முக்கிய செய்திகள்
Idhayam Matrimony

உலக செஸ்: முதல் சுற்றை போராடி 'டிரா' செய்த ஆனந்த்!

ஞாயிற்றுக்கிழமை, 9 நவம்பர் 2014      விளையாட்டு
Image Unavailable

 

சோச்சி, ரஷ்யா - ரஷ்யாவின் சோச்சி நகரில் நடந்து வரும் உலக செஸ் சாம்பியன்ஷிப் பட்டப் போட்டியின் முதல் சுற்று ஆட்டம் டிராவில் முடிந்துள்ளது.

இந்திய வீரர் விஸ்வநாதன் ஆனந்த்தும், நார்வே வீரரும், நடப்புச் சாம்பியனுமான மேக்னஸ் கார்ல்சனும் இந்தப் போட்டியில் மோதி வருகின்றனர். கடந்த ஆண்டு ஆனந்திடமிருந்து பட்டத்தை பறித்தவர் கார்ல்சன் என்பது நினைவிருக்கலாம். முதல் சுற்று ஆட்டத்தில் ஆனந்த்தும், கார்ல்சனும் கடும் மோதலில் ஈடுபட்டனர். கார்ல்சனுடன் கடுமையாகப் போராடி டிரா கண்டு நிம்மதி அடைந்தார் ஆனந்த்.

முதல் சுற்று ஆட்டத்தில் ஆரம்பத்தில் தடுமாறினாலும் கூட பின்னர் ஆனந்த்துக்கு கடும் சவாலைக் கொடுத்தார் கார்ல்சன். இருப்பினும் தனது அனுபவத்தைப் பயன்படுத்தி ஆனந்த்தும் கடுமையாகப் போராடி தோல்வி என்ற அபாயத்திலிருந்து தப்பி டிராவில் முடித்து விட்டார். ஆரம்பத்தில் ஆனந்த்தின் கையே ஓங்கியிருந்தது. ஆனால் அதை விரைவிலேயே சரிப்படுத்தி விட்டார் கார்ல்சன்.

இதனால் ஆனந்த் போராட வேண்டிய நிலைக்குத் தள்ளப்பட்டார். அடுத்த சுற்று ஆட்டத்தில் ஆனந்த் சுதாரித்து ஆட வேண்டிய நிர்ப்பந்தம் தற்போது ஏற்பட்டுள்ளது. வெள்ளைக் காய்களுடன் ஆட்டத்தைத் தொடங்கினார் ஆனந்த். 5லமுறை உலக சாம்பியனான ஆனந்த், புது உற்சாகத்துடன் இந்தச் சுற்றைத் தொடங்கினார்.

ஆனால் ஆனந்த் விடுத்த சவால்களை புத்துணர்வுடன் எதிர்கொண்டார் கார்ல்சன். சடசடவென்று ஆனந்த்தின் வியூகங்களை அவர் தகர்த்தார். அதேசமயம், சில மின்னல் வேக நகர்வுகள் மூலம் ஆரம்பத்தில் ஆனந்த் மேலோங்கியிருந்தார். ஆனால் அதையும் கூட கார்ல்சன் புத்திசாலித்தனமாக நிறுத்தி விட்டார்.

13வது நகர்வு வரை ஆனந்த் அமர்க்களப்படுத்தினார். ஆனால் அதன் பின்னர் கார்ல்சன் தனது விளையாட்டைக் காட்ட ஆரம்பித்தார். 13வது நகர்வின்போது கார்ல்சன் தனது நகர்வை மேற்கொள்ள கிட்டத்தட்ட 23 நிமிடங்கள் எடுத்துக் கொண்டபோது, கார்ல்சன் தரப்பு ஆச்சரியத்தில் மூழ்கியது. ஆனால் அடுத்தடுத்த நகர்வுகளில் கார்ல்சன் சுதாரித்து விட்டார்.

48வது நகர்வின்போது ஆட்டம் டிராவில் முடிந்தது. இந்த போட்டித் தொடரில் யார் முதலில் 6.5 புள்ளிகளைப் பெறுகிறாரோ அவரே சாம்பியன் பட்டத்தைத் தட்டிச் செல்வார் என்பது குறிப்பிடத்தக்கது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 2 weeks 6 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 2 weeks 6 days ago ஆவாரம்பூவின் மருத்துவ பலன்கள் 2 weeks 6 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 4 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 17 hours ago

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.