இந்த வாரம் வெளியாகும் ஹே சினாமிகா

பிரபல நடன இயக்குனர் பிருந்தா முதன் முதலாக இயக்கும் படம் ஹே சினாமிகா. இப்படத்தில், துல்கார் சல்மான், அதிதி ராவ் காஜல் அகர்வால் ஆகியோர் முக்கிய வேடங்களில் நடிக்கின்றனர். இப்படம் இந்த வாரம் வெளியாவதை ஒட்டி படக்குழுவினர் செய்தியாளர்களைச் சந்தித்தனர். அப்போது பேசிய நாயகன் துல்கர், இது ஒரு சிறந்த தொடக்கம், இப்படத்தின் பயணத்தை அன்பான பெண்களான காஜல் அகர்வால், அதிதி ராவ், பிரீத்தா ஜெயராமன் மற்றும் பிருந்தா மாஸ்டருடன் தொடர்வது எனக்கு மகிழ்ச்சியாக உள்ளது என்று குறிப்பிட்டார். முன்னதாக பேசிய படத்தின் இயக்குனர் பிருந்தா மாஸ்டர், காதல், நகைச்சுவை உணர்வுகள் மற்றும் இசையின் கலவையாக இப்படம் உருவாகியுள்ளது என்றார். இளைஞர்கள் மிகவும் ரசிப்பார்கள். அதே சமயம், அனைத்து வயதினரும் இப்படத்தைப் பார்த்து மகிழலாம். கொண்டாட்டம், குதூகலம் என உணர்ச்சிகளின் உற்சாகக் குவியலாக ஒரு ஃபீல் குட் திரைப்படமாக இருக்கும் இந்த ஹே சினாமிகா படம் என்றார். ஜியோ ஸ்டுடியோஸ் மற்றும் குளோபல் ஒன் ஸ்டுடியோஸ் தயாரித்து வழங்கும் இப்படம் மார்ச் 3 அன்று திரையரங்குகளில் வெளியாக உள்ளது.