மேலும் 7987 பேருக்கு கொரோனா: தமிழக சுகாதார துறை தகவல்

தமிழகத்தில் மேலும் 7,987 பேருக்கு கொரோனா தொற்று உறுதி செய்யப்பட்ட  நிலையில் பாதித்தவர்கள் எண்ணிக்கை 9 லட்சத்து 62 ஆயிரத்து 935 (9,62,935) ஆக  உயர்ந்துள்ளதாக மாநில சுகாதாரத்துறை தெரிவித்துள்ளது. 

தமிழகத்தில் தினமும் சுகாதாரத்துறை சார்பில் அறிக்கை  வெளியிடப்பட்டு வருகிறது. அதன்படி, சுகாதாரத்துறை நேற்று வெளியிட்ட அறிக்கையில்,   தமிழகத்தில் மேலும் 7,987 பேருக்கு கொரோனா தொற்று உறுதி செய்யப்பட்டுள்ளது. இதன்  மூலம் மொத்த பாதிப்பு 9,62,935 ஆக அதிகரித்துள்ளது.  தமிழகத்தில் கொரோனாவில் இருந்து மேலும் 4,176 பேர் குணமடைந்துள்ளனர். இதன் மூலம்  மொத்தம் 8,91,839 குணமடைந்து வீடு திரும்பியுள்ளனர்.  தமிழகத்தில் கொரோனாவால் நேற்று மேலும் 29 பேர் உயிரிழந்துள்ளனர். இதன் மூலம் மொத்த  பலி எண்ணிக்கை 12,999 ஆக உயர்ந்துள்ளது. இதில்  அரசு மருத்துவமனையில் 15 பேரும், தனியார் மருத்துவமனையில் 14 பேரும் உயிரிழந்துள்ளனர். சென்னையில் நேற்று ஒரே நாளில் 2,558  பேர் கொரோனானால் பாதிக்கப்பட்டுள்ளனர்.  சென்னையில் மொத்தம் 2,74,734 பேர் பாதிக்கப்பட்டுள்ளனர். தமிழகத்தில் இதுவரை 2,08,79,495 பேருக்கு கொரோனா பரிசோதனை செய்யப்பட்டுள்ளது. நேற்று மட்டும் 95,387 மாதிரிகள் கொரோனா பரிசோதனை செய்யப்பட்டுள்ளது. தமிழகத்தில் தற்போது 58,097 பேர் கொரோனாவால் பாதிக்கப்பட்டு மருத்துவமனையில் சிகிச்சை  பெற்று வருகின்றனர். இவ்வாறு சுகாதார துறை தெரிவித்துள்ளது.