10 ஆண்டுகள் வருமான வரி செலுத்தவில்லையாம் டிரம்ப்: நியூயார்க் டைம்ஸ் வெளியிட்ட தகவல்

வாஷிங்டன் : அமெரிக்க அதிபர் டொனால்ட் டிரம்ப் கடந்த 15 ஆண்டுகளில் 10 ஆண்டுகள் வருமான வரிகளை செலுத்தவில்லை என நியூயர்க் டைம்ஸ் செய்தி வெளியிட்டு உள்ளது.

இது குறித்து நியூயார்க் டைம்ஸ் வெளியிட்டு உள்ள செய்தியில் கூறி இருப்பதாவது:-

டிரம்ப் தனது ரியாலிட்டி தொலைக்காட்சி திட்டம் மற்றும் பிற உரிம ஒப்பந்தங்களில் இருந்து 2018-க்குள் 7 427.4 மில்லியன் டாலர் வருமானம் பெற்றிருந்தாலும் கடந்த 15 ஆண்டுகளில் 10 ஆண்டுகள் வருமான வரிகளை செலுத்தவில்லை.

2016 மற்றும் 2017 இரண்டிலும் கூட்டாட்சி வருமான வரிகளில் $ 750 செலுத்தி உள்ளார்.   டிரம்ப் தனது வணிக சாம்ராஜ்யம் முழுவதும் பெரும் இழப்புகளைப் சந்தித்து வருவதாக கூறி வருமான வரியை குறைத்து காட்டி உள்ளார்.

2018-ம் ஆண்டில் டிரம்ப் 47.4 மில்லியன் டாலர் இழப்பைக் கோரியதாகவும் ஆனால் அந்த ஆண்டு நிதி வெளிப்பாட்டில் குறைந்தபட்சம் 4 434.9 மில்லியன் வருமானம் கிடைத்ததாகக்  டைம்ஸ் செய்தி வெளியிட்டுள்ளது. ஆனால் நேற்று முன்தினம் நடந்த செய்தியாளர் கூட்டத்தில் டிரம்ப் இந்த செய்தியை மறுத்துள்ளார்.  

இது முற்றிலும் போலியான செய்தி. உண்மையில், எனக்கு கிடைத்த வருமானத்திற்கு நான் வரி செலுத்தி உள்ளேன், அது  தணிக்கைக்கு உட்பட்டது  என்று டிரம்ப் செய்தியாளர்களிடம் கூறினார். 

டிரம்ப் நிறுவனங்களின் வழக்கறிஞரான ஆலன் கார்டன், நியூயார்க் டைம்ஸுக்கு அளித்த அறிக்கையில், கடந்த தசாப்தத்தில், அதிபர் டிரம்ப் மத்திய அரசாங்கத்திற்கு பல்லாயிரக்கணக்கான டாலர்களை தனிநபர் வரியாக செலுத்தியுள்ளார்,

இதில் 2015-ல் தனது வேட்புமனுவை அறிவித்ததிலிருந்து மில்லியன் கணக்கான தனிப்பட்ட வரிகளை செலுத்தி உள்ளார் என்று  கார்டன் ஒரு அறிக்கையில் தெரிவித்துள்ளார்.