முக்கிய செய்திகள்
Idhayam Matrimony

ஆதார் மூலம் உடனடி பான் எண் பெறும் வசதி: நிர்மலா சீதாராமன் தொடங்கி வைத்தார்

வியாழக்கிழமை, 28 மே 2020      இந்தியா
Image Unavailable

மத்திய நிதி நிலை அறிக்கையில் செய்யப்பட்ட அறிவிப்பைத் தொடர்ந்து, உடனடியாக நிரந்தரக் கணக்கு எண்ணை ஒதுக்கும் வசதியை மத்திய நிதி மற்றும் பெருநிறுவன விவகாரங்கள் அமைச்சர் நிர்மலா சீதாராமன் நேற்று முறைப்படித் தொடங்கி வைத்தார்.

ஆதார் எண்ணையும், ஆதார் எண்ணுடன் இணைக்கப்பட்ட கைபேசி எண்ணையும் வைத்திருக்கும் நிரந்தரக் கணக்கு எண் விண்ணப்பதாரர்களுக்கு இந்த வசதி தற்போது கிடைக்கும். காகிதமில்லா முறையில் செய்யப்படும் இந்த ஒதுக்கீடு மூலம், மின்னனு-நிரந்தக் கணக்கு எண் விண்ணப்பதாரர்களுக்கு இலவசமாக வழங்கப்படும். உடனடி நிரந்தரக் கணக்கு எண் வசதி விரைவில் தொடங்கப்படும் என்று மத்திய நிதி நிலை அறிக்கையில் நிதி அமைச்சர் நிர்மலா சீதாராமன் அறிவித்திருந்தார். அப்போது பேசிய அவர், நிரந்தரக் கணக்கு எண் மற்றும் ஆதார் பரிமாற்றத்தை கடந்த நிதி நிலை அறிக்கையில் நான் அறிமுகப்படுத்தி இருந்தேன். இதற்குத் தேவைப்படும் விதிகள் ஏற்கெனவே வெளியிட்டப்பட்டு விட்டன. நிரந்தரக் கணக்கு எண் ஒதுக்கீட்டை மேலும் எளிமைப்படுத்தும் விதத்தில், விரிவான விண்ணப்பத்தைப் பூர்த்தி செய்யும் தேவை இல்லாமலேயே, ஆதாரின் அடிப்படையில் உடனடியாக நிரந்தரக் கணக்கு எண்ணை இணையத்தில் ஒதுக்கீடு செய்யும் முறையை நாங்கள் விரைவில் அறிமுகப்படுத்துவோம் என்று நிதி நிலை அறிக்கை உரையில் பத்தி 129-இல் நிதி அமைச்சர் கூறி இருந்தார்.

மத்திய நிதி நிலை அறிக்கையில் செய்யப்பட்ட அறிவிப்பைத் தொடர்ந்து, உடனடியாக நிரந்தரக் கணக்கு எண்ணை (கிட்டத்தட்ட நிகழ் நேரத்தில்) ஒதுக்கும் வசதியை மத்திய நிதி மற்றும் பெருநிறுவன விவகாரங்கள் அமைச்சர் நிர்மலா சீதாராமன் நேற்று முறைப்படித் தொடங்கி வைத்தார். ஆதார் சார்ந்த மின்-கே ஒய் சி (e-KYC) என்கிற வாடிக்கையாளர் தகவல்களை அறிந்து கொள்ளும் முறை மூலம் உடனடி நிரந்தரக் கணக்கு எண் வசதி நேற்று முறைப்படித் தொடங்கப்பட்டது. ஆனால், இதன் 'மாதிரிப் பதிப்பு' சோதனை முறையில் வருமான வரித் துறையின் மின்-தாக்கல் இணையதளத்தில் 12 பிப்ரவரி, 2020 அன்று தொடங்கப்பட்டது. அன்று முதல், வெறும் பத்து நிமிடங்களுக்குள்ளாக நிரந்தரக் கணக்கு எண்கள் ஒதுக்கீடு செய்யப்பட்டு, 25 மார்ச் 2020 வரை 6,77,680 உடனடி ஒதுக்கீடுகள் செய்யப்பட்டுள்ளன.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 weeks 6 hours ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 weeks 6 hours ago ஆவாரம்பூவின் மருத்துவ பலன்கள் 3 weeks 6 hours ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 5 days ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 1 day ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.