முக்கிய செய்திகள்
Idhayam Matrimony

தனித்து போட்டியிடலாம் அல்லது 3-வது அணியில் சேர்ந்து விடலாம்: தினேஷ் குண்டுராவிடம் காங். நிர்வாகிகள் வலியுறுத்தல்

வியாழக்கிழமை, 4 மார்ச் 2021      அரசியல்
Image Unavailable

திமுக கூட்டணியில் கவுரவமான எண்ணிக்கையில் தொகுதி கிடைக்காவிட்டால், தனித்து போட்டியிட வேண்டும் அல்லது 3-வது அணியில் சேர்ந்து போட்டியிடலாம் என ஆலோசனை கூட்டத்தில் தினேஷ் குண்டுராவிடம் நிர்வாகிகள் தெரிவித்தனர். 

தி.மு.க. கூட்டணியில் இடம் பெற்றிருக்கும் காங்கிரஸ் கட்சி, வரும் சட்டசபை தேர்தலில் 30 தொகுதிகளைக் கேட்பதாகவும், ஆனால் 24 தொகுதிகளை மட்டுமே அளிக்க தி.மு.க. தயாராக இருப்பதாகவும் கூறப்படுகிறது. காங்கிரஸ் கட்சி கடந்த 2006-ம் ஆண்டு முதல் தொடர்ந்து 4 சட்டமன்ற தேர்தல்களில் தி.மு.க.வுடன் கூட்டணியில் இருந்து வருகிறது. அந்தவகையில், ஏற்கனவே நடைபெற்று முடிந்த 2006-ம் ஆண்டு சட்டசபை தேர்தலில் தி.மு.க. கூட்டணியில் காங்கிரஸ் கட்சிக்கு 48 தொகுதிகளும் (34 தொகுதிகளில் வெற்றி), 2011-ம் ஆண்டு சட்டமன்ற தேர்தலில் 63 இடங்களும் (5 தொகுதிகளில் வெற்றி), 2016-ம் ஆண்டு சட்டமன்ற தேர்தலில் 41 தொகுதிகளும் (8 தொகுதிகளில் வெற்றி) ஒதுக்கப்பட்டு இருந்தது குறிப்பிடத்தக்கது.

தொகுதிப் பங்கீடு தொடர்பாக தி.மு.க. - காங்கிரஸ் இடையே ஏற்கனவே இரண்டு முறை பேச்சுவார்த்தை நடைபெற்ற நிலையில் மீண்டும் பேச்சுவார்த்தை நடைபெற உள்ளது. தி.மு.க. தலைமையிலான கூட்டணிக் கட்சிகளுடன் தொகுதிப் பங்கீடு தொடர்பான பேச்சுவார்த்தை தொடர்ந்து நடைபெற்று வருகிறது. தி.மு.க. - காங்கிரஸ் தொகுதிப் பங்கீடு தொடர்பான பேச்சுவார்த்தையில் தொடர்ந்து இழுபறி நிலவி வருகிறது.

இந்த நிலையில், சென்னையில் காங்கிரஸ் கட்சி அலுவலகத்தில் நேற்று   காலை 10 மணிக்கு  நிர்வாகிகள் ஆலோசனை கூட்டம் நடைபெற்றது.  காங்கிரஸ் மேலிட பொறுப்பாளர் குண்டுராவ் தலைமையில் நடைபெறும் இந்தக் கூட்டத்தில் காங்கிரஸ் கட்சியின் முக்கியத் தலைவர்கள்  பங்கேற்றனர். பின்னர் தி.மு.க. ஒதுக்கும் குறைவான தொகுதிகளை ஏற்றுக் கொண்டு கூட்டணியில் நீடிக்கலாமா? அல்லது வேண்டாமா? என்பது குறித்து மாவட்ட நிர்வாகிகளுடன்  காங்கிரஸ் கட்சித் தலைமை ஆலோசனை நடத்தியது. தொகுதி பங்கீடு-கருத்து கேட்பு கூட்டத்தில் காங்கிரஸ் நிர்வாகிகள்  பேசும் போது, கவுரவமான எண்ணிக்கையில் தொகுதி கிடைக்காவிட்டால், தனித்து போட்டியிட வேண்டும் அல்லது 3-வது அணியில் சேர்ந்து போட்டியிடலாம் என கூறியதாக தகவல்கள் தெரிவிக்கின்றன. 

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 2 weeks ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 5 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து