முக்கிய செய்திகள்
Idhayam Matrimony

இலங்கை கடற்படையினரால் மீனவர்கள் விரட்டியடிப்பு

திங்கட்கிழமை, 27 ஜூன் 2011      தமிழகம்
Image Unavailable

ராமேஸ்வரம், ஜூன்.27 - ராமேஸ்வரம் மீனவர்களை இலங்கை கடற்படையினர் மீண்டும் விரட்டியடித்தனர். கடந்த 20 -ம் தேதி ராமேஸ்வரம் மீனவர்கள் 500-க்கும் மேற்பட்ட படகுகளில் 1500 மீனவர்கள் மீன்பிடிக்க சென்றனர். அப்போது நடுக்கடலில் மீனவர்கள் மீன் பிடித்துக்கொண்டு இருந்தனர். அப்போது இலங்கை கடற்படையினர் விரைந்து வந்து எல்லை மீறி மீன்பிடிப்பதாக கூறி 23 மீனவர்களை படகுகளுடன் சிறைபிடித்து சென்று விட்டனர். பின்னர் அவர்கள் கோர்ட்டில் ஆஜர்படுத்தப்பட்டு சிறையில் அடைக்கப்பட்டனர். இச்சம்பவத்தை கண்டித்து மீனவர்கள் வேலைநிறுத்த போராட்டத்தில் ஈடுபட்டனர். இதையடுத்து மாவட்ட கலெக்டர் மூலம் தமிழக முதல்வர் ஜெயலலிதாவிடம் எடுத்து கூறி மீனவர்களை விடுவிக்க நடவடிக்கை எடுக்கப்படும் என்று அறிவிக்கப்பட்டது. இதனால் மீனவர்கள் போராட்டத்தை கைவிட்டு மீன்பிடிக்க கடலுக்கு செல்வதாகவும் கூறினர். 

இந்நிலையில் நேற்றுமுன்தினம் 700 படகுகளில் ஆயிரக்கணக்கான மீனவர்கள் கடலுக்கு மீன்பிடிக்க சென்றனர். நள்ளிரவில் சச்சத்தீவு அருகே மீனவர்கள் வலையை விரித்து மீனுக்காக காத்திருந்தனர். அப்போது இலங்கை கடற்படை வீரர்கள் 5 ரோந்து கப்பல்களில் வந்தனர். அவர்கள் ஒலி பொருக்கி மூலம் இங்கு மீன் பிடிக்க கூடாது உடனே புறப்பட்டு செல்லுங்கள் என்று எச்சரித்தனர். மேலும் அவர்கள் தமிழக மீனவர்களை விரட்டியடித்தனர். இதனால் 1500 -க்கும் மேற்பட்ட மீனவர்கள் நேற்று அதிகாலை பாதியிலேயே கரை திரும்பினர்.  

இதுகுறித்து மீனவர்கள் கூறுகையில்; கச்சத்தீவு அருகே மீன்பிடித்துக்கொண்டு இருந்த போது இலங்கை கடற்படை வீரர்கள் எங்களை விரட்டியடித்தனர்.  அப்போது அவர்கள் இங்கு மீன் பிடித்தால் வலைகளை பிடுங்கி விடுவோம் என்று கூறினர். இதனால் பயந்துபோன நாங்கள் பாதியிலேயே கரை திரும்பி விட்டோம் என்று கூறினர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 2 weeks 5 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 2 weeks 5 days ago ஆவாரம்பூவின் மருத்துவ பலன்கள் 2 weeks 5 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 1 week ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 3 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 4 weeks ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.