தேசிய சதுரங்கப்போட்டிக்கு டால்பின் பள்ளி மாணவர் தகுதி

மதுரை,ஜூன்.- 21 - ராஜபாளையத்தில் நடந்த மாநில சதுரங்கப்போட்டியில் வென்ற மதுரை டால்பின் மெட்ரிக் பள்ளி மாணவர்கள் தேசிய போட்டிக்கு தகுதி பெற்றனர்.
தமிழநாடு மாநில சதுரங்க கழகம், விருதுநகர் மாவட்ட சதுரங்க கழகம் சார்பில் ராஜபாளையத்தில் கடந்த 13-ம் தேதி முதல் 18 -ம் தேதி வரை 17 வயது பிரிவினருக்கான மாநில சதுரங்கப்போட்டி நடந்தது. இதில் மதுரை டால்பின் மெட்ரிக்பள்ளி பிளஸ் -1 மாணவர் மணிகண்டன்,  6 -ம் வகுப்பு மாணவர் அரவிந்த்சிதம்ரபரம் ஆகியோர்  பங்கேற்றனர். மணிகண்டன் 9 சுற்றுகளில் ஏழரை புள்ளிகளுடன் முதலிடம் பெற்று கோப்பை வென்றார். கடந்தாண்டும் இவர் முதலிடம் பெற்றார். என்பது குறிப்பிடத்தக்கது. அரவிந்த்சிதம்பரம் 9 சுற்றுகளில் 7 புள்ளிகள் பெற்று இரண்டாம் இடம் வென்று சாதனை படைத்தார்.  இருவரும் தேசிய சதுரகப்போட்டிக்கு தகுதி பெற்றனர். சாதித்த மாணவர்களையும் பயிற்சி அளித்த தலைமைப்பயிற்சியாளர் திருநாகலிங்கம், சிறப்பு பயிற்சியாளர்கள் கவுஸ்கமாருதீன் ஆகியோரை பள்ளி தாளாளர் ராமநாதன், முதல்வர் பத்மா பாராட்டினர்.