முக்கிய செய்திகள்
Idhayam Matrimony

திருப்பதிக்கு நேரடியாக வரும் பக்தர்களுக்கு ஜனவரி 1-ம் தேதி முதல் இலவச தரிசன டிக்கெட் வழங்க முடிவு

வியாழக்கிழமை, 23 டிசம்பர் 2021      ஆன்மிகம்
Image Unavailable

Source: provided

திருப்பதி : திருப்பதிக்கு நேரடியாக வரும் பக்தர்களுக்கு ஜனவரி 1-ம் தேதி முதல் இலவச தரிசன டிக்கெட் வழங்க தேவஸ்தானம் முடிவு செய்துள்ளது. மேலும், திருப்பதியில் ஜனவரி 11 முதல் 14-ம் தேதி வரை 4 நாட்கள் அறைகளை ஆன்லைனில் பதிவு செய்ய முடியாது. பக்தர்கள் நேரடியாக வந்து அறைகளை பெற்றுக் கொள்ளலாம் எனவும் தேவஸ்தானம் தெரிவித்துள்ளது.

திருப்பதி ஏழுமலையான் கோவிலில் ரூ.300 கட்டணத்தில் ஜனவரி மாதத்திற்கான தரிசன டிக்கெட்டுகள் இன்று (வெள்ளிக்கிழமை) காலை 9 மணிக்கு ஆன்லைனில் வெளியிடப்படுகிறது. ஜனவரி 1-ம் தேதி முதல் 12-ம் தேதி வரை 12,000 டிக்கெட்டுகள் ஆன்லைனில் வெளியிடப்படுகிறது.

வைகுண்ட ஏகாதசி சொர்க்கவாசல் திறப்பையொட்டி 13-ம் தேதி முதல் 22-ம் தேதி வரை 10 நாட்கள் கூடுதலாக 8 ஆயிரம் டிக்கெட் என 20 ஆயிரம் டிக்கெட்டுகளும், 23-ம் தேதி முதல் 31-ம் தேதி வரை மீண்டும் 12 ஆயிரம் டிக்கெட்டுகள் வெளியிடப்படுகிறது. ஏற்கனவே 10 ஆயிரம் இலவச தரிசன டிக்கெட்டுகள் ஆன்லைனில் வழங்கப்பட்டு வந்தது. ஜனவரி மாதம் முதல் 5 ஆயிரம் இலவச தரிசன டிக்கெட்டுகள் ஆன்லைனிலும், 5 ஆயிரம் டிக்கெட்டுகள் நேரடியாகவும் வழங்கப்படுகிறது.

தரிசன டிக்கெட்டுகள் இல்லாமல் திருப்பதி வந்து ஏமாற்றம் அடையும் பக்தர்களின் கோரிக்கையை ஏற்று தேவஸ்தானம் சார்பில் நேரடி இலவச தரிசன டிக்கெட்டுகள் வழங்க ஏற்பாடு செய்துள்ளது. இலவச தரிசனம் பெறும் பக்தர்களின் வசதிக்காக பஸ் நிலையம் அருகே உள்ள ஸ்ரீ நிவாசம், விஷ்ணு நிவாசம், அலிபிரி ஆகிய 3 இடங்களில் இலவச தரிசன டோக்கன் வழங்கும் கவுண்டர்கள் திறக்கப்படுகின்றன. நேரடி இலவச தரிசன டோக்கன்கள் டிசம்பர் 30-ம் தேதி வழங்கப்படுகிறது.

கல்யாண உற்சவம் உள்ளிட்ட சேவைகளை பக்தர்கள் ஆன்லைனில் கண்டுகளிக்க வரும் 26-ம் தேதி 5,500 நித்ய சேவை டிக்கெட்டுகள் ஆன்லைனில் வெளியிடப்படுகிறது. 27-ம் தேதி வாடகை அறைகள் ஆன்லைனில் வெளியிடப்படுகிறது. ஜனவரி 11 முதல் 14-ம் தேதி வரை 4 நாட்கள் அறைகளை ஆன்லைனில் பதிவு செய்ய முடியாது. பக்தர்கள் நேரடியாக வந்து அறைகளை பெற்றுக் கொள்ளலாம் என தேவஸ்தானம் தெரிவித்துள்ளது.

 

இதனால் கடந்த மாதம் 18-ம் தேதி முதல் டிசம்பர் 11-ம் தேதி வரை ஆன்லைனில் தரிசன டிக்கெட்டுகள் பதிவு செய்து தரிசனத்திற்கு வரமுடியாத பக்தர்கள் ஜனவரி 10-ம் தேதி முதல் ஜூலை 10-ம் தேதி வரை 6 மாத காலத்திற்குள் எப்போது வேண்டுமானாலும் பழைய தரிசன டிக்கெட் எண் மூலம் ஆன்லைனில் புதிய தரிசன டிக்கெட்டுகளை பெற்றுக்கொண்டு தரிசனம் செய்யலாம் என திருப்பதி தேவஸ்தானம் சார்பில் அறிவிக்கப்பட்டுள்ளது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 2 months 3 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 6 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 7 months 1 week ago
தொடர் தும்மல் நிற்க | ஜலதோஷம் நீங்க | நீர் கோர்வை குணமாக | சுவாசக்குழாய் அலர்ஜி 7 months 1 week ago மாரடைப்பை தடுக்க | நெஞ்சுவலி குணமாக | இதயம் படபடப்பு நீங்க | இருதயம் பலமடைய 8 months 4 days ago இருமல் குணமாக | இளைப்பு குணமாக | வரட்டு இருமல் | கக்குவான் இருமல் வேகம் குறைய - சித்த மருத்துவ குறிப்புக்கள் 8 months 5 days ago
View all comments

வாசகர் கருத்து