10 மற்றும் 11-ம் வகுப்பு தனித்தேர்வு எழுதும் மாற்றுத்திறனாளி மாணவர்கள் ஆல்பாஸ்: முதல்வர் மு.க. ஸ்டாலின் உத்தரவு

10 மற்றும் 11-ம் வகுப்பு துணை தேர்வுகளை தனித்தேர்வர்களாக எழுதும் மாற்றுத்திறனாளி மாணவர்கள் அனைவரும் தேர்ச்சி பெற்றதாக முதல்வர் மு.க. ஸ்டாலின் உத்தரவிட்டுள்ளார். 

இது குறித்து மாற்றுத்திறனாளிகள் நலத்துறை அரசு செயலாளர் விடுத்துள்ள செய்திக்குறிப்பில், 

செப்டம்பர் 2021-ல் நடைபெறவுள்ள 10 மற்றும் 11-ம் வகுப்பு துணைத்தேர்வுகளை  தனித்தேர்வர்களாக  எழுத  விண்ணப்பித்துள்ள  மாற்றுத்திறனாளி மாணவர்களுக்கு  தற்போது  நிலவிவரும்  கொரோனா நோய் தொற்று பரவல் காரணமாக தேர்வு எழுதுவதிலிருந்து  விலக்களித்து  அவர்கள்  அனைவரும்  தேர்ச்சி  பெற்றதாக  தமிழக முதல்வர் மு.க.ஸ்டாலின்  ஆணையிட்டுள்ளார். இவ்வாறு அதில் தெரிவிக்கப்பட்டுள்ளது.