முக்கிய செய்திகள்
Idhayam Matrimony

பூமி கண்காணிப்புக்கான செயற்கைகோளுடன் ஜி.எஸ்.எல்.வி. ராக்கெட் 5-ம் தேதி ஏவப்படுகிறது

வியாழக்கிழமை, 27 பெப்ரவரி 2020      இந்தியா
Image Unavailable

பூமி கண்காணிப்புக்கான ஜிசாட்-1 செயற்கைகோள் ஜி.எஸ்.எல்.வி-எப்10 ராக்கெட் மூலம் வரும் 5-ம் தேதி விண்ணில் ஏவப்படுகிறது. இதற்கான ஆயத்தப்பணியில் இஸ்ரோ விஞ்ஞானிகள் ஈடுபட்டு உள்ளனர்.

இந்திய விண்வெளி ஆய்வு நிறுவனம் (இஸ்ரோ) பி.எஸ்.எல்.வி. மற்றும் ஜி.எஸ்.எல்.வி. வகை ராக்கெட்டுகளை தயாரித்து அவற்றில் செயற்கைகோள்களை பொருத்தி விண்ணில் செலுத்தி வருகிறது. பூமி கண்காணிப்பு, காலநிலை மாற்றத்தை முன்கூட்டியே அறிந்து கொள்வது உள்ளிட்ட பல்வேறு பணிகளுக்கான செயற்கைகோள்கள் வடிவமைக்கப்பட்டு வருகிறது. அந்தவகையில் தற்போது பூமி கண்காணிப்புக்காக ஜிசாட்-1 என்ற செயற்கைகோளை இஸ்ரோ தயாரித்து உள்ளது. இதனை ஆந்திர மாநிலம் ஸ்ரீஹரிகோட்டாவில் உள்ள சதீஸ் தவான் விண்வெளி ஆய்வு மையத்தில் உள்ள 2-வது ஏவுதளத்தில் இருந்து ஜி.எஸ்.எல்.வி-எப்10 என்ற ராக்கெட் மூலம் வரும் 5-ம் தேதி (வியாழக்கிழமை) மாலை 5.43 மணிக்கு விண்ணில் ஏவப்படுகிறது. இதுகுறித்து இஸ்ரோ மூத்த விஞ்ஞானிகள் கூறியதாவது:-

பூமி கண்காணிப்புக்காக 2 ஆயிரத்து 268 கிலோ எடை கொண்ட ஜிசாட்-1 என்ற செயற்கைகோள் தயாரிக்கப்பட்டு உள்ளது. இந்த செயற்கைகோள் பூமியில் இருந்து புறப்பட்ட 18-வது நிமிடத்தில் 170 கிலோ மீட்டர் உயரத்தில் புவி வட்டபாதையில் நிலைநிறுத்தும் வகையில் வடிவமைக்கப்பட்டு உள்ளது. ஜியோ இமேஜிங் என்று அழைக்கப்படும் அதிநவீன தொழில்நுட்பத்துடன் கூடிய செயற்கைகோளாகும். வானிலை நிலமைகளுக்கு உட்பட்டு 5-ம் தேதி மாலை 5.43 மணிக்கு விண்ணில் ஏவப்படுகிறது. 2020-ம் ஆண்டு ஏவப்படும் முதல் ராக்கெட் மற்றும் உள்நாட்டில் தயாரிக்கப்பட்ட கிரேயோஜெனிக் என்ஜின் பொருத்தப்பட்ட 8-வது ராக்கெட் என்ற பெருமையும் பெருகிறது. ஜி.எஸ்.எல்.வி. வகையில் 14-வது ராக்கெட் என்பதுடன், ஸ்ரீஹரிகோட்டாவில் இருந்து ஏவப்படும் 76-வது ராக்கெட்டாகும். இந்த ராக்கெட்டில் முதல் முறையாக 4 மீட்டர் விட்டம் கொண்ட ஆகிவ் வடிவ பேலோட் பேரிங் என்று அழைக்கப்படும் வெப்ப கவசம் பொருத்தப்பட்டு உள்ளது. ராக்கெட் ஏவுவதற்கான ஆயத்தப்பணியில் தீவிரமாக ஈடுபட்டு வருகிறோம். இறுதிக்கட்ட பணியான கவுண்ட்டவுன் ஓரிரு நாட்களில் தொடங்க வாய்ப்பு உள்ளது. இவ்வாறு விஞ்ஞானிகள் தெரிவித்துள்ளனர்.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து