பெகாசஸ் உளவு விவகாரம்: பார்லி. வளாகத்தில் எதிர்க்கட்சிகள் தர்ணா

புது டெல்லி: பெகாசஸ் விவகாரம் தொடர்பாக நேற்று பாராளுமன்ற வளாகத்தில் உள்ள காந்தி சிலைக்கு முன்பு எதிர்கட்சி எம்.பி.க்கள் தர்ணா போராட்டத்தில் ஈடுபட்டனர். 

பாராளுமன்ற மழைக்கால கூட்டத்தொடர் கடந்த 19-ம் தேதி தொடங்கி, ஆகஸ்ட் 13-ம் தேதி வரை நடைபெற உள்ளது.  இக்கூட்டத் தொடரில் பெகாசஸ் உளவு மென்பொருள் விவகாரம் பாராளுமன்றத்தில் பூதாகரமாக வெடித்துள்ளது.  இப்பிரச்சினை குறித்து பாராளுமன்ற கூட்டுக்குழு விசாரணைக்கு உத்தரவிடும்படி வலியுறுத்தி எதிர்க்கட்சிகள் கடும் அமளியில் ஈடுபட்டு வருகின்றன.  கடந்த 4 நாட்களாக எதிர்க்கட்சிகள் அமளியால் பாராளுமன்றம் முடங்கி உள்ளது.

பெகாசஸ் விவகாரம் தொடர்பாக நேற்று பாராளுமன்ற வளாகத்தில் உள்ள காந்தி சிலைக்கு முன்பு எதிர்கட்சி எம்.பி.க்கள் தர்ணா போராட்டத்தில் ஈடுபட்டனர். தர்ணாவில் காங்கிரஸ், தி.மு.க, சிவசேனா எம்.பி.க்கள் கலந்து கொண்டனர்.