எல்லையில் இரு நாட்டு கடற்படையிடமும் பரஸ்பரம் ஒப்படைக்க திட்டமிடப்பட்டிருந்தது. ஆனால் இலங்கையில் ஏற்பட்டுள்ள காற்றழுத்தத் தாழ்வு நிலை காரணமாக கடல் சீற்றத்துடன் காணப்படுவதால், மறு அறிவிப்பு வரும் வரை தற்காலிகமாக மீனவர்களை ஒப்படைப்பது ஒத்தி வைக்கப்பட்டுள்ளது.

பின்னர் விடுதலை செய்யப்பட்ட 52 தமிழக மீனவர்கள் 'சக்தி' எனும் இலங்கை கடற்படை கப்பல் மூலம் அழைத்து வரப்பட்டு, காரைக்காலில் உள்ள மீன் வளத்துறை அதிகாரிகளிடம் ஒப்படைக்கப்பட உள்ளனர்.

முன்னதாக விடுதலை செய்யப்பட்ட இலங்கை மீனவர்கள் 52 பேரும் புதன்கிழமை மாலை 6 மணியளவில், இந்திய கடலோர பாதுகாப்பு படையிடம், காவல்துறையினர் ஒப்படைத்தனர்.

இலங்கை மீனவர்கள் 52 பேர் இந்திய கடலோர பாதுகாப்பு படை கப்பல் மூலம் அழைத்து செல்லப்பட்டு, இன்று (வியாழக்கிழமை) காலை 11 மணிக்கு இந்திய - இலங்கை சர்வதேச கடல் எல்லையில் சக்தி எனும் இலங்கை கடற்படை கப்பலில் ஒப்படைக்கப்பட்டு பின்னர் தலைமன்னார் சென்றடைவார்கள்.

கடந்த நவம்பர் 20 ஆம் தேதி புதுக்கோட்டை மாவட்டம் ஜெகதாபட்டினம் மற்றும் கோட்டை பட்டினம் பகுதியை சேர்ந்த ஆனந்த், குமரேசன், குரளரசன், முத்தையா ஆனந்த் உள்ளிட்ட 20 மீனவர்கள் கோடியக்கரையிலிருந்து 20 நாட்டிகல் மைல் தொலைவில் தென்கிழக்கே மீன் பிடித்துக் கொண்டிருந்த போதும், அக்டோபர் 15 அன்று காரைக்காலில் இருந்து கடலுக்கு மீன்பிடிச்ச சென்ற அன்பழகன், ஆனந்தவேலு, செல்லத்துறை மற்றும் பொன்னுச்சாமி ஆகிய நான்குபேருக்குச் சொந்தமான 4 விசைப்படகுகளில் 32 மீனவர்கள் இலங்கை திரிகோணமலை பகுதி நீர்பரப்பில் மீன்பிடித்தாகக் கூறி இலங்கை கடற்படையினர் சிறைப்பிடித்து குறிப்பிடத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 6 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago