நாட்டு மக்களுக்கு வீடியோ மூலம் இன்று தகவல்களை பகிர உள்ளார் பிரதமர் மோடி

புதுடெல்லி : கொரோனா தொற்று பரவலைத் தடுக்கும் வகையில் நாடு முழுவதும் ஊரடங்கு உத்தரவு பிறப்பிக்கப்பட்டிருக்கும் நிலையில், இன்று வெள்ளிக்கிழமை காலை 9 மணிக்கு நாட்டு மக்களுக்கு விடியோ மூலம் பிரதமர் மோடி தகவல்களைப் பகிர உள்ளார்.

கொரோனா தொற்று பரவத் தொடங்கிய பிறகு, இரண்டு முறை நாட்டு மக்களிடையே நேரடியாக உரையாற்றிய பிரதமர் நரேந்திர மோடி, இன்று வெள்ளிக்கிழமை காலை 9 மணிக்கு விடியோ ஒன்றை பகிர உள்ளதாகவும், அதன் மூலம் நாட்டு மக்களுக்கு சில தகவல்களை பகிர்ந்து கொள்ளவிருப்பதாகவும் தெரிவிக்கப்பட்டுள்ளது.

தான் பகிரவிருக்கும் விடியோ எது தொடர்பான தகவல்களைக் கொண்டிருக்கும் என்பதை சொல்லாமல், இன்று காலை 9 மணிக்கு விடியோ ஒன்றை நாட்டு மக்களுக்கு பகிரவிருப்பதாக தனது டுவிட்டர் பக்கத்தில் பிரதமர் மோடி தெரிவித்துள்ளார்.

நாட்டில் கொரோனா தொற்று பரவலைத் தடுக்கும் வகையில் ஊரடங்கு பிறப்பிக்கப்பட்டு நேற்றுடன்  9-வது நாளான நிலையில், மாநில முதல்வர்களுடன் காணொலி காட்சி மூலம் பிரதமர் நரேந்திர மோடி நேற்று  உரையாற்றினார். இந்தியாவில் கொரோனா பாதித்தவர்களின் எண்ணிக்கை 1,965 ஆக உயர்ந்திருக்கும் நிலையில், உயிரிழப்பு 50 ஆக உள்ளதாக மத்திய நல்வாழ்வுத் துறை தெரிவித்துள்ளது.