எஃப்.ஐ.ஆர் – விமர்சனம்

விஷ்ணு விஷால் தயாரித்து நாயகனாக நடித்து அறிமுக இயக்குனர் மனு ஆனந்த் இயக்கத்தில் உருவாகியுள்ள படம் எப்.ஐ.ஆர். இப்படம் மஞ்சிமா மோகன், ரைசா, ரெபா மோனிகா, கெளதம் மேனன் உள்ளிட்ட பலரின் நடிப்பில் வெளியாகியுள்ளது. ஐஐடி’யில் படிப்பை முடித்துவிட்டு ஒரு கெமிக்கல் கம்பெனியில் வேலைக்குச் சேர்கிறார் விஷ்ணு விஷால். இலங்கையில் வெடிகுண்டுகளை வெடிக்க செய்த ஒரு தீவிரவாத குழு இந்தியாவிற்கும் மிரட்டல் விடுக்கிறது. இந்த சமயத்தில், கம்பெனிக்காக வாங்கிய கெமிக்கலை வெடிகுண்டு செய்வதற்காககத் தான் வாங்கினார் என்று மத்திய போலிசார் விஷ்ணுவை கைது செய்கின்றனர்… சாட்சிகளும் தடயங்களும் இவருக்கு எதிராக இருக்க தீவிரவாத அமைப்பின் தலைவர் என்று முத்திரைக் குத்தப்படுகிறார். விஷ்ணு விஷால் யார்? தன் மீது சுமத்தப்பட்ட பழியிலிருந்து மீண்டாரா என்பதே படத்தின் கிளைமாக்ஸ். கல்லூரி கால இளமை, வாழ்க்கையின் மீது வெறுமை, என பல விதமான நடிப்பை கொடுத்திருக்கிறார் விஷ்ணு விஷால். NIA உயர் அதிகாரியாக வரும் கெளதம் மேனன் படத்திற்கு நல்ல தேர்வு. ரைசா தனக்கு கொடுத்தள்ள கதாபாத்திரத்தை திறம்பட செய்துள்ளார். மஞ்சிமா மோகனுக்கும் ரெபா மோனிகாவுக்கும் வந்து போகும் காட்சிகள் தான். மற்றபடி, மேக்கிங்கில் தனித்துவத்தை வெளிக்காட்டியதற்காக இயக்குனர் மனு ஆனந்தை பாராட்டலாம். க்ளைமாக்ஸ் காட்சியில் வைக்கப்பட்ட ட்விஸ்ட் படத்திற்கு பெரிய ப்ளஸ்.