எண்ணெய் மற்றும் இயற்கை எரிவாயுக் கழகத்தில் உள்ள 'கணினி ஆபரேட்டர் மற்றும் நிரலாக்க உதவியாளர்' பணிகளுக்கு காலியிடங்கள் உள்ளதாக அறிவிப்பு வெளியாகியுள்ளது.
சென்னை, நவ.- 21 - கருணாநிதியின் சாத்தான் வேதம் ஓதுவதுபோல் அரசியல் ஆதாயத்திற்காக அறிக்கை விடுபவர்களை நம்பாமல் மக்கள் ஒத்துழைப்பு தரவேண்டும் என்று முதல்வர் ஜெயலலிதா வேண்டுகோள் விடுத்துள்ளார். இது குறித்து முதல்வர் ஜெயலலிதா விடுத்துள்ள அறிக்கை வருமாறு:- பொது மக்களின் பயன்பாட்டிற்காக ஏற்படுத்தப்பட்டு திவாலாகும் சூழ்நிலையில் உள்ள தமிழ்நாடு மின்சார வாரியம், அரசு போக்குவரத்துக் கழகங்கள் மற்றும் ஆவின் நிறுவனம் ஆகிய பொதுத் துறை நிறுவனங்களை உயர்ப்பிப்பதற்கும், இந்த நிறுவனங்கள் மக்களுக்கு தொடர்ந்து தங்களது சேவையை ஆற்றிடுவதற்கான வழிவகை குறித்தும் 17.11.2011 அன்று நடைபெற்ற அமைச்சரவைக் கூட்டத்தில் விவாதிக்கப்பட்டு, கட்டண உயர்வுகள் பற்றி முடிவுகள் எடுக்கப்பட்டன. இதனையடுத்து, இந்த முடிவுகள் எடுக்கப்பட்டதற்கான காரணங்களை அன்றே தொலைக்காட்சி மூலம் நான் எடுத்துரைத்ததோடு மட்டுமல்லாமல், அரசின் இந்த நடவடிக்கைக்கு ஆதரவினை நல்கிட வேண்டும் என்று மக்களுக்கு வேண்டுகோளும் விடுத்திருந்தேன். இந்த கட்டண உயர்வுகளை கண்டித்து, பல்வேறு எதிர்க்கட்சிகளை சேர்ந்த தலைவர்கள் அறிக்கைகள் விடுத்துள்ளனர். அ.தி.மு.க தலைமையிலான கூட்டணியில் அங்கம் வகித்து சட்டமன்ற தேர்தலை சந்தித்த கட்சிகளின் தலைவர்கள் கூட இந்தக் கட்டண உயர்வுகளுக்கு தங்கள் கண்டனத்தை தெரிவித்துக் கொண்டு, அவற்றை திரும்பப் பெற வேண்டும் என்று கோரிக்கை விடுத்துள்ளனர். மக்கள் நலனை விடுத்து வேறு பல காரணங்களுக்காக பல்வேறு முடிவுகளை முந்தைய மைனாரிட்டி தி.மு.க. அரசு எடுத்த காரணத்தால் தான், எதிர்கட்சி என்ற அந்தஸ்தைக் கூட வழங்காமல், சட்டமன்ற தேர்தலில் மக்கள் தி.மு.க.வை முற்றிலும் புறக்கணித்துவிட்டனர். இவ்வாறு புறக்கணிக்கப்பட்டதற்கு, பொதுத் துறை நிறுவனங்களை முந்தைய தி.மு.க. அரசு சீரழித்ததும் ஒரு காரணம். இது போன்ற கடினமான முடிவை எடுக்க வேண்டிய சூழ்நிலைக்கு எனது தலைமையிலான அரசை ஆளாக்கிவிட்டு, தாங்கள் தான் மக்களை பாதுகாப்பதைப் போல nullநீலிக்கண்ணீர் வடிக்கும் கருணாநிதியின் செயல் சாத்தான் வேதம் ஓதுவது போல் உள்ளது. 17.11.2011 அன்று தமிழக அரசின் இந்த முடிவுகளைப் பற்றி பத்திரிக்கையாளர்கள் கேட்ட போது, எவ்வளவு உயர்த்தியிருக்கிறார்கள், என்ன காரணத்திற்காக உயர்த்தியிருக்கிறார்கள் என்ற காரணங்களையெல்லாம் தெரிந்து கொண்டு தி.மு.க தனது கருத்தை அறிவிக்கும் என்பது தான் கருணாநிதியின் முதல் எதிர்த் தாக்குதலாக இருந்தது. அரசு பொது நிறுவனங்கள் எல்லாம் நஷ்டத்தில் இயங்கக் காரணம் கடந்த கால தி.மு.க ஆட்சி தான் என்று தமிழ்நாடு முதலமைச்சர் குறிப்பிட்டிருக்கிறாரே என்ற கேள்விக்கு, இதைப் பொதுமக்கள் தீர்ப்புக்கு விட்டுவிடுகிறேன் என்று பதில் அளித்துள்ளார் கருணாநிதி. இந்தப் பதிலிலிருந்து, பொதுத் துறை நிறுவனங்களை சீரழித்து, இந்தக் கட்டண உயர்வுக்கு வழி வகுத்தது முந்தைய மைனாரிட்டி தி.மு.க. அரசு தான் என்பதை மறைமுகமாக ஒப்புக் கொண்டு இருக்கிறார் கருணாநிதி.
இதனையடுத்து, நேற்று வெளியிட்ட அறிக்கையில் பொதுத் துறை நிறுவனங்களுக்கு கடன் சுமை இருப்பது உண்மை தான் என்ற போதிலும், அந்தச் சுமையை ஏழை எளிய பொதுமக்கள் தலையிலே சுமத்தக் கூடாது என்பதற்காகத் தான் இந்தக் கட்டணங்களையெல்லாம் அதிகப்படுத்தவில்லை..... அதிகாரிகள் நிறுவனங்களுக்கு உள்ள கடன் சுமையைக் குறைக்க இந்தக் கட்டணங்களை எல்லாம் அதிகப்படுத்த வேண்டும் என்று என்னிடமும் கூறுவார்கள். அரசு கடன் பெற்றாவது மக்களுக்கு கெடுதல் வராமல் பாதுகாப்போம் என்று தான் கூறி இருக்கிறேன் என்றும், கட்டணங்களை உயர்த்தினால் சாதாரண ஏழை நடுத்தர மக்கள், மாதச் சம்பளத்தில் திட்டமிட்டு குடும்பம் நடத்துவோர் எப்படி இவ்வளவு செலவுகளை சமாளிக்க முடியும்? என்றும் நீnullலிக்கண்ணீர் வடித்திருக்கிறார் கருணாநிதி.
மின்சார வாரியம் என்றாலும், அரசு போக்குவரத்துக் கழகங்கள் என்றாலும், ஆவின் நிறுவனம் என்றாலும், அனைத்து பொதுத் துறை நிறுவனங்களையும் மிகுந்த நஷ்டத்திற்கு உள்ளாக்கி அவற்றை செயலிழக்கச் செய்த பெருமை முந்தைய மைனாரிட்டி தி.மு.க அரசையும், முன்னாள் முதலமைச்சர் கருணாநிதியையுமே சாரும். அரசு அதிகாரிகள், கட்டணங்களை உயர்த்த இவரிடம் கேட்டுக் கொண்டது போலவும், ஆனால் மக்களுக்காக இவர் உயர்த்த வேண்டாம் என்று கூறி அரசு கடன் வாங்கி இந்த நிறுவனங்களுக்கு வழங்கலாம் என்று தான் கூறியதைப் போலவும் ஒரு புளுகு முட்டையை அவிழ்த்து விட்டிருக்கிறார் கருணாநிதி.
அரசு கடன் பெற்று, அந்தக் கடனிலிருந்து தமிழ்நாடு மின்சார வாரியம், போக்குவரத்துக் கழகங்கள் மற்றும் ஆவின் ஆகிய நிறுவனங்களுக்கு வழங்கியிருந்தால், அந்த நிறுவனங்கள் எவ்வாறு இது போன்ற ஒரு மீள முடியாத கடன் சுமையில், கடன் சுழலில் சிக்கி இருக்கும்? அரசு பெற்றக் கடனிலிருந்து தானே தங்களுக்கு மட்டும் பயன் உள்ள, மக்களுக்கு எந்தவிதப் பயனும் விளைவிக்காத இலவசத் திட்டங்களுக்கு செலவிடப்பட்டது? பின்னர் அரசு எங்கிருந்து இந்த நிறுவனங்களுக்கு கடன் வழங்க இயலும்? பொதுத் துறை நிறுவனங்களை முற்றிலும் முடங்கச் செய்துவிட்டு, அவற்றை மரணப் படுக்கையில் தள்ளி விட்டு, இன்று வேறு வழியின்றி கட்டண உயர்வுகள் செயல்படுத்தப்படும் போது மக்களுக்காக பரிந்து பேசுவது போல பாசாங்கு செய்வது குழந்தையையும் கிள்ளிவிட்டு, தொட்டிலையும் ஆட்டி விடுவது போல் உள்ளது.
இது முதலைக் கண்ணீர் தான் என்பதை தமிழக மக்கள் நன்கு அறிவார்கள். இது போன்ற அறிக்கைகளால், தமிழக மக்கள் ஒன்றும் ஏமாந்துவிட மாட்டார்கள். பொதுத் துறை நிறுவனங்களை முடக்கிய கருணாநிதிக்கு இது போன்ற ஒரு கண்டன அறிக்கையை வெளியிட எந்தவிதமான தார்மீக உரிமையும் இல்லை.
அ.தி.மு.க தலைமையிலான கூட்டணியில் கடந்த ஏப்ரல் மாதம் சட்டமன்ற தேர்தலைச் சந்தித்து, தற்போது தமிழக சட்டப் பேரவையில் எதிர்க்கட்சிகளாக உள்ள கட்சிகளின் தலைவர்களில் பெரும்பாலானோர், சட்டமன்றத் தேர்தலுக்கு முன்னால், என்னைச் சந்தித்து பல்வேறு விஷயங்கள் குறித்து பேசினர். அப்போது, தமிழ்நாட்டின் மோசமான நிதிநிலை குறித்தும், மைனாரிட்டி தி.மு.க அரசின் நிர்வாக சீர்கேடுகள் குறித்தும், பொது மக்கள் நலனை எண்ணிப் பாராத செயல்பாடுகள் குறித்தும் என்னிடம் கவலை தெரிவித்தனர். இவற்றையெல்லாம் சரிசெய்ய வேண்டும் என்றும், நான் முதலமைச்சாராக பொறுப்பேற்றுக் கொண்ட பின்னால் தான் இவற்றையெல்லாம் சரி செய்ய முடியும் என்றும், கடினமான முடிவுகளை, தைரியமாக, என்னால் தான் எடுக்க முடியும் என்றும் கூறினர்.
அப்போது அவ்வாறு கூறிவிட்டு, தற்போது அறிவிக்கப்பட்டுள்ள இந்த கட்டண உயர்வுகளுக்கு கண்டன அறிக்கைகளை விடுவது சரியான செயல் தானா? என்பதை அவர்கள் மனசாட்சியிடமே விட்டு விடுகிறேன். முன்பு, தமிழ்நாட்டின் நிதிநிலை குறித்தும், பொதுத் துறை நிறுவனங்களின் நிலை குறித்தும் கவலை தெரிவித்தவர்கள், தற்போது கண்டனம் தெரிவிப்பது இரட்டை வேடம் தானே! தமிழ்நாடு மின்சார வாரியம், அரசு போக்குவரத்துக் கழகங்கள் மற்றும் ஆவின் நிறுவனத்தின் தற்போதைய உண்மை நிலை என்ன என்று எதிர்கட்சித் தலைவர்கள் எல்லோருக்கும் தெரியும்.
இன்றைய அரசியல் காரணங்களுக்காக இவ்வாறு கண்டனம் தெரிவிப்பது சரிதானா என்பதை அவர்கள் எண்ணிப்பார்க்க வேண்டும். அரசியல் காரணங்களை விட, நாட்டின் நலன், நாட்டு மக்களின் நலன் முக்கியமானது என்பதை அவர்கள் சிந்தித்துப் பார்க்க வேண்டும். இதனைக் கருத்தில் கொண்டு உங்கள் கண்டனங்களை தெரிவிக்க முற்படுங்கள் என்று எதிர்க்கட்சித் தலைவர்களை நான் கேட்டுக் கொள்கிறேன்.
2006 ஆம் ஆண்டு வரை லாபம் ஈட்டி வந்த பால் கூட்டுறவுச் சங்கங்கள் கடந்த சில ஆண்டுகளாக நஷ்டத்தை சந்தித்து வருகின்றன. ஆவின் நிறுவனம் கொள்முதல் செய்த பாலுக்கு 45 நாட்கள் கழித்தும் பணம் கொடுக்க முடியாத நிலை உள்ளது. தமிழகத்தில் நாள் ஒன்றுக்கு உற்பத்தி செய்யப்படும் 150 லட்சம் லிட்டர் பாலில் 22 லட்சம் லிட்டர் பால் கூட ஆவின் நிறுவனத்தால் கொள்முதல் செய்ய இயலவில்லை. அவ்வாறு கொள்முதல் செய்யப்படும் பாலுக்கான உரிய விலையை 45 நாட்களுக்கு மேலாகியும் பால் உற்பத்தியாளர்களுக்கு தராமல் நிலுவையில் வைத்திருந்தால், அவர்கள் ஆவின் நிறுவனத்திற்கு எவ்வாறு பால் வழங்க இயலும்? பால் உற்பத்தியாளர்களுக்கு காலதாமதமாக பணம் வழங்கப்படுவதைப் பற்றி முந்தைய தி.மு.க அரசு எந்தவித அக்கறையும் கொள்ளவில்லை.
பால் உற்பத்தியாளர்களுக்கு கொள்முதல் விலையை குறைவாக, அதிலும் தாமதமாக அளிப்பது எந்தவிதத்தில் நியாயம்? எனது தலைமையிலான அரசு பொறுப்பேற்ற பின்னர், பால் உற்பத்தியாளர்களுக்கு பணம் பட்டுவாடா செய்வதற்காக சுமார் 100 கோடி ரூபாய் அளவிற்கு நிதி உதவி அளித்துள்ளது. இது தவிர, வெளிச் சந்தையில் விற்கப்படும் பாலின் விலைக்கும் ஆவின் பாலின் விலைக்கும் மிகுந்த வேறுபாடு இருப்பதால், இடைத் தரகர்களுக்கும், கள்ளச் சந்தைதாரர்களுக்கும் இதில் பெரும் பயன் சென்றுவிடுவதை எவ்வாறு ஏற்றுக் கொள்ள இயலும்? ஆவின் பால் விலையை உயர்த்தி உள்ளதன் மூலம் தான் பால் உற்பத்தி செய்யும் விவசாயிகளுக்கு நியாயமான விலையை, உரிய நேரத்தில் வழங்க இயலும்.
மேலும், ஆவின் நிறுவனம் திறம்பட மக்கள் சேவையாற்ற வழி வகுக்கும். இந்த விலையேற்றத்தை தற்போது மேற்கொள்ளவில்லை எனில் வெகு விரைவிலேயே ஆவின் நிறுவனத்தை மூட வேண்டிய நிலைதான் ஏற்படும். அப்படிப்பட்ட நிலைமை ஏற்பட்டால், அரசுத் துறையின் போட்டி ஏதும் இல்லாமல் தனியார் தங்கள் விருப்பப்படி பால் விலையை நிர்ணயிக்க வழி ஏற்பட்டுவிடும். அதனால் பொதுமக்களுக்கு, அதிலும், குறிப்பாக ஏழை எளிய, சாமான்ய, மாதச் சம்பளதாரர்கள் தான் மிகுந்த சிரமத்திற்கு உள்ளாவார்கள். எனவே தான் ஆவின் நிறுவனம் முற்றிலும் முடங்கிப் போய் விடாமல் காப்பாற்றுவதற்காக இந்த அவசியமான விலை உயர்வினை மேற்கொள்ள வேண்டிய சூழ்நிலையில் இந்த முடிவு எடுக்கப்பட்டது.
அதே போன்று தான் அரசுப் போக்குவரத்துக் கழகங்களின் செயல்பாடுகளும் முடங்கிப் போகும் நிலையில் உள்ளன. டீசலின் விலையை மத்திய அரசு உயர்த்திக் கொண்டே வருகிறது. நான் ஏற்கெனவே எனது உரையில் குறிப்பிட்டதைப் போல 2001-ஆம் ஆண்டு 18 ரூபாய் 26 காசுகள் என்று இருந்த டீசல் விலையை தற்போது 43 ரூபாய் 95 காசுகள் என்ற அளவிற்கு மத்திய அரசு உயர்த்திவிட்டது. மத்திய அரசின் பொருளாதாரக் கொள்கையினால் டயர், டியூப் உட்பட பல்வேறு உதிரிப் பாகங்களின் விலையும் பன்மடங்கு உயர்ந்துவிட்டன. தொழிலாளர்களின் ஊதியமும் உயர்ந்து விட்டது. கடந்த நிதியாண்டின் இறுதியில் அரசுப் போக்குவரத்துக் கழகங்களின் ஒட்டு மொத்த இழப்பு 6,150 கோடி ரூபாய் என்ற அளவில் போக்குவரத்துக் கழகங்கள் திவாலாகும் நிலையில் உள்ளன.
இந்த நிலையில் எனது தலைமையிலான தமிழக அரசு போக்குவரத்து கழகங்களுக்கு ஒவ்வொரு மாதமும் 60 கோடி ரூபாய் நிதி உதவி அளித்து வருகிறது. போக்குவரத்துக் கழகங்களின் தற்போதைய நிலைமையை மாற்றுவதற்கு கட்டண உயர்வைத் தவிர வேறு வழி எதுவும் இல்லை. இந்த நடவடிக்கை இப்போது எடுக்காமல் விட்டுவிட்டால், அரசு போக்குவரத்துக் கழகங்களே இல்லாத நிலைமைதான் ஏற்பட்டு விடும். அத்தகைய நிலைமை ஏற்பட்டால் தனியார் மட்டுமே பஸ்களை இயக்குவார்கள். 17.11.2011 அன்று அமைச்சரவைக் கூட்டத்தில் கட்டண உயர்வுகளுக்கு ஒப்புதல் அளித்து எடுக்கப்பட்ட முடிவுகள், முந்தைய மைனாரிட்டி தி.மு.க. அரசின் மோசமான செயல்பாடுகளால், வேறு வழி ஏதும் இல்லாமல், மன வருத்தத்துடன் எடுக்கப்பட்ட முடிவுகள் தான்.
அரசு பொதுத் துறை நிறுவனங்களின் சேவைகள் மக்களுக்கு தொடர்ந்து கிடைத்திட வேண்டும் என்ற நோக்கத்தில் எடுக்கப்பட்ட முடிவுகள். முந்தைய தி.மு.க அரசின் நடவடிக்கைகளால் முடங்கிப் போகும் அளவுக்கு தள்ளப்பட்ட பொதுத் துறை நிறுவனங்களை காப்பாற்ற மத்திய அரசும் எந்தவித உதவியையும் வழங்காத நிலையில், அந்த நிறுவனங்கள் முற்றிலும் செயலற்றுப் போகாமல் காப்பாற்ற இந்த கட்டண உயர்வைத் தவிர வேறு வழியே இல்லை என்ற நிலையில் தான் இந்த முடிவுகளை அரசு எடுத்துள்ளது.
இதனை பொதுமக்கள் நன்கு உணர்ந்து அரசியல் ஆதாயத்திற்காக அறிக்கை விடுபவர்களின் பசப்பு வார்த்தைகளில் மயங்காமல், அவர்கள் விரிக்கும் மாய வலையில் விழாமல், எனது தலைமையிலான அரசுக்கு தங்களது முழு ஒத்துழைப்பினையும், ஆதரவினையும் தொடர்ந்து அளிக்க வேண்டும் என்று தமிழக மக்களை மீண்டும் அன்புடன் கேட்டுக் கொள்கிறேன்.
இவ்வாறு முதலமைச்சர் ஜெயலலிதா அந்த அறிக்கையில் கூறியிருகிறார்
இதை ஷேர் செய்திடுங்கள்:
சித்த மருத்துவ குறிப்புக்கள்
வீடியோ
அரசியல்
இந்தியா
சினிமா
ஆன்மிகம்
தமிழகம்
உலகம்
விளையாட்டு
கிட்சன் சமையல் - ருசித்து பாருங்க!!
க்ரஞ்சி சிக்கன் ஸ்டிக்ஸ்3 days 6 hours ago |
சூப்பர் சாஃப்ட் இட்லி6 days 10 min ago |
உருளைக்கிழங்கு முட்டை ரெசிபி1 week 2 days ago |
-
சென்னைக்கு குடிநீர் ஆதரமாக இருக்கும் வீராணம் ஏரி வறண்டது
22 Apr 2024கடலூர் : கடலூர் மாவட்டத்தில் உள்ள மிகப்பெரிய வீராணம் ஏரி வறண்டு காணப்படுகிறது.
-
கள்ளழகர் ஆற்றில் இறங்கும் நிகழ்ச்சி: 2,400 வி.ஐ.பி.களுக்கு மட்டும் பாஸ் வழங்க வேண்டும்: ஐகோர்ட் கிளை
22 Apr 2024மதுரை : மதுரை வைகை ஆற்றில் கள்ளழகர் இறங்கும் நிகழ்வில் 'விஐபிகளுக்கு 2400 பாஸ் மட்டுமே வழங்க வேண்டும்; ஒரு பாஸ்க்கு ஒருவர் மட்டுமே என ஆற்றுக்குள் 2,400 பேர் மட்டுமே அனு
-
ஆந்திர சட்டசபை தேர்தல்: வேட்பாளர் பட்டியலை வெளியிட்டது காங்கிரஸ்
22 Apr 2024ஐதராபாத் : ஆந்திரப் பிரதேசத்தில் அடுத்த மாதம் நிகழவுள்ள சட்டப்பேரவைத் தேர்தலில் போட்டியிடும் 38 வேட்பாளர்களை காங்கிரஸ் நேற்று அறிவித்துள்ளது.
-
கேண்டிடேட்ஸ் செஸ் போட்டியில் வெற்றி: உலக சாம்பியன்ஷிப் தொடருக்கு முன்னேறிய தமிழக வீரர் குகேஷ்
22 Apr 2024ஒட்டோவா : கேண்டிடேட்ஸ் செஸ் தொடரின் 14-வது சுற்றில் இந்திய கிராண்ட்மாஸ்டரான டி.குகேஷ் அபார வெற்றி பெற்றுள்ளார்.
-
விராட் கோலிக்கு அபராதம்
22 Apr 2024ஐ.பி.எல். தொடரில் பெங்களூரு அணியை 1 ரன் வித்தியாசத்தில் வீழ்த்தி கொல்கத்தா வெற்றி பெற்றது.
-
நடிகர் ரஜினி பட தலைப்பு அறிவிப்பு
22 Apr 2024சென்னை : ஜெயிலர் பட வெற்றியைத் தொடர்ந்து நடிகர் ரஜினிகாந்த்தின் 171வது படத்திலும் சன் பிக்சர்ஸ் மீண்டும் இணைகிறது.
-
இன்டியா கூட்டணி வென்றால் முழு ஆதரவு வழங்குவோம் : மேற்கு வங்க முதல்வர் மம்தா அறிவிப்பு
22 Apr 2024கொல்கத்தா : இன்டியா கூட்டணி வென்று மத்தியில் ஆட்சிக்கு வந்தால் முழு ஆதரவு தருவோம் என மேற்கு வங்க முதல்வர் மம்தா பானர்ஜி தெரிவித்துள்ளார்.
-
பஞ்சாப்பை வீழ்த்தியது குஜராத்
22 Apr 2024சண்டிகர் : பஞ்சாப் கிங்ஸ் அணியை 3 விக்கெட்கள் வித்தியாசத்தில் குஜராத் டைட்டன்ஸ் அணி வெற்றிபெற்றது.
-
கர்நாடகாவில் 2-ம் கட்ட தேர்தல்: வேட்புமனுக்களை வாபஸ் பெற அவகாசம் முடிந்தது
22 Apr 2024பெங்களூரு : கர்நாடகாவில் 2-ம் கட்ட தேர்தலுக்கான வேட்புமனுக்களை வாபஸ் பெற கால அவகாசம் நேற்றுடன் முடிந்தது.
-
பாலியல் பலாத்காரத்துக்கு ஆளான 14 வயது சிறுமியின் 30 வார கருவை கலைக்க சுப்ரீம் கோர்ட் அனுமதி
22 Apr 2024புதுடில்லி : பாலியல் பலாத்காரத்துக்கு ஆளான 14 வயது சிறுமியின் 30 வார கருவை கலைக்க சுப்ரீம் கோர்ட் அனுமதி அளித்து உத்தரவிட்டது.
-
பெங்களூரு, பஞ்சாப் அணி கேப்டன்களுக்கு அபராதம் : ஐ.பி.எல். நிர்வாகம் நடவடிக்கை
22 Apr 2024மும்பை : பெங்களூரு அணி கேப்டன் டு பிளெஸ்சிஸ், பஞ்சாப் அணி கேப்டன் சாம் கர்ரனுக்கு அபராதம் விதித்துள்ளது ஐ.பி.எல். நிர்வாகம்.
-
5 நாள் பயணமாக சீனா சென்றார் நவாஸ் ஷெரீப்
23 Apr 2024இஸ்லாமாபாத், 5 நாள் பயணமாக சீனா சென்றார் நவாஸ் ஷெரீப்.
-
வட தமிழக உள் மாவட்டங்களுக்கு இன்றும் வெப்ப அலை எச்சரிக்கை
23 Apr 2024சென்னை, தமிழகத்தின் உள் மாவட்டங்களில் 4 டிகிரி செல்சியஸ் வரை வெப்பம் அதிகரிக்கும் என சென்னை வானிலை ஆய்வு மையம் தெரிவித்துள்ளது.
-
மீண்டும் நிலநடுக்கம்: தைவானில் அடுத்தடுத்து பல முறை அதிர்ந்ததால் பொதுமக்கள் அதிர்ச்சி
23 Apr 2024தைபே, தைவானின் கிழக்குப் பகுதியான ஹுவாலினில் நேற்று (செவ்வாய்க்கிழமை) அதிகாலை நிலநடுக்கம் ஏற்பட்டது.
-
சமுதாயத்தை தழைக்க செய்யும் கொடை புத்தகங்கள்: உலக புத்தக தினத்தை முன்னிட்டு முதல்வர் மு.க.ஸ்டாலின் பதிவு
23 Apr 2024சென்னை, ‘புத்தகங்கள் மனிதச் சமுதாயத்தைத் தழைக்கச் செய்யும் கொடை’ என உலக புத்தக தினத்தை முன்னிட்டு முதல்வர் மு.க.ஸ்டாலின் தனது எக்ஸ் தள பக்கத்தில் பதிவிட்டுள
-
குலுங்கியது மதுரை மாநகர்: பச்சைப் பட்டு உடுத்தி வைகை ஆற்றில் இறங்கினார் கள்ளழகர்: லட்சக்கணக்கான பக்தர்கர் திரண்டு சாமி தரிசனம்
23 Apr 2024மதுரை, சித்ரா பவுர்ணமியாம் நேற்று பச்சை பட்டு உடுத்தி கள்ளழகர் வைகை ஆற்றில் இறங்கினார்.
-
தமிழ்நாட்டில் குமரி, தேனி உள்ளிட்ட 13 மாவட்டங்களில் பறக்கும் படை சோதனை தொடரும்: தலைமைத் தேர்தல் அதிகாரி சாகு தகவல்
23 Apr 2024சென்னை, தமிழ்நாட்டில் 13 மாவட்டங்களில் மட்டும் 24 மணி நேரமும் தேர்தல் பறக்கும் படை சோதனை தொடரும் என தலைமைத் தேர்தல் அதிகாரி சத்யபிரத சாகு தெரிவித்தார்.
-
சட்டவிரோதமாக நுழைந்தவர்களை நாடு கடத்தும் புதிய மசோதா இங்கிலாந்தில் நிறைவேற்றம்
23 Apr 2024லண்டன், சட்டவிரோதமாக நுழைந்தவர்களை ருவாண்டாவுக்கு நாடு கடத்தும் புதிய மசோதா நிறைவேற்றம் இங்கிலாந்தில் நிறைவேற்றப்பட்டுள்ளது.
-
காதலியை கொன்ற வழக்கு: சிங்கப்பூரில் இந்திய வம்சாவளி நபருக்கு 20 ஆண்டுகள் சிறை
23 Apr 2024சிங்கப்பூர், கள்ளக்காதலியை அடித்துக் கொன்ற வழக்கில் சிங்கப்பூரில் இந்திய வம்சாவளி நபருக்கு 20 ஆண்டு சிறை தண்டனை விதிக்கப்பட்டுள்ளது.
-
பார்லி. தேர்தல்: கேரளா உள்ளிட்ட 13 மாநிலங்களில் 2-ம் கட்ட பிரசாரம் இன்றுடன் நிறைவு: இறுதிக்கட்ட வாக்குசேகரிப்பில் வேட்பாளர்கள் தீவிரம்
23 Apr 2024டெல்லி, பாராளுமன்ற மக்களவைத் தேர்தலுக்கான 2-ம் கட்ட பிரச்சாரம் இன்று மாலையுடன் ஓய்கிறது.
-
இலங்கை: கார் பந்தய விபத்தில் பலி எண்ணிக்கை 7 ஆக உயர்வு
23 Apr 2024கொழும்பு, இலங்கையின் ஊவா மாகாணத்தில் நடைபெற்ற கார் பந்தயத்தில் பங்கேற்ற கார் ஒன்று பார்வயாளர்களிடையே பாய்ந்ததில் 7 பேர் உயிரிழந்தனர்.
-
இந்து கடவுள்களை தொடர்ந்து காங்கிரஸ் கட்சி அவமதிக்கிறது: ராஜஸ்தானில் பிரதமர் மோடி பேச்சு
23 Apr 2024ஜெய்ப்பூர், ஹனுமன், ராமரை காங்கிரஸ் கட்சி தொடர்ந்து அவமதிக்கிறது என பிரதமர் மோடி குற்றம் சாட்டியுள்ளார்.
-
ஐ.நா.,வில் இந்திய பெண் கீதாவுக்கு முக்கியப்பதவி
23 Apr 2024வாஷிங்டன், இந்தோனேஷியாவில், ஐ.நா.,வின் ஒருங்கிணைப்பாளர் ஆக இந்தியாவைச் சேர்ந்த கீதா சபர்வால் என்பவர் நியமிக்கப்பட்டு உள்ளார்.
-
சட்டவிரோதமாக இங்கிலாந்தில் நுழைய முயன்ற 5 பேர் கடலில் மூழ்கி உயிரிழப்பு
23 Apr 2024பாரிஸ், பிரான்சில் இருந்து சட்டவிரோதமாக இங்கிலாந்திற்குள் நுழைய முயன்ற 5 பேர் கடலில் மூழ்கி உயிரிழந்தனர்.
-
மலேசியாவில் ஒத்திகையின் போது பயங்கரம்: ஹெலிகாப்டர்கள் ஒன்றுடன் ஒன்று மோதிய விபத்தில் 10 பேர் உயிரிழப்பு
23 Apr 2024கோலாலம்பூர், மலேசியாவில் ஒத்திகையின் போது இரண்டு ஹெலிகாப்டர்கள் மோதி ஏற்பட்ட விபத்தில் கடற்படை வீரர்கள் உள்பட 10 பேர் சம்பவ இடத்திலேயே உயிரிழந்த சம்பவம் அதிர்ச்சியை ஏற்