முக்கிய செய்திகள்
Idhayam Matrimony

கருணாநிதியை, பிரதமர் மோடி சந்தித்ததில் எந்த அரசியல் உள்நோக்கம் கிடையாது: பொன்.ராதாகிருஷ்ணன்

செவ்வாய்க்கிழமை, 7 நவம்பர் 2017      அரசியல்
Image Unavailable

குழித்துறை, கருணாநிதியை, பிரதமர் மோடி சந்தித்ததில் எந்த அரசியல் உள்நோக்கமும் கிடையாது. இது உருக்கமான நிகழ்வு என மத்திய அமைச்சர் பொன்.ராதாகிருஷ்ணன் கூறினார்.

குழித்துறை மகாதேவர் ஆலயத்துக்கு வரும் பக்தர்கள் ஆடி அமாவாசையன்று பலிகர்ம பூஜை செய்வதற்காக குழித்துறை தாமிரபரணி ஆற்றில் படித்துறை ரூ.25 லட்சம் செலவில் கட்டுவதற்கான அடிக்கல்லை நேற்று மத்திய அமைச்சர் பொன்.ராதாகிருஷ்ணன் நாட்டினார். இதற்கான நிதி அவரது எம்.பி. தொகுதி மேம்பாட்டு நிதியில் இருந்து ஒதுக்கப்பட்டுள்ளது.

நிரந்தர தீர்வாக ...

பின் அவர் நிருபர்களை சந்தித்து கூறியதாவது:-

தமிழக அரசு மழை வெள்ளப்பாதிப்புக்காக மத்திய அரசிடம் நிவாரண நிதி கேட்டுள்ளது. பிரதமர் மோடி அது தினசரி நிகழ்வாக இருக்கக் கூடாது. நிரந்தர தீர்வாக இருக்க வேண்டும். எத்தனை மழை வெள்ளம் வந்தாலும் மக்களை பாதிக்காத வகையில் திட்டம் வகுத்து கூறுங்கள். அதற்கு தேவையான நிதியை தர தயாராக இருக்கிறோம் என்று கூறி உள்ளார்.

தொடர்பு இல்லை

பண மதிப்பிழப்பு நடவடிக்கையின் ஓராண்டு நிறைவு தினத்தை துக்கத் தினமாக கடைபிடிக்கப்போவதாக எதிர்க்கட்சிகள் அறிவித்து உள்ளன. இது கறுப்பு பணம் மற்றும் கொள்ளையடித்த பணத்தை பதுக்கிவைத்திருந்தவர்களுக்கு தான் துக்கத்தினம். நேர்மையாக உழைத்தவர்களுக்கு மகிழ்ச்சி தினம் தான். நடிகர் கமல்ஹாசன் மீது வழக்கு போட்டிருப்பது, கார்ட்டூனிஸ்ட் பாலா கைது செய்யப்பட்டிருப்பதில் மத்திய அரசுக்கு எந்த தொடர்பும் கிடையாது. அது மாநில அரசுகள் சம்பந்தப்பட்டது. கமல்ஹாசன் தனிக்கட்சி தொடங்கினால் அதனை நான் வரவேற்கிறேன். அதனால் பாரதிய ஜனதா கட்சிக்கு எந்த பாதிப்பும் ஏற்படப் போவதில்லை.

உள்நோக்கம் இல்லை

5 முறை தமிழகத்தின் முதல்வராக இருந்தவர் மூத்த அரசியல் வாதி என்ற அடிப்படையில் கருணாநிதியை அவரது உடல் நலம் கருதி பிரதமர் மோடி பார்த்துள்ளார். இதில் எந்த அரசியல் உள்நோக்கமும் கிடையாது. இது உருக்கமான நிகழ்வு. இதற்கு முன்பு மு.க.ஸ்டாலினை மோடி சந்திக்காததற்கு பல அரசியல் காரணங்கள் உள்ளது. குமரி மாவட்டத்தில் இனையம் துறைமுகம், சாமிதோப்பில் விமான நிலையம் நிச்சயம் வந்தே தீரும். அதற்கான பணிகள் நடந்து வருகிறது.

இவ்வாறு அவர் கூறினார்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து