கொரோனா வைரஸ் முன்பை விட வேகமாக உருமாறி வருகிறது - ஆய்வில் இந்திய விஞ்ஞானிகள் தகவல்

பெங்களூரு ஆய்வு செய்யபட்ட கொரோனா மாதிரிகள் தலா 11 பிறழ்வுகளைக் காட்டுகின்றன; வைரஸ் முன்பை விட வேகமாக ஒருமாறி வருவதாக ஆய்வில் தெரியவந்து உள்ளது.

பெங்களூருவில் கொரோனா நோயாளிகளிடமிருந்து மாதிரிகள் எடுத்து  ஆய்வு நடத்திய இந்திய அறிவியல் நிறுவனம் (IISc) விஞ்ஞானிகள், வைரஸ் இப்போது முன்பை விட வேகமாக உருமாறி வருவதாக  தெரிவித்து உள்ளனர்.  

உயிர் வேதியியல் துறையின் பேராசிரியர் உத்பால் டட்டு தலைமையிலான குழுவின் அறிக்கையின் படி  மூன்று  மரபணுக்களில் 27 பிறழ்வுகளைக் கொண்டிருந்தன, அவை ஒரு மாதிரிக்கு 11-க்கும் மேற்பட்ட பிறழ்வுகளைக் கொண்டுள்ளன - இது தேசிய சராசரி (8.4) மற்றும் உலக சராசரி (7.3) இரண்டையும் விட அதிகம் ஆகும்.  புரோட்டியம் ரிசர்ச் ஜர்னலில் வெளியிடப்பட்ட அவர்களின் சமீபத்திய ஆய்வில்  சார்ஸ் ,கோவ்-2-ன் தனிமைப்படுத்தல்களில் பல பிறழ்வுகள் மற்றும் தனித்துவமான புரதங்களை அடையாளம் காணப்பட்டது.  வைரஸ் எவ்வாறு பிறழ்ந்து கொண்டிருக்கிறது மற்றும் அதன் புரத உயிரியல் (புரதங்கள் மரபணு தகவல்களைப் பயன்படுத்தி தயாரிக்கப்படுகின்றன) என்பதை நன்கு புரிந்து கொள்ள, குழு ஒரு விரிவான புரோட்டியோ-மரபணு விசாரணையை மேற்கொண்டுள்ளது.