முக்கிய செய்திகள்
Idhayam Matrimony

உணவுப் பாதுகாப்பு மசோதா மாற்றங்களுக்கு ஒப்புதல்

வெள்ளிக்கிழமை, 18 நவம்பர் 2011      இந்தியா
Image Unavailable

புதுடெல்லி, நவ.18 - உத்தேசமாக வடிவமைக்கப்பட்டுள்ள உணவுப் பாதுகாப்பு மசோதாவில் செய்யப்பட்டுள்ள மாற்றங்களுக்கு மத்திய நிதி அமைச்சர் பிரணாப் முகர்ஜி ஒப்புதல் வழங்கியுள்ளார்.  மத்திய உணவுத் துறை அமைச்சர் கே.வி.தாமஸ் டெல்லியில் செய்தியாளர்களுக்கு பேட்டியளித்தார். அப்போது அவர் கூறுகையில், மத்திய அரசு கொண்டுவந்துள்ள உணவுப் பாதுகாப்பு மசோதாவில் சில மாற்றங்கள் கொண்டுவரப்பட்டுள்ளன என்றார். உணவுப் பொருள் விவகாரங்களுக்கான மத்திய அமைச்சர்கள் குழு கூட்டம் அதன் தலைவரும் மத்திய நிதி அமைச்சருமான பிரணாப் முகர்ஜி தலைமையில் நடைபெற்றது. இந்த கூட்டத்தில் உணவுப் பாதுகாப்பு மசோதாவில் செய்யப்பட்டுள்ள மாற்றங்களுக்கு பிரணாப் முகர்ஜி தனது ஒப்புதலை வழங்கியுள்ளார் என்று தாமஸ் தெரிவித்தார். இந்த ஒப்புதல் பெற்ற நகல் மசோதா இதர அமைச்சகங்களின் கருத்து பரிமாற்றத்திற்காக அனுப்பி வைக்கப்படும் என்றும் அவர் கூறினார்.
கடந்த ஜூலை மாதம் கூடிய உணவுப் பொருள் விவகாரங்களுக்கான மத்திய அமைச்சரவை குழு தேசிய உணவு பாதுகாப்பு மசோதாவுக்கு அங்கீகாரம் வழங்கியது. இந்த மசோதாவில் இப்போது சில மாற்றங்கள் செய்யப்பட்டுள்ளது. நாட்டின் கிராமப்புறங்களில் உள்ள 75 சதவீத மக்களுக்கும் நகர்ப்புறங்களில் உள்ள 50 சதவீதம் மக்களுக்கும் உணவுப் பாதுகாப்பை உறுதி செய்யவே இந்த தேசிய உணவு பாதுகாப்பு மசோதா கொண்டுவரப்பட்டுள்ளது. குழந்தைகளுக்கு ஊட்டச்சத்து மிகுந்த உணவுகளை அளிப்பது, பெண்கள், அனாதைகள், முதியோருக்கு 3 கிலோவுக்கும் கூடுதலாக மானிய விலையில் உணவு தானியங்களை வழங்குவது உள்ளிட்ட சில முக்கிய மாற்றங்கள் அந்த மசோதாவில் செய்யப்பட்டுள்ளன. இந்த மசோதா விரைவில் பாராளுமன்றத்தில் தாக்கல் செய்யப்பட்டு நிறைவேற்றப்படும் என்றும் கே.வி.தாமஸ் தெரிவித்தார். இந்த புதிய உணவுப் பாதுகாப்பு திட்டத்தை அமுல்படுத்துவதன் மூலம் மத்திய அரசுக்கு ஆண்டுக்கு ஒரு லட்சம் கோடி ரூபாய் செலவு பிடிக்கும் என்றும் தாமஸ் தெரிவித்தார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 6 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago