முக்கிய செய்திகள்
Idhayam Matrimony

பஞ்சாப் அணிக்கு 2-வது வெற்றி: ராஜஸ்தானை நாசமாக்கியது

திங்கட்கிழமை, 21 ஏப்ரல் 2014      விளையாட்டு
Image Unavailable

 

ஷார்ஜா, ஏப்,22 - ஷார்ஜாவில் நடைபெற்ற ஐபில் லீக் போட்டியில் கிங்ஸ் 11 பஞ்சாப் அணி, ராஜஸ்தான் ராயல்ஸ் அணியை 7 விக்கெட்டுகள் வித்தியாசத்தில் வெற்றி கண்டது. 45 பந்துகளில் 89 ரன்கள் எடுத்த மேக்ஸ்வெல் ஆட்டநாயகனாகத் தேர்ந்தெடுக்கப்பட்டார். 

192 ரன்கள் என்ற கடின இலக்கை விரட்டிய பஞ்சாப் அணி இரண்டாவது ஓவரில் நட்சத்திர வீரர் சேவாக்கை இழந்தது. அதற்கடுத்த ஓவரில் சாஹா ஆட்டமிழந்தார். 17 ஓவர்களில் 180 ரன்கள் தேவை என்கிற நிலையில் களமிறங்கிய மேக்ஸ்வெல், தனது வழக்கமான அதிரடி ஆட்டத்தை ஆரம்பித்தார். 

புஜாரா, மேக்ஸ்வெல் பார்ட்னர்ஷிப் 67 பந்துகளில் 116 ரன்களை குவித்தது. மேக்ஸ்வெல் 28 பந்துகளில் அரை சதத்தை அடைந்தார். மற்றொரு முனையில் ஆடிய புஜாரா, ஆட்டமிழக்காமல் நிதானமாக ஆடி, மேக்ஸ்வெல்லுக்கு ஈடு கொடுத்தார். 45 பந்துகளில் 8 பவுண்டரி மற்றும் 6 சிக்ஸர்களோடு 89 ரன்களை விளாசிய மேக்ஸ்வெல், ரிச்சர்ட்சன் பந்தில் ஆட்டமிழந்தார். 

6 ஓவரில் 65 ரன்கள் தேவப்பட நிலையில், மில்லர் களமிறங்கினார். இவரும் தன் பங்கிற்கு ராஜஸ்தான் பந்துவீச்சை வேட்டையாட, 18.4 ஓவர்களில் பஞ்சாப் வெற்றி இலக்கை அடைந்து 7 விக்கெட்டுகள் வித்தியாசத்தில் ராஜஸ்தானை வீழ்த்தியது. மில்லர் 19 பந்துகளில் அரை சதத்தைக் கடந்து ஆட்டமிழக்காமல் இருந்தார். இதில் 6 சிக்ஸர்களும் அடக்கம். நிலைத்து ஆடிய புஜாரா 39 ரன்கள் எடுத்திருந்தார். 

முன்னதாக டாஸ் வென்ற பஞ்சாப் அணி பவுலிங்கைத் தேர்ந்தெடுத்தது. ராஜஸ்தான் அணியின் துவக்க வீரர்கள் அதிரடியாக ஆட முயற்சித்து சோபிக்க முடியாமல், ஆட்டமிழந்தனர். 6-வது ஓவரில் ஜோடி சேர்ந்த வாட்சன், சாம்சன் இணை அதிரடியாக ஆட, அணியின் ஸ்கோர் வேகமாக உயர்ந்தது. 

7 ஓவர்களில் 74 ரன்கள் பார்டனர்ஷிப் சேர்த்த இந்த ஜோடி 13-வது ஓவரில் உடைந்தது. இருந்தாலும் அடுத்தடுத்து வந்த வீரர்கள், தாங்கள் சந்தித்த பந்துகளை பவுண்டரிக்கும் சிக்ஸருக்கும் விரட்ட, 20 ஓவர்களில் ராஜஸ்தான் 5 விக்கெட்டுகளை இழந்து 191 ரன்களை எட்டியது. சாம்சன், வாட்சன் இருவரும் அரை சதம் அடித்தனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 weeks 2 min ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 weeks 12 min ago ஆவாரம்பூவின் மருத்துவ பலன்கள் 3 weeks 25 min ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 5 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 1 day ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.