முக்கிய செய்திகள்
Idhayam Matrimony

புவன்ஸ்வரின் அபார பந்துவீச்சால் 319 ரன்களுக்கு ஆல் அவுட்

சனிக்கிழமை, 19 ஜூலை 2014      விளையாட்டு
Image Unavailable

 

லார்ட்ஸ், ஜூலை.20 - இந்திய வேகப் பந்துவீச்சாளர் புவனேஸ்வர் குமாரின் அபார பந்துவீச்சுக்குக் கட்டுப்பட்ட இங்கிலாந்து அணி, இரண்டாவது டெஸ்ட்டின் முதல் இன்னிங்ஸ்சில், 105.5 ஓவர்களில் 319 ரன்கள் எடுத்து ஆல் அவுட் ஆனது.

இந்த டெஸ்ட் போட்டியில் முதலில் பேட் செய்த இந்திய அணி முதல் நாள் ஆட்டநேர முடிவில் 90 ஓவர்களில் 9 விக்கெட் இழப்புக்கு 290 ரன்கள் எடுத்திருந்தது. முகமது சமி 14, இஷாந்த் சர்மா 12 ரன்களுடன் களத்தில் இருந்தனர். 2-வது நாளான வெள்ளிக்கிழமை தொடர்ந்து ஆடிய இந்திய அணி மேலும் 5 ரன்கள் சேர்த்திருந்த நிலையில் ஸ்டோக்ஸ் பந்துவீச்சில் ஆட்டமிழந்தார் முகமது சமி (19 ரன்கள்). இதனால் 91.4 ஓவர்களில் 295 ரன்களோடு முடிவுக்கு வந்தது இந்தியாவின் முதல் இன்னிங்ஸ். இஷாந்த் சர்மா 12 ரன்களுடன் ஆட்டமிழக்காமல் இருந்தார்.

இந்திய தரப்பில் ரஹானேவின் சதம், அணியின் ரன் எண்ணிக்கையை குறிப்பிடத்தக்க வகையில் உயர்த்தியது கவனிக்கத்தக்கது. இங்கிலாந்து தரப்பில் ஜேம்ஸ் ஆண்டர்சன் 4 விக்கெட்டுகளையும், ஸ்டூவர்ட் பிராட், பென் ஸ்டோக்ஸ் ஆகியோர் தலா 2 விக்கெட்டுகளையும் வீழ்த்தினர்.

முதல் இன்னிங்ஸை ஆடிய இங்கிலாந்து அணியில் கேப்டன் அலாஸ்டர் குக்கும், ராப்சனும் தொடக்க ஆட்டக்காரர்களாக களமிறங்கினர். 10.1 ஓவர்கள் தாக்குப்பிடித்த இந்த ஜோடி முதல் விக்கெட்டுக்கு 22 ரன்கள் சேர்த்தது. குக் 10 ரன்களிலும், ராப்சன் 17 ரன்களிலும் புவனேஸ்வர் குமார் பந்துவீச்சில் தோனியிடம் கேட்ச் கொடுத்தனர். முதல் டெஸ்ட் போட்டியில் சோபிக்காத குக், இந்த முறையும் இங்கிலாந்து ரசிகர்களை ஏமாற்றினார். பின்னர் வந்த இயான் பெல் 16 ரன்களில் விக்கெட்டை பறிகொடுக்க, 31.4 ஓவர்களில் 3 விக்கெட் இழப்புக்கு 70 ரன்கள் என்ற நிலைக்குத் தள்ளப்பட்டது இங்கிலாந்து.

இதையடுத்து கேரி பேலன்ஸுடன் இணைந்தார் ஜோ ரூட். இங்கிலாந்தை சரிவிலிருந்து மீட்கப் போராடிய இந்த ஜோடி, 14.5 ஓவர்கள் களத்தில் நின்று 43 ரன்கள் சேர்த்தது. 50 பந்துகளில் 13 ரன்கள் சேர்த்த ஜோ ரூட், ஜடேஜா பந்துவீச்சில் எல்பிடபிள்யூ முறையில் வெளியேற, மொயீன் அலி களம்புகுந்தார். மறுமுனையில் பொறுப்போடு ஆடிய கேரி பேலன்ஸ் 115 பந்துகளில் அரைசதம் கண்டார். தேநீர் இடைவேளைக்குப் பிறகு தொடர்ந்து ஆடிய பாலன்ஸ், அலி ஜோடி, ஸ்கோரை ஸ்திரப்படுத்தியது. 186 பந்துகளில், பாலன்ஸ் சதத்தைக் கடந்தார். அடுத்த சில ஓவர்களில் முரளி விஜய் வீசிய பந்தில், அலி 32 ரன்களுக்கு வெளியேறினார்.

பாலன்ஸ் 110 ரன்கள் எடுத்திருந்த போது, புவனேஸ்வர் குமார் வீசிய பந்தில், தோனியிடம் கேட்ச் கொடுத்து வெளியேற ஆட்டத்தில் மீண்டும் இந்தியாவின் கை மேலோங்கியது. இரண்டாம் நாள் ஆட்ட நேர முடிவில் 219 ரன்களுக்கு 6 விக்கெட்டுகளை இங்கிலாந்து இழந்திருந்தது. ப்ரையர் மற்றும் ப்ளங்கெட் களத்தில் இருந்தனர். இந்தியாவை விட இங்கிலாந்து 76 ரன்கள் பின்தங்கியிருந்தது. இன்றைய மூன்றாம் நாள் ஆட்டத்தில், ப்ரையர் 23 ரன்கள் எடுத்த நிலையில், சமியின் பந்துவீச்சில் தவாணிடம் கேட்ச் கொடுத்து ஆட்டமிழந்தார். பின்னர் களமிறங்கிய ஸ்டோக்ஸை ரன் ஏதும் எடுக்க விடாமல் புவனேஸ்வர் குமார் பவுல்ட் செய்தார். பிராட் 4 ரன்களில் புவனேஸ்வரின் பந்துவீச்சில் ஆட்டமிழந்தார். ஆண்டர்சன் 19 ரன்கள் எடுத்து அவுட் ஆனார். ப்ளங்கெட் கடைசி வரை ஆட்டமிழக்காமல் 55 ரன்கள் சேர்த்தார்.

இந்திய தரப்பில் மிகச் சிறப்பாக பந்துவீசிய வேகப் பந்துவீச்சாளர் புனவேஸ்வர் குமார், இங்கிலாந்து அணியின் ரன் எண்ணிக்கையை வெகுவாக கட்டுப்படுத்தினார். இதனால், அந்த அணியால் முதல் இன்னிங்ஸ்சில் 24 ரன்கள் மட்டுமே முன்னிலை வகிக்க முடிந்தது. புவனேஸ்வர் 6 விக்கெட்டுகளையும், ஜடேஜா 2 விக்கெட்டுகளையும், சமி மற்றும் முரளி விஜய் ஆகியோர் தலா ஒரு விக்கெட்டையும் வீழ்த்தினர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago