முக்கிய செய்திகள்
Idhayam Matrimony

அவையை அலங்கரித்தது கிரீடம்: 60 ஆண்டுகளில் முதன்முறையாக ராணி 2-ம் எலிசபெத் பங்கேற்பின்றி நடந்த பிரிட்டன் நாடாளுமன்ற விழா

புதன்கிழமை, 11 மே 2022      உலகம்
Britain 2022 05 11

Source: provided

லண்டன் : 60 ஆண்டுகளில் முதன்முறையாக இரண்டாம் எலிசபெத் இல்லாமலேயே பிரிட்டன் நாடாளுமன்ற கூட்டம் பாரம்பரிய முறைப்படி நடந்தது. ராணி பங்கேற்காததால் அவரது மகன் சார்லஸ் உரையாற்றினார். அவருக்கு அருகில் ராணியின் கிரீடம் வைக்கப்பட்டிருந்தது.

பிரிட்டன் ராணியாக இரண்டாம் எலிசபெத் பொறுப்பேற்று அடுத்த மாதத்துடன் 70 ஆண்டுகள் நிறைவடையவுள்ளது. இதனை கோலாகலமாக கொண்டாடுவதற்கான ஏற்பாடுகள் தயாராகி வருகின்றன. இளவரசர் பிலிப்ஸ் கடந்த ஆண்டு மரணமடைந்த நிலையில், 96 வயதாகும் ராணி, வயது மூப்பின் காரணமாக அவதியுற்று வருகிறார். கடந்த ஆண்டு கொரோனா தாக்கத்திற்கு பிறகு அவருடைய உடல்நிலை மிகவும் மோசமடைந்ததால் பொது நிகழ்ச்சிகளில் பங்கேற்பதை தவிர்த்து வருகிறார்.

இந்நிலையில் 60 ஆண்டுகளில் முதன்முறையாக இரண்டாம் எலிசபெத் இல்லாமலேயே பிரிட்டன் நாடாளுமன்ற கூட்டம் பாரம்பரிய முறைப்படி தொடங்கியது. ராணியின் இடத்தில் இளவரசர் சார்லஸ் இருந்து விழாவை சிறப்பித்தார். அவருக்கு உற்சாக வரவேற்பு அளிக்கப்பட்டது. பிரிட்டன் நாடாளுமன்றத்தின் தொடக்க விழா உரையை ராணி நிகழ்த்துவதே பாரம்பரிய வழக்கமாக உள்ளது. இருப்பினும் ராணி இரண்டாம் எலிசபெத் பங்கேற்காததால் அவரது மகன் சார்லஸ் உரையாற்றினார். அவருக்கு அருகில் ராணியின் கிரீடம் வைக்கப்பட்டிருந்தது. உரையை மேற்கொள்ளும்போது ராணியின் இந்த அரசு மேற்கொள்ளும் என்றே சார்லஸ் தெரிவித்தார்.

 சார்லசுக்கு அருகில் அவரது மனைவியும், இளவரசியுமான கமீலா மற்றும் அவரது மகனும் இளவரசருமான வில்லியம் ஆகியோர் அமர்ந்திருந்தனர். பிரிட்டன் ராணி இரண்டாம் எலிசபெத், தனது 70 ஆண்டு கால பொதுவாழ்வில் 1959, 1963 ஆகிய ஆண்டுகள் மட்டுமே நாடாளுமன்ற தொடக்க விழாவில் பங்கேற்றதில்லை. இந்த இரு ஆண்டுகளிலும் அவர் கர்ப்பமாக இருந்தார்.  ஆண்டுதோறும் இந்த விழாவில் ராணி சாரக் வண்டியில் வந்து பாதுகாவலர்கள் சீருடையில் அவருக்கு அணிவகுப்பு மரியாதை செலுத்துவதை காண பலரும் திரளுவது வழக்கமாகும். வயது மூப்பு காரணமாக அரச நடைமுறைகளில் இருந்து ஒதுங்கி வரும் ராணி, படிப்படியாக தனது பொறுப்புகளை இளவரசர் சார்லஸிடம் அளித்து வருவதாக கூறப்படுகிறது. விரைவில் அவர் ஓய்வுபெற உள்ளதாகவும் கூறப்படுகிறது.

இதை ஷேர் செய்திடுங்கள்:

Idhayam Matrimony

சித்த மருத்துவ குறிப்புக்கள்

மூட்டு வலி குணமாக 7 எளிய வீட்டு வைத்தியம் | இடுப்பு வலி குணமாக | தவிற்கணவேண்டிய உணவுகள் 3 weeks 5 days ago வாய்புண் குணமாக என்ன செய்ய வேண்டும்? தொண்டைப்புண் குணமாக பாட்டி வைத்தியம் | பழங்கள் மற்றும் உணவு முறை 3 weeks 5 days ago ஆவாரம்பூவின் மருத்துவ பலன்கள் 3 weeks 5 days ago
தீக்காயங்கள் குணமாக | தீப்புண் கொப்பளங்கள் குணமாக | தீப்புண் வடு மறைய | காயம் விரைவில் ஆற - சித்த மருத்துவ குறிப்புக்கள் 3 months 2 weeks ago குழந்தைகளுக்கு குடல் பூச்சி தீர | நாக்கு பூச்சி நீங்க | வயிற்றில் உள்ள நுண்புழுக்கள் அழிய | குடல் புண் குணமாக 7 months 1 week ago பேன் ஒழிய | பேன் ஈர் ஒழிய - சித்த மருத்துவ குறிப்புக்கள் 8 months 6 days ago
View all comments

வாசகர் கருத்து

அரசியல்

இந்தியா

சினிமா

ஆன்மிகம்

தமிழகம்

உலகம்

விளையாட்டு

வர்த்தகம்

© 2022 Copyright Thinaboomi. All Rights reserved. No reproduction of any sort is permitted.