கூட்டணியில் தே.மு.தி.க. நிலைப்பாடு என்ன ? பிரேமலதா நாளை முக்கிய ஆலோசனை

தேர்தல் கூட்டணி மற்றும் கட்சி பணிகள் பற்றி விவாதிப்பதற்காக நாளை கோயம்பேட்டில் உள்ள தே.மு.தி.க. அலுவலகத்தில் தொகுதி பொறுப்பாளர்கள் பங்கேற்கும் ஆலோசனை கூட்டத்துக்கு ஏற்பாடு செய்யப்பட்டுள்ளது.  

இந்த கூட்டத்தில் விஜயகாந்த், பிரேமலதா இருவரும் கலந்து கொள்ள உள்ளனர்.  இந்த கூட்டத்தில் அ.தி.மு.க. கூட்டணியில் நீடிப்பதா? தனித்து போட்டியிடுவதா? என்பது பற்றியும் ஆலோசிக்கப்பட உள்ளது. இந்த கூட்டத்துக்கு பிறகு அடுத்தடுத்து மாவட்ட செயலாளர்கள் கலந்து கொள்ளும் கூட்டமும் நடைபெறுகிறது. இதையடுத்து நடக்க உள்ள தே.மு.தி.க. பொதுக்குழு மற்றும் செயற்குழு கூட்டத்தில் தேர்தல் நிலைபாட்டை விஜயகாந்த் அறிவிக்க உள்ளார்.